ផ្ទុះបាតុកម្មកម្មកររោងចក្រ ឈានដល់ការបិទកំណាត់ផ្លូវវេងស្រេង
- ភ្នំពេញ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី១៩ មេសា ឆ្នាំ២០២២ កម្មករោងចក្រ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី១៩ មេសា ឆ្នាំ២០២២ កម្មករោងចក្រ
រាជធានីភ្នំពេញ ៖ តាមសេចក្តីរាយការណ៍បឋមបានឱ្យដឹងថា នាព្រឹកថ្ងៃទី១៩ មេសា ឆ្នាំ២០២២ កម្មករោងចក្រកាត់ដេរ សំលៀកបំពាក់ ឃែនធើរេន អីភែរឹល (ខេមបូឌា) មានទីតាំងនៅតាមបណ្តោយផ្លូវវេងស្រេង ស្ថិតក្នុងភូមិត្រពាំងថ្លឹង៣ សង្កាត់ចោមចៅទី១ ខណ្ឌពោធិសែនជ័យ រាជធានីភ្នំពេញ នាំគ្នាតវ៉ាបិទផ្លូវវេងស្រេង ដោយសារថៅកែរោងចក្រលួចដឹកម៉ាស៊ីនដេរ និងសម្ភារផ្សេងៗចេញពីក្នុងរោងចក្រ ដោយមិនបានប្រជុំប្រាប់កម្មករ ឬតំណាងកម្មករឱ្យបានដឹងជាមុននោះទេ ។
តាមសេចក្តីរាយការណ៍បានបន្តថា ក្រុមកម្មករមានការព្រួយបារម្ភថា នៅពេលថៅកែដឹកសម្ភារចេញអស់ហើយនឹងបិទរោងចក្រនោះ ដោយមិនបានទូទាត់ប្រាក់អតីតភាពការងារ ឬមួយក៏ប្រាក់ឧបត្ថម្ភផ្សេងៗតាមច្បាប់ការងារ ។
កម្មករចាប់ផ្តើមមានការភ្ញាក់ផ្អើលកាលពីថ្ងៃទី ១៨ មេសា ម្សិលមិញ រហូតមកដល់ព្រឹកថ្ងៃទី១៩ មេសានេះ ពួកគាត់ចាប់ផ្តើមនាំគ្នាបិទផ្លូវនៅមុខរោងចក្រ ដើម្បីធ្វើការតវ៉ាតែម្តង ។
ការបិទផ្លូវខាងលើមានរយៈពេលប្រហែលជាងកន្លះម៉ោង ដោយសារមានការសម្របសម្រួលពីអាជ្ញាធរខណ្ឌពោធិសែនជ័យដឹកនាំដោយអភិបាលរងប៉ាង លីដា ចុះទៅសម្រសបម្រួលជាមួយក្រុមកម្មករ ទើបក្រុមកម្មករបានបើកផ្លូវឡើងវិញហើយ ដោយធ្វើការដោះស្រាយគ្នានៅក្នុងរោងចក្រ ។
សូមបញ្ជាក់ថា កម្មករធ្វើការនៅរោងចក្រខាងលើមានចំនួនជាង៣០០នាក់ ដោយឡែកកម្មករដែលធ្វើការបិទផ្លូវតវ៉ាមានចំនួនជាង២០០នាក់ ។ ព័ត៌មានលម្អិតនឹងមានផ្សាយជូននៅលើកាសែតកោះសន្តិភាព ៕
ចែករំលែកព័តមាននេះ