រាជធានីភ្នំពេញ ៖ បុរស៣នាក់បានស្លា.ប់បាត់បង់ជីវិតភ្លាមៗ ក្នុងហេតុការណ៍គ្រោះថ្នាក់ចរាចរណ៍រវាងរថយន្តកុងតឺន័របុ.កម៉ូតូមួយគ្រឿង កាលពីវេលាម៉ោង៣ឈានចូលព្រឹកថ្ងៃទី១១ ខែមេសា ឆ្នាំ២០២២ នៅចំណុចស្តុបណតប្រ៊ីដ នៅតាមបណ្ដោយផ្លូវ២០០៤កែងផ្លូវហាណូយ ស្ថិតក្នុងសង្កាត់អូបែកក្អម ខណ្ឌសែនសុខ រាជធានីភ្នំពេញ ។
ជនរងគ្រោះដែលបាត់បង់ជីវិតទាំង៣នាក់ខាងលើ រួមមាន ១-ឈ្មោះ នៅ ប៊ុនណា ភេទប្រុស អាយុ២៣ឆ្នាំ មុខរបរ រត់ម៉ូតូកង់បី រស់នៅសង្កាត់កាកាបទី២ ខណ្ឌពោធិ៍សែនជ័យ រាជធានីភ្នំពេញ ២-ឈ្មោះ គង់ សុមារិទ្ធ ភេទប្រុសអាយុ២៤ឆ្នាំ មុខរបរជាងជួសជុលរថយន្ត រស់នៅសង្កាត់បឹងសាឡាង ខណ្ឌទួលគោក រាជធានីភ្នំពេញ និង៣-ជនរងគ្រោះមិនទាន់ស្គាល់អត្តសញ្ញាណនៅឡើយទេ ។ ជនរងគ្រោះទាំង៣នាក់ជិះម៉ូតូមួយគ្រឿងម៉ាកស្មាសវី ពណ៌ខ្មៅ ពាក់ស្លាកលេខ ភ្នំពេញ 1CB- 8957 ។ ដោយឡែកភាគីខាងរថយន្តកុងតឺន័រ អ្នកបើកបរមិនស្គាល់អត្តសញ្ញាណនោះទេ បានបើកគេចបាត់ ។
តាមប្រភពព័ត៌មានពីប្រជាពលរដ្ឋនៅកន្លែងកើតហេតុបាននិយាយប្រាប់ថា នៅមុនពេលកើតហេតុ គេឃើញជនរងគ្រោះទាំង៣នាក់ជិះម៉ូតូមួយគ្រឿងម៉ាកស្មាសវី ពណ៌ខ្មៅ បើកបរតាមបណ្តោយផ្លូវ២០០៤ ក្នុងទិសដៅពីលិចទៅកើតក្នុងល្បឿនយ៉ាងលឿន លុះបើកមកដល់ចំណុចកើតហេតុ ត្រង់ចំណុចស្តុបណតប្រ៊ីដ ក៏ស្រាប់តែមានរថយន្ដកុងតឺន័របើកតាមបណ្ដោយផ្លូវហាណូយ ក្នុងទិសដៅពីត្បូងទៅជើងក្នុងល្បឿនយ៉ាងលឿនដូចគ្នា ហើយរថយន្តកុងតឺន័របានបុ.កម៉ូតូយ៉ាងពេញទំហឹង បណ្តាលឱ្យជនរងគ្រោះខ្ទាតរាយប៉ាយពេញផ្លូវ ស្លា.ប់២នាក់ភ្លាមៗនៅកន្លែងកើតហេតុ និងម្នាក់ទៀតរងរបួសធ្ងន់ ចំណែកម៉ូតូខ្ទាតទៅចិញ្ចើមផ្លូវរងការខូចខាតយ៉ាងធ្ងន់ធ្ងរផ្នែកខាងមុខ រីឯរថយន្តបង្កបានបើកគេចខ្លួនបាត់ស្រមោល។
តាមប្រភពដដែលបានបន្តថា ជនរងគ្រោះម្នាក់ដែលរងរបួសធ្ងន់ ត្រូវបានរថយន្តសង្គ្រោះគ្លីនិកឯកជនបានមកដឹកយកទៅសង្គ្រោះភ្លាមៗផងដែរ ប៉ុន្តែជាអកុសលជនរងគ្រោះបានស្លា.ប់បាត់បង់ជីវិត ត្រូវបានរថយន្តគ្លីនិកឯកជនដឹកស.ពមកកន្លែងកើតហេតុវិញភ្លាមៗ ។ បន្ទាប់មកក៏មានវត្តមានកម្លាំងសមត្ថកិច្ចនគរបាលប៉ុស្តិ៍បានចុះមកដល់កន្លែងកើតហេតុភ្លាមៗ ហើយទាក់ទងទៅសមត្ថកិច្ចនគរបាលជំនាញចរាចរណ៍ខណ្ឌសែនសុខភ្លាមៗផងដែរ ហើយខាងសមត្ថកិច្ចជំនាញទៅក្រុមគ្រួសារស.ពភ្លាមៗផងដែរ ។
ក្រោយពេលកើតហេតុសមត្ថកិច្ចនគរបាលជំនាញខណ្ឌសែនសុខបានវាស់វែងនឹង នឹងធ្វើលិខិតប្រគល់ស.ពអោយក្រុមគ្រួសារយកទៅធ្វើបុណ្យតាមប្រពៃណី ចំណែកស.ពជនរងគ្រោះម្នាក់ទៀតដោយមិនទាន់ស្គាល់អត្តសញ្ញាណ ត្រូវបានសមត្ថកិច្ចឱ្យរថយន្តដឹកស.ពយកទៅតម្កល់ទុកនៅវត្តទឹកថ្លា រង់ចាំសាច់ញាតិមកទទួលយកទៅធ្វើបុណ្យតាមប្រពៃណី ៕
ចែករំលែកព័តមាននេះ