ADផ្ទាំងផ្សព្វផ្សាយពាណិជ្ជកម្ម

Picture

ត្រឹម៣ថ្ងៃ​ចូលឆ្នាំ​! ភ្ញៀវទេសចរជាង​២០ម៉ឺននាក់មកកម្សាន្ត​ខេត្តកំពត​

7 ខែ មុន
  • កំពត

ខេត្តកំពត​ ៖ ដំណើរ​កំសាន្ត​ពី​សំណាក់​ភ្ញៀវ​ទេសចរណ៍​ចូល​មក​លេង​ក្នុង​ទឹកដី​ខេត្តកំពត​ រយៈពេល​៣ថ្ងៃ​​ក្នុង​​ថ្ងៃ​បុណ្យ

ខេត្តកំពត​ ៖ ដំណើរ​កំសាន្ត​ពី​សំណាក់​ភ្ញៀវ​ទេសចរណ៍​ចូល​មក​លេង​ក្នុង​ទឹកដី​ខេត្តកំពត​ រយៈពេល​៣ថ្ងៃ​​ក្នុង​​ថ្ងៃ​បុណ្យចូលឆ្នាំ​ប្រពៃណី​ជាតិខ្មែរ តាម​ការ​ពិនិត្យ​មើល​ពី​ទិដ្ឋភាព​ដំណើរ​កម្សាន្ត​របស់​បងប្អូន​ភ្ញៀវ​ទេសចរ​ជាតិ​និង​អន្តរជាតិ​នៅ​តាម​តំបន់​រមណីយដ្ឋាន​និង​កន្លែង​កម្សាន្ត​នានា​ក្នុង​ទឹកដី​ខេត្តកំពត​ឆ្នាំ​នេះ​ឃើញ​ថា​មាន​សភាព​ផុលផុស​និង​សប្បាយ​រីករាយ​គួរ​ជាទី​មោ​ទ​ន​:​ពី​សំណាក់​បងប្អូន​ភ្ញៀវ​ទេសចរ​ដែល​ចូល​មក​លេង​ក្នុង​ទឹកដី​ខេត្តកំពត​នេះ​ផង​ដែរ​។

លោក សយ ស៊ី​ណុ​ល ប្រធាន​មន្ទីរ​ទេសចរណ៍​ខេត្ត​ បាន​​ឱ្យ​ដឹង​ថា​ ភ្ញៀវ​ទេសចរ​មក​លេង​ខេត្តកំពត​រយ​:​ពេល៣​ថ្ងៃ​​ក្នុង​ថ្ងៃ​បុណ្យចូលឆ្នាំ​ប្រពៃណី​ជាតិខ្មែរ​ចាប់ពី​ថ្ងៃ​ទី​១៤ ដល់​ថ្ងៃ​ទី​១៦ ខែមេសា ​ឆ្នាំ​២០២២ នេះ មាន​ភ្ញៀវ​សរុប​ចំ​នួ​២៤៨,២៨២​នាក់​ ។ ក្នុង​នោះ​ភ្ញៀវ​ទេសចរណ៍​តាម​រមណីយដ្ឋាន​សហគមន៍​គោលដៅ​ទេសចរណ៍​នានា​ចំនួន ១២៧,១៣៥​នាក់ភ្ញៀវ​ទេសចរ​ក្នុងស្រុក​ចំនួន ១២៥,៨៤០​នាក់ ។

-​ភ្ញៀវ​បរទេស​ផ្ទៃក្នុង​ចំនួន ១២៩៥​នាក់ ។
លោក​ប្រធាន​មន្ទីរ​ទេសចរណ៍​បាន​បន្ត​ទៀត​ថា​÷ ភ្ញៀវ​ទេសចរ​ដែល​បាន​ចូលរួម​សង្ក្រាន្ត​ក្នុង​ក្រុង​ចំនួន​១២១,១៤៧​នាក់​។

លោក​ប្រធាន​មន្ទីរ​ក៏​បាន​បញ្ជាក់​ផង​ដែរ​ថា ​សភាពការណ៍​ទូទៅ​តាម​តំបន់​រមណីយដ្ឋាន​នានា​ក៏​ដូច​ជា​នៅ​ក្នុង​ខេត្ត​ទាំងមូល​ដែរ​គឺ​គ្មាន​លេច​ចេញ​បាតុភាព​អ្វី​កើតឡើង​គួរ​ឲ្យ​កត់សម្គាល់​នោះ​ទេ​។ ក្នុង​នោះ​ដែរ​ មន្ទីរ​បាន​ចាត់​ក្រុមការងារ​ជា៤​ក្រុម ​ដើម្បី​ចុះ​តាម​សេវាកម្ម​និង​រមណីយដ្ឋាន​សហគមន៍​គោលដៅ​ទេសចរណ៍​នានា​ដើម្បី​ជំរុញ​ការ​អនុវត្ត​សារាចរ​ណែនាំ​របស់​ក្រសួងទេសចរណ៍​។ រីឯ​នៅ​កន្លែង​ស្នាក់​នៅ​របស់​ភ្ញៀវ​ដូច​ជា​សណ្ឋាគារ បន្ទប់​ជួល​ផ្ទះសំណាក់​គឺ​ចាប់ពី​ថ្ងៃ​បុណ្យចូលឆ្នាំ​ទី​១ រហូត​គម្រប់​បី​ថ្ងៃ​គឺ​កន្លែង​ស្នាក់​នៅ​និង​កក់​បន្ថែម​ស្ទើរ 100% រយៈពេល​បី​ថ្ងៃនេះ ហើយ​ក៏​ពុំ​មាន​បាតុភាព​អ្វី​ទាំង​ថ្លៃ​ម្ហូបអាហារ​និង​តម្លៃ​សេវា​ការ​ស្នាក់​នៅ​ដោយ​ពុំ​សម​ស្រប​នោះ​ទេ​។

ចំណែក​ការ​រៀបចំ​សណ្ដាប់ធ្នាប់​ចរាចរណ៍​របស់​កងកម្លាំង​រាជ​អាវុធហត្ថ​ក្រុង​និង​ខេត្ត ព្រមទាំង​កងកម្លាំង​នគរបាល​ចរាចរណ៍​ក្រុង​និង​ខេត្ត ទាំង​នៅ​តាម​តំបន់​រមណី​ដ្ឋា​ន​កម្សាន្ត​នានា​ទាំង​នៅ​លើ​ផ្លូវ​សាធារណៈ​ក្នុង​ក្រុង​កម្លាំង​សមត្ថកិច្ច​ទាំង​បី​ផ្នែក​ក្នុង​ខេត្តកំពត​បាន​យកចិត្តទុកដាក់​រៀបចំ​សណ្ដាប់ធ្នាប់​តាម​ផ្លូវ​សាធារណៈ​និង​តំបន់​កម្សាន្ត​នានា​ដើម្បី​ការពារ​សុវត្ថិភាព​ជូន​ភ្ញៀវ​បាន​យ៉ាង​ល្អ​ប្រសើរ​ផង​ដែរ ដែល​ធ្វើ​ឲ្យ​ចរាចរណ៍​រយៈពេល​បី​ថ្ងៃ​នៅ​ក្នុង​ខេត្តកំពត​នេះ​មិន​មានការ​កកស្ទះ​ដូច​ឆ្នាំ​កន្លង​ទៅ​នោះ​ឡើយ​។

ប្រជាពលរដ្ឋ​ក៏​ដូច​ជា​ភ្ញៀវ​ទេសចរ​ជាតិ​និង​អន្តរជាតិ​មានការ​កោតសរសើរ​ដល់​អាជ្ញាធរ​គ្រប់​ជាន់ថ្នាក់​ក្នុង​ខេត្ត​រួម​និង​កម្លាំង​សមត្ថកិច្ច​ពាក់ព័ន្ធ​ដែល​បាន​យកចិត្តទុកដាក់​រៀបចំ​សណ្តាប់ធ្នាប់​ជូន​ភ្ញៀវ​បាន​យ៉ាង​ល្អ​ប្រសើរ
រី​ឯ​​សភាពការណ៍​សន្តិសុខ​ទូទៅ នៅ​ក្នុង​ខេត្ត​រយៈពេល៣ ថ្ងៃ​នៅ​ថ្ងៃ​បុណ្យចូលឆ្នាំ​ប្រពៃណី​ជាតិខ្មែរ​សន្តិសុខ​សង្គម​ឃើញ​ថាៈ​ករណី​ចោរកម្ម​ចោរឆក់​និង​សកម្មភាព​ចោរកម្ម​ផ្សេង​ៗ​មានការ​ស្ងប់ស្ងាត់​បាន​ល្អ​។ រីឯ​ផ្នែក​ចរាចរ​វិញ​រយៈពេល​បី​ថ្ងៃនេះ​ពុំ​មាន​ហេតុការណ៍​អ្វី​កើតឡើង​គួរ​ឲ្យ​កត់សម្គាល់​នោះ​ឡើយ ​៕

Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture
Picture