ខេត្តស្វាយរៀង ៖ ករណីគ្រោះថ្នាក់ចរាចរណ៍មួយគួរឱ្យរន្ធត់មួយ ដែលក្មេងស្រីអាយុ៧ឆ្នាំម្នាក់ បានបែកក្បាលធ្លាយខួរស្លា.ប់ភ្លាមៗចំណែកឯជីតារងរបួសធ្ងន់ ត្រូវគេបញ្ជូនទៅសង្គ្រោះនៅមន្ទីរពេទ្យខេត្ត ក្រោយពីរថយន្តដឹកកម្មករមួយគ្រឿងបុក កាលពីវេលាម៉ោង០៦ និង៤០នាទីព្រឹកថ្ងៃទី០១ កញ្ញា ២០១៦ ស្ថិតនៅចំណុចខាងមុខមន្ទីរពេទ្យអនាម័យ ក្នុងភូមិរូបគោ សង្កាត់ព្រៃឆ្លាក់ ក្រុង
ខេត្តស្វាយរៀង ៖ ករណីគ្រោះថ្នាក់ចរាចរណ៍មួយគួរឱ្យរន្ធត់មួយ ដែលក្មេងស្រីអាយុ៧ឆ្នាំម្នាក់ បានបែកក្បាលធ្លាយខួរស្លាប់ភ្លាមៗចំណែកឯជីតារងរបួសធ្ងន់ ត្រូវគេបញ្ជូនទៅសង្គ្រោះនៅមន្ទីរពេទ្យខេត្ត ក្រោយពីរថយន្តដឹកកម្មករមួយគ្រឿងបុក កាលពីវេលាម៉ោង០៦ និង៤០នាទីព្រឹកថ្ងៃទី០១ កញ្ញា ២០១៦ ស្ថិតនៅចំណុចខាងមុខមន្ទីរពេទ្យអនាម័យ ក្នុងភូមិរូបគោ សង្កាត់ព្រៃឆ្លាក់ ក្រុងស្វាយរៀង ។
ប្រភពឱ្យដឹងថា មុនពេលកើតហេតុ គេឃើញបុរសជាជីតា ជិះម៉ូតូម៉ាកហុងដាធុនសេ១២៥ ស៊េរី២០១៦ ពាក់ស្លាកលេខស្វាយរៀង1F1926 ពណ៌ខ្មៅ ឌុបចៅស្រីម្នាក់ ធ្វើដំនើរពីទិសលិច ទៅកើត ។ លុះដល់ចំណុចកើតហេតុ ជាផ្លូវបំបែកជាបួន ជនរងគ្រោះបត់ទៅខាងឆ្វេងដោយមិនបានមើលក្រោយ ស្របពេលនោះ ក៏មានរថយន្តក្រុងមួយគ្រឿង ប្រភេទទេសចរណ៍២៤កៅអី ពាក់ស្លាកលេខកំពង់ចាម3A-0627 ពណ៌.សឆ្នូតត្រួយចេក មានដឹកកម្មករ-កម្មការិនីបុកពេញទំហឹងចំពាក់កណ្តាលម៉ូតូ ធ្វើឱ្យខ្ទាតចៅស្រីចេញពីម៉ូតូធ្លាក់ចំកង់រថយន្តកិនចំក្បាល ធ្លាយខួរ ។
រីឯជីតាដួលបោកក្បាលទៅលើថ្នល់ បណ្តាលឱ្យរងរបួសធ្ងន់សន្លប់ក្បែរម៉ូតូ ។ ប្រភពដដែលបន្តទៀតថា ក្រោយពីកើតហេតុ អ្នកបើករថយន្ត បានគេចខ្លួនបាត់ បន្សល់ទុករថយន្ត និងកម្មករស្រែកយំសោកអាណិតដល់ក្មេងស្រីរងគ្រោះ ដែលស្លាប់យ៉ាងអាណោចអាធ័ម និងសំឡេងសាច់ញាតិទួញយំអោបសពក្មេងស្រីលើដងផ្លូវ ធ្វើឱ្យអ្នកដំណើរឈរមើលទប់ទឹកភ្នែកមិនបាន ។
ចែករំលែកព័តមាននេះ