គ្រោះថ្នាក់យន្តហោះនៅចិន រកឃើញប្រអប់ខ្មៅទី២
ទីភ្នាក់ងារព័ត៌មានចិនស៊ីនហួ បានគូសបញ្ជាក់នាថ្ងៃទី២៧ ខែមីនា ឆ្នាំ២០២២ថា ប្រអប់ខ្មៅទី២ របស់យន្តហោះធុនប៊ូអ៊ីង៧៣៧ របស់ក្រុមហ៊ុនអាកាសចរណ៍ចិន
ប្រទេសចិន ៖ ទីភ្នាក់ងារព័ត៌មានចិនស៊ីនហួ បានគូសបញ្ជាក់នាថ្ងៃទី២៧ ខែមីនា ឆ្នាំ២០២២ថា ប្រអប់ខ្មៅទី២ របស់យន្តហោះធុនប៊ូអ៊ីង៧៣៧ របស់ក្រុមហ៊ុនអាកាសចរណ៍ចិន CHINA EASTERN ដែលធ្លាក់លើកូនភ្នំមួយនៅតំបន់ WUZHOU ខេត្តក្វាងស៊ី ត្រូវបានរកឃើញហើយកាលពីថ្ងៃទី២៧ ខែមីនា ។
យន្តហោះធ្លាក់ពីកម្ពស់ដ៏ខ្ពស់នោះដឹកមនុស្សចំនួន១៣២នាក់ ដោយពួកគេបើតាមអគ្គនាយករងនៃរដ្ឋបាលអាកាសចរណ៍ស៊ីវិលចិន លោក HU ZHENJIANG ថា ត្រូវស្លា.ប់ទាំងអស់ ។ ជនរងគ្រោះសុទ្ធតែជាជនជាតិចិន ។
ប្រអប់ខ្មៅទី១ ដែលមានផ្ទុកកិច្ចសន្ទនាគ្នាក្នុងកាប៊ីនយន្តហោះ ត្រូវបានរកឃើញកាលពីថ្ងៃទី២៣ ខែមីនា និងបញ្ជូនមកកាន់ក្រុងបេ៉កាំង ដើម្បីកំណត់លេខកូដ ។ ការវិភាគទិន្នន័យក្នុងប្រអប់ខ្មៅនេះ នៅត្រូវប្រើពេលច្រើនថ្ងៃ ។
ចំណែកប្រអប់ខ្មៅទី២ ដែលទើបរកឃើញមានបណ្ដាទិន្នន័យពីការហោះហើរដូចជាល្បឿនកម្ពស់និងផ្លូវហោះហើរជាដើម ។ ពេលនេះប្រអប់ខ្មៅទាំង២នៃយន្តហោះត្រូវបានរកឃើញដោយបណ្ដាអ្នកស៊ើបអង្កេតអាចទទួលបានសមាសភាពដំបូងៗសម្រាប់ឆ្លើយតប ចំពោះមូលហេតុនៃគ្រោះថ្នាក់ធ្លាក់យន្តហោះនេះ ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ