ប្រទេសមីយ៉ាន់ម៉ា ៖ អនុរដ្ឋមន្ត្រីក្រសួងផែនការ និងហិរញ្ញវត្ថុ លោក Maung Maung Win បានឲ្យដឹងថា មីយ៉ាន់ម៉ាស្ថិតនៅក្នុងបញ្ជីជាប្រទេសមានការអភិវឌ្ឍតិចតួច (LDC) តាំងពីឆ្នាំ១៩៨៧មកម្ល៉េះ ប៉ុន្តែ
ប្រទេសមីយ៉ាន់ម៉ា ៖ អនុរដ្ឋមន្ត្រីក្រសួងផែនការ និងហិរញ្ញវត្ថុ លោក Maung Maung Win បានឲ្យដឹងថា មីយ៉ាន់ម៉ាស្ថិតនៅក្នុងបញ្ជីជាប្រទេសមានការអភិវឌ្ឍតិចតួច (LDC) តាំងពីឆ្នាំ១៩៨៧មកម្ល៉េះ ប៉ុន្តែមីយ៉ាន់ម៉ាកំពុងព្យាយាមផ្លាស់ប្តូរប្រទេសរបស់ខ្លួនទៅជាប្រទេសមានប្រាក់ចំណូលទាបមធ្យម ។
លោកអនុរដ្ឋមន្ត្រីបន្ថែមថា មានលក្ខខណ្ឌចំនួន៣ ដែលប្រទេសនេះត្រូវធ្វើឲ្យបាននៅក្នុងដំណើរការពិនិត្យឡើងវិញរយៈពេល៣ឆ្នាំនៃ LDC នៅក្នុងឆ្នាំ២០១៨ ហើយរហូតមកដល់ពេលនេះ មីយ៉ាន់ម៉ាទើបតែសម្រេចបានតែមួយប៉ុណ្ណោះ ។
លក្ខខណ្ឌទាំង៣នោះផ្តោតសំខាន់លើប្រាក់ចំណូលជាតិសរុប (GNI) ក្នុងមនុស្សម្នាក់, សន្ទស្សន៍ទ្រព្យសម្បត្តិរបស់ប្រជាជន (HAI) និងសន្ទស្សន៍ភាពងាយរងគ្រោះផ្នែកសេដ្ឋកិច្ច ។ មីយ៉ាន់ម៉ាត្រូវសម្រេចឲ្យបាននូវលក្ខខណ្ឌទាំង៣នេះ ក្នុងដំណើរការពិនិត្យឡើងវិញរយៈពេល៣ឆ្នាំបន្តបន្ទាប់គ្នាចំនួន២លើក មុននឹងអាចដូរឈ្មោះទៅជាប្រទេសមានប្រាក់ចំណូលទាបមធ្យម ។
លោក Maung Maung Win បានកត់សម្គាល់ថា គុណភាពទិន្នន័យនៅក្នុងប្រទេសមីយ៉ាន់ម៉ា នៅជាបញ្ហានៅឡើយ។ ទោះយ៉ាងណា GNIក្នុងមនុស្សម្នាក់របស់ប្រទេសមីយ៉ាន់ម៉ាមានចំនួន១.០៦៣ដុល្លារនៅឆ្នាំ២០១៤-២០១៥។ ទិន្នន័យនេះមានចំនួនប្រហែល២០០ដុល្លារ តិចជាង GNI ក្នុងមនុស្សម្នាក់សម្រាប់គ្រួសារមានប្រាក់ចំណូលទាបមធ្យម ដែលវាត្រូវបានគេពិនិត្យឡើងវិញរយៈពេល៣ឆ្នាំម្តង ។
ពិន្ទុនៅលើសន្ទស្សន៍ភាពងាយរងគ្រោះផ្នែកសេដ្ឋកិច្ចរបស់ប្រទេសនេះមានចំនួនខ្ពស់ខ្លាំង។ សន្ទស្សន៍នេះប្រើក្នុងការវាស់ទៅលើ « រចនាសម្ព័ន្ធភាពងាយរងគ្រោះសេដ្ឋកិច្ចខាងក្រៅ និងបញ្ហាបរិស្ថាន » របស់ប្រទេសមួយ ។ នេះបើយោងតាមអង្គការសហប្រជាជាតិ ។
សូចនាកររួមមាន អស្ថិរភាពនៃផលិតកម្មនិងពាណិជ្ជកម្ម កសិកម្ម ជនរងគ្រោះដោយសារគ្រោះមហន្តរាយធម្មជាតិ និងចំនួនប្រជាជនដែលរស់នៅតំបន់ដាច់ស្រយាល ។
នៅក្នុងតំបន់អាស៊ាន ប្រទេសកម្ពុជា និងឡាវ ក៏ត្រូវបានកំណត់ដោយអង្គការសហប្រជាជាតិថាជាប្រទេសមានការអភិវឌ្ឍតិចតួចផងដែរ ។
ទោះជាយ៉ាងណា ការកំណត់ប្រទេសមួយជាប្រទេសមានការអភិវឌ្ឍតិចតួច អាចផ្តល់ផលប្រយោជន៍មួយចំនួនដល់ប្រទេសនោះ ដោយប្រទេសមានការអភិវឌ្ឍតិចតួចមានសិទ្ធិទទួលបាននូវកម្មវិធីជំនួយជាក់លាក់មួយចំនួនរួមទាំងការគាំទ្រពាណិជ្ជកម្ម និងការផ្តល់ប្រាក់កម្ចីសម្រាប់ការអភិវឌ្ឍ ។
ប៉ុន្តែលោក Maung Maung Win បាននិយាយថា ដោយសារតែមីយ៉ាន់ម៉ាបានចំណាយពេលជាច្រើនឆ្នាំនៅក្រោមការដាក់ទណ្ឌកម្មសេដ្ឋកិច្ច នាំឲ្យរដ្ឋាភិបាលមុនទទួលបានផលប្រយោជន៍តិចតួចពីជំនួយទាំងនោះ ៕
ចែករំលែកព័តមាននេះ