ADផ្ទាំងផ្សព្វផ្សាយពាណិជ្ជកម្ម

Picture

ប្លែកអារម្មណ៍ ! គម្រោងទេសចរណ៍ថ្មីរបស់អប្សរា នាំភ្ញៀវជិះកង់មើលប្រាសាទ និងជីវភាពអ្នករុនតាឯក

3 ម៉ោង មុន
  • សៀមរាប

ខេត្តសៀមរាប ៖ អាជ្ញាធរ​ជាតិ​អប្សរា មន្ត្រី​នាយកដ្ឋាន​អភិវឌ្ឍន៍​ទេសចរណ៍ និង​វប្បធម៌ ឱ្យ​ដឹង​ថា អាជ្ញាធរ​ជាតិ​អប្សរា​មាន​គម្រោង​ទេសចរណ៍​ថ្មី​ៗ​បន្ថែម​ទៀត​ជា​បន្តបន្ទាប់ ដើម្បី​ទាក់ទាញ និង​ពន្យារពេល​របស់​ភ្ញៀវ​ដែល​មក​ទស្សនា​ឱ្យ​ស្នាក់​នៅ​តំបន់​អង្គរ​បាន​យូរ និងកំពុង​សិក្សា​ផលិតផល​ទេសចរណ៍​ថ្មីទៅ​លើ​ផ្លូវ​ជិះ​កង់​បន្ថែម​ពីលើ​ផ្លូវ​កង់​ដែល​មាន​ស្រាប់…

ខេត្តសៀមរាប ៖ អាជ្ញាធរ​ជាតិ​អប្សរា មន្ត្រី​នាយកដ្ឋាន​អភិវឌ្ឍន៍​ទេសចរណ៍ និង​វប្បធម៌ ឱ្យ​ដឹង​ថា អាជ្ញាធរ​ជាតិ​អប្សរា​មាន​គម្រោង​ទេសចរណ៍​ថ្មី​ៗ​បន្ថែម​ទៀត​ជា​បន្តបន្ទាប់ ដើម្បី​ទាក់ទាញ និង​ពន្យារពេល​របស់​ភ្ញៀវ​ដែល​មក​ទស្សនា​ឱ្យ​ស្នាក់​នៅ​តំបន់​អង្គរ​បាន​យូរ និងកំពុង​សិក្សា​ផលិតផល​ទេសចរណ៍​ថ្មីទៅ​លើ​ផ្លូវ​ជិះ​កង់​បន្ថែម​ពីលើ​ផ្លូវ​កង់​ដែល​មាន​ស្រាប់ ។ នេះបើយោងតាមអាជ្ញាធរជាតិអប្សរា បានប្រកាសនាថ្ងៃរសៀលទី២៨ ខែវិច្ឆិកានេះ ។

លោក សេង សុធា​រ៉ា ប្រធាន​នាយកដ្ឋាន​អភិវឌ្ឍន៍​ទេសចរណ៍ និង​វប្បធម៌ នៃ​អាជ្ញាធរ​ជាតិ​អប្សរា បាន​ថ្លែង​ថា អាជ្ញាធរ​ជាតិ​អប្សរា កំពុង​តែ​អនុវត្តន៍​ផែនការមេ ដែល​ស្រប​នឹង​យុទ្ធសាស្ត្រ ចក្ខុវិស័យ​របស់​រាជរដ្ឋាភិបាល​កម្ពុជា ក្នុង​ការ​អភិវឌ្ឍ​វិស័យ​ទេសចរណ៍​ខេត្តសៀមរាប ឆ្នាំ​២០២១-២០៣៥ ឱ្យ​បាន​សម្រេច​ទៅ​តាម​ទិស​ដៅ ។

លោក​ថា ដើម្បី​សម្រេច​ឱ្យ​បាន​ទៅ​តាម​ផែនការ និង​ទិស​ដៅ​របស់​រាជរដ្ឋាភិបាល ដែល​បាន​ដាក់​ចេញ ព្រមទាំង​ទាក់ទាញ​ភ្ញៀវ​ទេសចរ​ដែល​មក​លេង​តំបន់​អង្គរ ឱ្យ​បន្ត​ការ​ស្នាក់​នៅ​បាន​យូរ គឺ​អាជ្ញាធរ​ជាតិ​អប្សរា កំពុង​សិក្សា​ផលិតផល​ទេសចរណ៍​ថ្មី ទៅ​លើ​ផ្លូវ​ជិះ​កង់​បន្ថែម​ពីលើ​ផ្លូវ​កង់​ដែល​មាន​ស្រាប់ ។

ការ​សិក្សា​ផ្លូវ​ជិះ​កង់​ថ្មី​បន្ថែម​ទៀត​នេះ ប្រយោជន៍​ដើម្បី​ឱ្យ​ភ្ញៀវ​ទេសចរ​អាច​មាន​ជម្រើស​កាន់តែ​ច្រើន ក្នុង​ការ​ជិះ​កង់​ទៅ​ទស្សនា​តំបន់​ឆ្ងាយ​ៗ ដូច​ជា ទៅ​ប្រាសាទភ្នំបូក ប្រាសាទលាក់នាង ព្រមទាំង​អាច​ភ្ជាប់​ដំណើរ​កម្សាន្ត​នេះ ទៅ​នឹង​ជីវភាព​របស់​ពលរដ្ឋ ដែល​រស់នៅ​ក្នុង​ឃុំ​រុន​តា​ឯក របស់​ក្រុង​រុន​តា​ឯក​ផង​ដែរ ។

បន្ថែម​លើ​នេះ អាជ្ញាធរ​ជាតិ​អប្សរា ក៏​កំពុង​រៀបចំ​វង់​ទស្សនា​ថ្មី​ៗ​បន្ថែម​ទៀត ដូច​ជា នៅ​ភ្នំ​បូក​រៀបចំ​ឱ្យ​មាន​ផ្លូវ​ជិះ​កង់​ទៅ​លេង​ប្រាសាទ ប្រាសាទត្រពាំងចំបក់​ជាដើម ។ គម្រោង​នេះ កំពុង​តែ​ដាក់​ឱ្យ​ដំណើរការ​។

លោក សេង សុធា​រ៉ា បញ្ជាក់​ទៀត​ថា ក្នុង​គម្រោង​ពង្រីក​វង់​ទេសចរណ៍​ថ្មី​ៗ​នេះ អាជ្ញាធរ​ជាតិ​អប្សរា​ក៏​កំពុង​តែ​រៀបចំ​សម្រួល​កន្លែង​លក់ដូរ​សម្រាប់​ភ្ញៀវ​ទេសចរ ឱ្យ​មាន​របៀបរៀបរយ ព្រមទាំង​ពង្រឹង​ហេដ្ឋារចនាសម្ព័ន្ធ​ទេសចរណ៍ នៅ​ក្នុង​ប្រាសាទ ដូច​ជា ដាក់​ស្លាក​សញ្ញា​ប្រាប់​ទិស និង​ព័ត៌មាន​បន្ថែម​ផ្សេង​ៗ ដើម្បី​ឱ្យ​អ្នកទេសចរ​ដែល​ទៅ​ទស្សនា​ប្រាសាទ​បាន​យល់​ច្បាស់ បើ​ទោះបីជា​មិន​មាន​មគ្គុទ្ទេសក៍​ទេសចរណ៍​នាំ​ផ្លូវ ក៏​គាត់​អាច​យល់​ដឹង និង​ស្វែង​យល់​ពី​រឿងរ៉ាវ​ថ្មី​ៗ​បាន​ដោយ​ខ្លួនឯង ៕

អត្ថបទសរសេរ ដោយ

កែសម្រួលដោយ