ប្រទេសថៃ ៖ ថៃបានឈ្នះការដេញថ្លៃអង្ករចំនួន១០ម៉ឺនតោន ដែលនឹងលក់ចេញក្នុងតម្លៃ៤២៤,៨៥ដុល្លារអាមេរិកក្នុង១តោនទៅឱ្យប្រទេសហ្វ៊ីលីពីន ហើយការដឹកជញ្ជូននឹងចាប់ផ្តើមនៅខែកញ្ញា និងខែតុលា ។
ប្រទេសថៃ ៖ ថៃបានឈ្នះការដេញថ្លៃអង្ករចំនួន១០ម៉ឺនតោន ដែលនឹងលក់ចេញក្នុងតម្លៃ៤២៤,៨៥ដុល្លារអាមេរិកក្នុង១តោនទៅឱ្យប្រទេសហ្វ៊ីលីពីន ហើយការដឹកជញ្ជូននឹងចាប់ផ្តើមនៅខែកញ្ញា និងខែតុលា ។
អ្នកនាង Chutima Bunyapraphasara លេខាធិការអចិន្ត្រៃយ៍នៃផ្នែកពាណិជ្ជកម្ម បាននិយាយថា តម្លៃនោះបូករួមទាំងថ្លៃដឹកជញ្ជូន ធានារ៉ាប់រង និងថ្លៃចំណាយផ្សេងៗទៀត ។
គួរបញ្ជាក់ថា ប្រទេសថៃបានប្រកួតជាមួយប្រទេសវៀតណាម និងកម្ពុជា ក្នុងការដេញថ្លៃលក់អង្ករឲ្យប្រទេសហ្វ៊ីលីពីន នៃអង្ករចំនួន២៥ម៉ឺនតោន ។ ចំណែកប្រទេសវៀតណាមបានឈ្នះការលក់អង្ករ១៥ម៉ឺនតោនដែលនៅសល់ក្នុងតម្លៃដូចគ្នា ។
ការដេញថ្លៃនេះ ជាការដេញថ្លៃលើកទី១ តាំងពីលោកប្រធានាធិបតី Rodrigo Duterte បានឡើងកាន់តំណែង ។ វាជាផ្នែកមួយនៃគម្រោងនាំចូលអង្ករ១លានតោនដើម្បីផ្គត់ផ្គង់ស្បៀងរហូតដល់ឆ្នាំក្រោយ ក្នុងពេលដែលតម្លៃនៅទាប ។
អង្ករចំនួន៧៥ម៉ឺនតោននឹងត្រូវបានទិញតាមរយៈរដ្ឋាភិបាលនិងរដ្ឋាភិបាល ចំណែកឯ ២៥ម៉ឺនតោនទៀត គឺនាំចូលតាមរយៈក្រុមហ៊ុនឯកជន ។
នៅក្រោមកិច្ចការជំនួញរវាងរដ្ឋាភិបាលនិងរដ្ឋាភិបាល ប្រទេសហ្វ៊ីលីពីនតែងទិញអង្ករពីប្រទេសមួយក្នុងចំណោមប្រទេស៣ រួមមាន វៀតណាម ថៃ និងកម្ពុជា ។
គម្រោងនេះអាចទ្រទ្រង់តម្លៃអង្ករជាសកលដែលបានធ្លាក់ចុះ ដោយសារមូលហេតុការផ្លាស់ប្តូរតម្រូវការក្នុងអាស៊ី និងអាហ្វ្រិក ធ្វើឲ្យមានការសម្រេចនូវតម្លៃគំរូយ៉ាងទាបក្នុងប្រទេសដែលផ្គត់ផ្គង់ធំៗដូចជា ប្រទេសវៀតណាម និងថៃ ។
ទោះជាយ៉ាងណា គម្រោងនៃការទិញនេះ គឺនៅតែតិចជាងការនាំចូលកាលពីឆ្នាំ២០១៥ របស់ហ្វ៊ីលីពីន ដែលមានដល់ទៅ១,៨លានតោន ។
អ្នកនាង Chutima បានឲ្យដឹងថា ហ្វ៊ីលីពីនបានបដិសេធនឹងតម្លៃរបស់ថៃ ដែលស្មើនឹង៤៣២ដុល្លារក្នុង១តោន និងបានស្នើឲ្យបញ្ចុះតម្លៃនៅត្រឹម៤២៥ដុល្លារក្នុង១តោន ៕
ចែករំលែកព័តមាននេះ