«China Daily» របស់ចិន កាលពីថ្ងៃទី៣១ សីហា ២០១៦ ផ្សាយថា អ្នកទេសចរនាំគ្នាទៅទស្សនា «ភូមិដ៏គ្រោះថ្នាក់បំផុតនៅលើលោក» ក្រោយពីអ្នកស្រុកតំបន់នោះជួយគ្នាជីកល្អាងតភ្ជាប់ទៅពិភពខាងក្រៅ ។
«China Daily» របស់ចិន កាលពីថ្ងៃទី៣១ សីហា ២០១៦ ផ្សាយថា អ្នកទេសចរនាំគ្នាទៅទស្សនា «ភូមិដ៏គ្រោះថ្នាក់បំផុតនៅលើលោក» ក្រោយពីអ្នកស្រុកតំបន់នោះជួយគ្នាជីកល្អាងតភ្ជាប់ទៅពិភពខាងក្រៅ ។
«Guoliang» ជាភូមិបុរាណ ស្ថិតនៅលើកំពូលភ្នំកម្ពស់ ១.៧០០ម៉ែត្រ ក្នុងទីក្រុង Zhengzhou ខេត្តហឺុណាន ប្រទេសចិន ។ កាលពីអតីតកាលអ្នកស្រុកបានតាំងចិត្តបង្កើតភូមិនៅលើថ្មភ្នំដ៏ខ្ពស់ និងជារឿងដ៏ពិបាកមួយ ដែលមនុស្សនៅក្រៅតំបន់នោះរកឃើញ និងទៅតាំងលំនៅដើម្បីគេចពីសង្គ្រាម ។ ការធ្វើដំណើរទៅភូមិ Guoliang ត្រូវដើរឡើងភ្នំចោតមានកម្ពស់ ៧២០ដំណាក់ និងត្រូវដើរដោយផ្លោះថ្មដ៏ចង្អៀត ដែលគ្មានបង្កាន់ដៃ ជាហេតុតម្រូវឱ្យការធ្វើដំណើរ និងទាក់ទងជាមួយសង្គមមនុស្សប្រកបដោយក្តីលំបាក និងទទួលរហស្សនាមថាជា «ភូមិគ្រោះថ្នាក់បំផុតនៅលើពិភពលោក» ។
កាលពីឆ្នាំ១៩៧២មេភូមិសម្រេចលាក់ហ្វូងចៀម និងឱសថបុរាណក្នុងភូមិដើម្បីយកប្រាក់ទៅទិញញញួររួមទាំងគ្រឿងដែក ដើម្បីជីកល្អាងមានទំហំ៤ម៉ែត្រ ក្នុងចម្ងាយផ្លូវ១.២០០ម៉ែត្រ ដោយតភ្ជាប់ភូមិជាមួយសង្គមមនុស្ស និងចំណាយពេលសាងសង់សរុប៥ឆ្នាំ ដោយពលករនៅក្នុងភូមិត្រឹមតែ១៣នាក់ ។
បច្ចុប្បន្នអ្នកទេសចរអាចធ្វើដំណើរទៅភូមិនោះដោយរថយន្ត ធ្វើឱ្យក្លាយជាប្រភពទេសចរណ៍ដ៏សំខាន់មួយរបស់ក្រុង Zhengzhou ៕
ចែករំលែកព័តមាននេះ