លោកស្រី Iryna Vereshchuk ឧបនាយករដ្ឋមន្ត្រីអ៊ុយក្រែនបាននិយាយថា ប្រទេសអ៊ុយក្រែននឹងធ្វើការព្យាយាមម្តងទៀតដើម្បីជន្លៀសជនស៊ីវិលចេញពីទីក្រុង Mariupol នៅថ្ងៃត្រង់នេះ។ ទាហានរងរបួស និងជនស៊ីវិលរាប់ពាន់នាក់កំពុងជាប់នៅក្នុងរោងចក្រដែក Azovstal…
លោកស្រី Iryna Vereshchuk ឧបនាយករដ្ឋមន្ត្រីអ៊ុយក្រែនបាននិយាយថា ប្រទេសអ៊ុយក្រែននឹងធ្វើការព្យាយាមម្តងទៀតដើម្បីជន្លៀសជនស៊ីវិលចេញពីទីក្រុង Mariupol នៅថ្ងៃត្រង់នេះ។
ទាហានរងរបួស និងជនស៊ីវិលរាប់ពាន់នាក់កំពុងជាប់នៅក្នុងរោងចក្រដែក Azovstal ក្រោយពេលមេដឹកនាំរុស្ស៊ី Vladimir Putin បញ្ជាឲ្យកងទ័ពបិទច្រកចេញចូលកុំឲ្យមាននរណាម្នាក់គេចខ្លួនបាន។
លោកស្រី Iryna Vereshchuk ថ្លែងដូច្នេះថា «ថ្ងៃនេះ នឹងយើងព្យាយាមម្តងទៀតដើម្បីជន្លៀសសត្រូវ កុមារ និងមនុស្សចាស់ចេញ» ។ គាត់បានអំពាវនាវឲ្យប្រជាជនប្រមូលផ្តុំគ្នានៅលើផ្លូវជិតផ្សារទំនើប Port City នៅក្នុងទីក្រុង Mariupol។ «ប្រសិនអ្វីៗកើតឡើងដូចការគ្រោងទុក យើងនឹងចាប់ផ្តើមការជន្លៀសនៅវេលាថ្ងៃត្រង់» ។
សូមបញ្ជាក់ថា អភិបាលក្រុង Mariupol បាននិយាយថា ជោគវាសនារបស់ជនស៊ីវិលជាង ១០០.០០០នាក់នៅក្នុងក្រុងស្ថិតក្នុងក្នុងដៃរបស់ប្រធានាធិបតីរុស្ស៊ីដែលបានអះអាងពីការយកជ័យជន្នះ និងរំដោះក្រុង Mariupol បាន។
រុស្ស៊ីព្យាយាមបង្អត់អាហារទាហាន និងជនស៊ីវិលជាប់នៅរោងចក្រដែកនៅក្រុង Mariupol
វិទ្យាស្ថានសិក្សាអំពីសង្គ្រាម (IOW) បាននិយាយថា រុស្ស៊ីកំពុងព្យាយាមបង្អត់អាហារជនស៊ីវិល និងទាហានអ៊ុយក្រែនដែលកំពុងជាប់នៅក្នុងរោងចក្រដែល Azovstal។
នៅក្នុងរបាយការណ៍ចុងក្រោយ វិទ្យាស្ថាននេះនិយាយថា កងទ័ពរុស្ស៊ី «ទំនងជាមិនអនុញ្ញាតិឲ្យជនស៊ីវិលដែលជាប់នៅទីនោះចាកចេញនោះឡើយ» ៕ (យោងតាមប្រភព៖ Aljazeera)
ចែករំលែកព័តមាននេះ