រាជធានីភ្នំពេញ ៖ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ទ្រង់បានចេញព្រះរាជក្រឹត្យ ត្រាស់បង្គាប់ដំឡើងឋានន្ដរស័ក្ដិ ថ្នាក់ឧត្តមសេនីយ៍ឯក(ផ្កាយ៣) ដល់អង្គរក្សជំនិតរបស់សម្តេចតេជោ…
រាជធានីភ្នំពេញ ៖ ព្រះករុណា ព្រះបាទសម្ដេចព្រះបរមនាថ នរោត្តម សីហមុនី ទ្រង់បានចេញព្រះរាជក្រឹត្យ ត្រាស់បង្គាប់ដំឡើងឋានន្ដរស័ក្ដិ ថ្នាក់ឧត្តមសេនីយ៍ឯក(ផ្កាយ៣) ដល់អង្គរក្សជំនិតរបស់សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ចំនួន០៤រូប ។
យោងតាមព្រះរាជក្រឹត្យ ចុះថ្ងៃទី១៩ ខែមេសា ឆ្នាំ២០២២ បានឲ្យដឹងថា ព្រះមហាក្សត្របានត្រាស់បង្គាប់ដំឡើងឋានន្តរស័ក្តិ ឧត្តមសេនីយ៍ឯក ដល់នាយទាហានថ្នាក់ឧត្តមសេនីយ៍ នៃកងយោធពលខេមរភូមិន្ទ ០៤រូប ៖
១-ឧត្តមសេនីយ៍ទោ ណាំ ភិរុណ អត្តលេខ ០០៤០២៧
២-ឧត្តមសេនីយ៍ទោ ឡុង ជា អត្តលេខ ០១៧៣៥០
៣-ឧត្តមសេនីយ៍ទោ អ៊ន សុន្ធីរ័ត្ន អត្តលេខ ០២១០៦៧
៤-ឧត្តមសេនីយ៍ទោ ឃុត សុខុន អត្តលេខ ១៦២០៩២
ព្រះរាជក្រឹត្យ បន្តថា ៖ «សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា ត្រូវទទួលបន្ទុកអនុវត្តព្រះរាជក្រឹត្យនេះ ចាប់ពីថ្ងៃឡាយព្រះហស្ថលេខាតទៅ» ៕
ចែករំលែកព័តមាននេះ