ញាក់សាច់ ! ១ថ្ងៃចាប់បាន២ដងនៅកន្លែងតែមួយ
រាជធានីភ្នំពេញ ៖ កាលពីវេលាម៉ោង១០យប់ថ្ងៃទី១២ ខែកញ្ញា ឆ្នាំ២០១៦ សមត្ថកិច្ចគយប្រចាំព្រលានយន្តហោះអន្តរជាតិភ្នំពេញ សហការជាមួយកម្លាំងមន្ទីរ …
រាជធានីភ្នំពេញ ៖ កាលពីវេលាម៉ោង១០យប់ថ្ងៃទី១២ ខែកញ្ញា ឆ្នាំ២០១៦ សមត្ថកិច្ចគយប្រចាំព្រលានយន្តហោះអន្តរជាតិភ្នំពេញ សហការជាមួយកម្លាំងមន្ទីរប្រឆាំងគ្រឿងញៀន បានឃាត់ខ្លួនស្ត្រីម្នាក់ ខណៈនាំគ្រឿងញៀនជាង១គីឡូក្រាមចូលមកកម្ពុជា ។
សមត្ថកិច្ចបានឲ្យដឹងថា ស្ត្រីសង្ស័យឈ្មោះ LOUPEZ ALVIAREZ ADELYS PAOLA អាយុ២៣ឆ្នាំ ជនជាតិវេណេហ្ស៊ុយអេឡា កាន់លិខិត ឆ្លងដែនលេខ 13842070 ព្រមទាំងដកហូតបានថ្នាំញៀនប្រភេទកូកាអ៊ីនទម្ងន់ ១៤៤៩ក្រាម៤៣ ។
សមត្ថកិច្ចបញ្ជាក់ថា ថ្នាំញៀននេះនាំមកពីប្រទេសប្រេស៊ីល កាត់តាមប្រទេសអេត្យូពី ថៃ មកកម្ពុជាតាមច្រកព្រលានយន្តហោះអន្តរជាតិភ្នំពេញ ក៏ត្រូវសមត្ថកិច្ចមានការសង្ស័យ ធ្វើការឆែកឆេរ និងឃាត់ខ្លួនតែម្តង ។
សូមរំលឹកថា (ប្រឹងលាក់យ៉ាងណានៅតែមិនអាចគេចរួច) កាលព្រឹកថ្ងៃទី១២ ខែកញ្ញា ឆ្នាំ២០១៦ សមត្ថកិច្ចក៏បានធ្វើការចាប់ខ្លួនបុរសជនជាតិម៉ាឡេស៊ីម្នាក់ឈ្នោះ AHMAD JOHARI CHUNG ភេទប្រុស អាយុ២៣ឆ្នាំ ព្រមទាំងរឹបអូសបានថ្នាំញៀនជាង១គីឡូក្រាម នៅក្នុងព្រលានយន្តហោះអន្តរជាតិភ្នំពេញដែរ ៕
ចែករំលែកព័តមាននេះ