ខេត្តកំពង់ឆ្នាំង ៖ យោងតាមផេកផ្លូវការរបស់ឯកឧត្តម ស៊ុន សុវណ្ណារិទ្ធិអភិបាលខេត្តកំពង់ឆ្នាំង ដែលបានបង្ហោះនៅរសៀលថ្ងៃទី៣០ ខែមីនា ឆ្នាំ២០២២ នេះ បានបញ្ជាក់ថា…
ខេត្តកំពង់ឆ្នាំង ៖ យោងតាមផេកផ្លូវការរបស់ឯកឧត្តម ស៊ុន សុវណ្ណារិទ្ធិអភិបាលខេត្តកំពង់ឆ្នាំង ដែលបានបង្ហោះនៅរសៀលថ្ងៃទី៣០ ខែមីនា ឆ្នាំ២០២២ នេះ បានបញ្ជាក់ថា កម្លាំងចម្រុះបានចេញប្រតិបត្តិការយ៉ាងសស្រាក់ សស្រាំ ដោយសម្រេចបានលទ្ធផលរួមមាន បានរុះរើរបាំងសាច់អួនចំនួន៩៨កន្លែង ប្រវែង៦.៥៣៥ម៉ែត្រ ដកបង្គោលចំនួន៣.៧៤០ដើម រុះរើលបលូសាច់អួន១២១លូ រុះរើសម្រាស់ ចំនួន ១១៩កន្លែង ទំហំសរុប១៥.៥១៥ម៉ែត្រការ៉េ ដកបង្គោល២.៧៧០ដើម រុះរើមែកសម្រាស់ប្រមាណជិត៣ម៉ឺនមែក រុះរើសាច់អួន ចំនួន៦វង់ រុះរើរបាំងស្បៃមុង៧កន្លែង ប្រវែង៣០០ម៉ែត្រ លូស្បៃមុង៧លូ រុះរើរបាំងឈើចំនួន៥កន្លែង ប្រវែង៥០០ម៉ែត្រ ឃាត់ខ្លួនជនសង្ស័យប្រព្រឹត្តល្មើសចំនួន៤នាក់ រួមនឹងវត្ថុតាងមួយចំនួនបញ្ជូនទៅតុលាការតាមផ្លូវច្បាប់ ។
ក្នុងផេកផ្លូវការរបស់ឯកឧត្តមអភិបាលខេត្តកំពង់ឆ្នាំងដដែល ក៏បានលើកឡើងនូវការកោតសរសើរ និងវាយតម្លៃខ្ពស់ចំពោះកិច្ចខិតខំប្រឹងប្រែងរបស់កងកម្លាំងសមត្ថកិច្ច អាជ្ញាធរគ្រប់លំដាប់ថ្នាក់ និងមន្ទីរ អង្គភាពជុំវិញខេត្ត ដែលបានយកអស់កម្លាំងកាយចិត្ត រួមកម្លាំងគ្នាចុះប្រតិបត្តិការបង្ក្រាបបទល្មើសនេសាទ និងទប់ស្កាត់ការបំផ្លាញធនធានធម្មជាតិក្នុងតំបន់បឹងទន្លេសាប ក្នុងភូមិសាស្ត្រខេត្តកំពង់ឆ្នាំង ។
គួររំលឹកដែរថា ចាប់តំាងពីអនុសាសន៍ដ៏ខ្ពង់ខ្ពស់របស់សម្ដេចអគ្គមហាសេនាបតីតេជោ ហ៊ុន សែន ស្តីពីបទល្មើសនេសាទនៅតែមានកើតមានឡើងនៅក្នុងទន្លេសាប ឯកឧត្តម ស៊ិន សុវណ្ណារិទ្ធិ អភិបាលខេត្តកំពង់ឆ្នាំង ចេញបទបញ្ជាឱ្យសមត្ថកិច្ចចម្រុះ ចុះបង្ក្រាបបទល្មើសនេសាទដ៏ក្តៅគគុក ធ្វើឱ្យបទល្មើសនេសាទបានថយចុះ ហើយការបង្ក្រាបបទល្មើសនេះនឹងធ្វើឡើងជាបន្តបន្ទាប់ទៀត ៕
ចែករំលែកព័តមាននេះ