ខេត្តកំពង់ឆ្នាំង ៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នៅព្រឹកថ្ងៃទី៣០ មីនា ២០២២ បានដឹកនាំដោយផ្ទាល់កងកម្លាំងសមត្ថកិច្ចចម្រុះ…
ខេត្តកំពង់ឆ្នាំង ៖ ឯកឧត្តម ស៊ុន សុវណ្ណារិទ្ធិ អភិបាលខេត្តកំពង់ឆ្នាំង នៅព្រឹកថ្ងៃទី៣០ មីនា ២០២២ បានដឹកនាំដោយផ្ទាល់កងកម្លាំងសមត្ថកិច្ចចម្រុះ និងមន្ត្រីជំនាញជាង400នាក់ ដើម្បីចុះបង្ក្រាបបទល្មើសនេសាទក្នុងភូមិសាស្ត្រតាមបណ្ដាស្រុក ជាប់ដងទន្លេខេត្តកំពង់ឆ្នាំង ។
នៅក្នុងឱកាសនោះ ឯកឧត្តមអភិបាលខេត្តកំពង់ឆ្នាំង ក៏បានបញ្ជាក់ដែរថា ថ្ងៃនេះ ដោយមានការសម្របសម្រួលពីលោក អ៊ិត សុធា ព្រះរាជអាជ្ញាអមសាលាដំបូងខេត្តកំពង់ឆ្នាំង មន្ត្រីជំនាញទាំងអាជ្ញាធរមូលដ្ឋាននិងសមត្ថកិច្ចចម្រុះសរុបជាង400នាក់បានចុះតាមបណ្ដាស្រុកតាមដងទន្លេ ក្នុងនោះ ស្រុកបរិបូណ៌, ស្រុករលាប្អៀរ, ស្រុកកំពង់លែង, ស្រុកជលគិរី, ស្រុកកំពង់ត្រឡាច និងក្រុងកំពង់ឆ្នាំង បាទចេញប្រតិបត្តិការបង្រ្កាបបទល្មើសទ្រង់ទ្រាយធំ ក្នុងគោលបំណងលុបបំបាត់ឲ្យអស់នូវបទល្មើសនេសាទ រួមមានការដាក់របាំង ក្រឡាញឹក ការដាក់សម្រាស់ ការប្រើប្រាស់ឧបករណ៍ឆក់ ការអូសអួន និងបទល្មើសនានាដទៃទៀត ។
ឯកឧត្តម ស៊ុន សុវណ្ណារិទ្ធិ ក៏បានបញ្ជាក់ដែរថា ការអនុវត្តវិធានការបង្ក្រាបបទល្មើសសមត្ថកិច្ចចម្រុះរបស់ខេត្តកំពង់ឆ្នាំង គឺបានអនុវត្តជាបន្តបន្ទាប់ចាប់ពីថ្ងៃទី 23 ដល់ថ្ងៃទី29 ខែមីនា កន្លងទៅនេះ ។ នៅថ្ងៃទី 30 មីនា នេះ យើងក៏បានចេញបង្រ្កាបទ្រង់ទ្រាយធំ តាមបណ្ដាគោលដៅនីមួយៗដោយមានអភិបាលរងខេត្ត ជាអ្នកដឹកនាំបង្ក្រាបផងដែរ ។
ជាមួយនឹងការបោះបង្ក្រាបបទល្មើសទ្រង់ទ្រាយធំ អាជ្ញាធរខេត្តកំពង់ឆ្នាំងនឹងបង្កើតស្នាក់ការអចិន្ត្រៃយ៍ចំនួន 4 ទីតាំង ដែលមានកម្លាំងពី 15 ទៅ 20 នាក់ នៅប្រចាំឃ្លាំមើលការប្រព្រឹត្តបទល្មើសនានាដែលលួចកើតមានឡើង ក្នុងនោះ មានឃុំឆ្នុកទ្រូស្រុកបរិបូណ៌ .ឃុំប្រឡាយមាសស្រុកកំពង់លែង. ឃុំពាមឆ្កោក ស្រុកជលគីរី និងភូមិអំពិលទឹក ស្រុកកំពង់ត្រឡាច ។
សូមបញ្ជាក់ដែរថា ចំពោះលទ្ធផលនៃការបង្ក្រាបបទល្មើសនៅវេលាម៉ោង 4 និង 30 នាទីរសៀលថ្ងៃទី 30 ខែមីនា នេះ មិនត្រូវជំនាញប្រាប់ថា នៅមិនទាន់បូកសរុបនៅឡើយទេព្រោះតែការបង្ក្រាបមានចំនួនច្រើនកន្លែងពេក ។
ព័ត៌មានលម្អិតនឹងមានផ្សាយជូនបន្តលើកាសែតកោះសន្តិភាព ។
ចែករំលែកព័តមាននេះ