អាកាសយានដ្ឋានអន្តរជាតិសៀមរាបអង្គរ នឹងស្វាគមន៍ក្រុមហ៊ុនអាកាសចរណ៍អន្តរជាតិចំនួនបីបន្ថែមទៀត មុនដំណាច់ឆ្នាំ២០២៥ ។ នេះបើតាមការបញ្ជាក់របស់ រដ្ឋលេខាធិការដ្ឋានអាកាសចរណ៍ស៊ីវិល កាលពីថ្ងៃទី២៣ ខែវិច្ឆិកា ឆ្នាំ២០២៥ ។…
អាកាសយានដ្ឋានអន្តរជាតិសៀមរាបអង្គរ នឹងស្វាគមន៍ក្រុមហ៊ុនអាកាសចរណ៍អន្តរជាតិចំនួនបីបន្ថែមទៀត មុនដំណាច់ឆ្នាំ២០២៥ ។ នេះបើតាមការបញ្ជាក់របស់ រដ្ឋលេខាធិការដ្ឋានអាកាសចរណ៍ស៊ីវិល កាលពីថ្ងៃទី២៣ ខែវិច្ឆិកា ឆ្នាំ២០២៥ ។
ប្រភពដដែលបានបញ្ជាក់ថា ការមកដល់របស់ក្រុមហ៊ុនអាកាសចរណ៍ថ្មីទាំងបីនឹងធ្វើឲ្យអាកាសយានដ្ឋានអន្តរជាតិសៀមរាបអង្គរអាចទទួល និងសម្របសម្រួល ក្រុមហ៊ុនអាកាសចរណ៍សរុប១៥ ។
ក្រុមហ៊ុនអាកាសចរណ៍ទាំងបីនោះ គឺជាក្រុមហ៊ុនអាកាសចរណ៍អន្តរជាតិ ។ ទីមួយ គឺក្រុមហ៊ុន Firefly Airlines ជាក្រុមហ៊ុនអាកាសចរណ៍តម្លៃថោកម៉ាឡេស៊ី ។ ទីពីរ គឺក្រុមហ៊ុន T’way Air និងទីបី គឺ Air Busan ដែលជាក្រុមហ៊ុនអាកាសចរណ៍តម្លៃថោកមកពីប្រទេសកូរ៉េខាងត្បូង ។
វិស័យអាកាសចរណ៍កម្ពុជាពីខែមករា ដល់ខែតុលា បានទទួល អ្នកដំណើរសរុបចំនួន ៥,៦៦ លាននាក់កើនឡើង១៤ភាគរយ ៕
ចែករំលែកព័តមាននេះ