ខេត្តរតនគិរី ៖ កាលពីព្រឹកថ្ងៃទី០៧ សីហា កម្លាំងសមត្ថកិច្ចបានបើកកិច្ចប្រតិបត្តិការចុះបង្ក្រាបក្រុមអ្នករកស៊ីលក់សាច់សត្វព្រៃគ្រប់ប្រភេទចំនួន៤តូប ដោយដកហូតសាច់សត្វព្រៃបានជាង១០០គីឡូក្រាម យកទៅដុតកម្ទេចចោល ។
ខេត្តរតនគិរី ៖ កាលពីព្រឹកថ្ងៃទី០៧ សីហា កម្លាំងសមត្ថកិច្ចបានបើកកិច្ចប្រតិបត្តិការចុះបង្ក្រាបក្រុមអ្នករកស៊ីលក់សាច់សត្វព្រៃគ្រប់ប្រភេទចំនួន៤តូប ដោយដកហូតសាច់សត្វព្រៃបានជាង១០០គីឡូក្រាម យកទៅដុតកម្ទេចចោល ។
បើតាមព័ត៌មានពីមន្ត្រីរដ្ឋបាលព្រៃឈើបានឱ្យដឹងថា នៅក្នុការចុះបង្ក្រាបនេះ សមត្ថកិច្ចមេព្រៃខេត្ត សហការជាមួយអង្គការសម្ព័ន្ធមិត្តសត្វព្រៃហៅវ៉ាយអេដ និងកងរាជអាវុធហត្ថលើផ្ទៃប្រទេស បានរឹបអូសសាច់សត្វព្រៃមួយចំនួនរួមមាន ១-សាច់ជ្រូកព្រៃចំនួន១៦៦គីឡូក្រាម ២-សាច់ជ្រូកព្រៃ៧គីឡូក្រាម ៣-អណ្ដើក៥ក្បាល ៤-ត្រកួត២២ក្បាល និង៥-សំពោច២ក្បាល ។ មន្ត្រីដដែលបានបន្តទៀតថា សាច់សត្វព្រៃដែលចាប់បានយកមករក្សាទុកនៅផ្នែករដ្ឋបាលព្រៃឈើលំផាត់ និងធ្វើពិធីដុតកម្ទេចចោល។
ចំណែកត្រកួត២២ក្បាល សមត្ថកិច្ច និងអង្គការវ៉ាយអេដ រកតំបន់ព្រៃដែលមានសុវត្ថិភាពដើម្បីលែង ។ គេកត់សម្គាល់ថា បច្ចុប្បន្ននេះព្រានព្រៃជាច្រើនក្រុម កំពុងធ្វើសកម្មភាពបរបាញ់សត្វព្រៃគ្រប់ប្រភេទយកទៅលក់នៅលើទីផ្សារ ។ នៅថ្ងៃអនាគតសត្វព្រៃទាំងនោះ ពិតជាហិនហោចអស់ជាមិនខាន ៕
ចែករំលែកព័តមាននេះ