លាន់ដូចរន្ទះទាំងកណ្ដាលអាធ្រាត្រ រត់ចេញមកមើលស្លា.ប់ម្នាក់
រាជធានីភ្នំពេញ ៖ កាលពីវេលាម៉ោង១រំលងអធ្រាត្រឈានចូលថ្ងៃទី២៨ ខែសីហា ឆ្នាំ២០១៦ ខណៈប្រជាពលរដ្ឋកំពុងនិទ្ទ្រាលក់ស្កប់ស្កល់ ស្រាប់តែមានសំលេងដូចរន្ទះ…
រាជធានីភ្នំពេញ ៖ កាលពីវេលាម៉ោង១រំលងអធ្រាត្រឈានចូលថ្ងៃទី២៨ ខែសីហា ឆ្នាំ២០១៦ ខណៈប្រជាពលរដ្ឋកំពុងនិទ្ទ្រាលក់ស្កប់ស្កល់ ស្រាប់តែមានសំឡេងលាន់ដូចរន្ទះ បង្កការភ្ញាក់ផ្អើល ដោយសារតែម៉ូតូ Duke និងម៉ូតូ Icon បុកគ្នា បណ្តាលបុរសម្នាក់ស្លាប់ក្នុងថ្លុកឈាមនៅនឹងកន្លែងយ៉ាងអាណោចអាធ័ម ចំណែក៣នាក់ទៀតរងរបួសធ្ងន់នៅតាមបណ្តោយផ្លូវជាតិ៣ មុខវត្តជន្លង់ម្លូ ភូមិទួលកី សង្កាត់ភ្លើងឆេះរទេះ ខណ្ឌពោធិ៍សែនជ័យ ។
សមត្ថកិច្ចបញ្ជាក់ថា ក្នុងហោប៉ាវអ្នកស្លាប់មានអត្តសញ្ញាប័ណ្ណមួយសន្លឹក មានឈ្មោះ ជ័យ ឧត្តម ភេទប្រុស អាយុ២០ឆ្នាំ បច្ចុប្បន្នស្នាក់ផ្ទះលេខ ២៣៧ ភូមិប្រទះឡាង សង្កាត់ប្រទះឡាង ខណ្ឌដង្កោ រាជធានីភ្នំពេញ ជិះ ម៉ូតូម៉ាក Icon ។ ចំណែក៣ទៀត ១-ឈ្មោះ ម៉ុន ធី អាយុ២៣ឆ្នាំមុខរបរកម្មកររោងចក្រ ២-ឈ្មោះ ម៉ុន ថន អាយុ២០ឆ្នាំ មុខរបរកម្មករសំណង់ និង៣-ឈ្មោះ រើន ភាង៉ែត អាយុ១៨ឆ្នាំ មុខរបរជួសជុលទូរស័ព្ទ ទាំង៣នាក់រងរបួសធ្ងន់ ហើយស្នាក់នៅភូមិព្រះនិពាន ឃុំចំការស្បូវ ស្រុកគងពិសី ខេត្តកំពង់ស្ពឺ ជិះម៉ូតូ ម៉ាក Duke ។
ប្រភពពីកន្លែងកើតហេតុបានឱ្យដឹងថា នៅមុនពេលកើតហេតុគេឃើញម៉ូតូមួយគ្រឿងម៉ាក Duke ពណ៌ស ពាក់ស្លាកលេខ ភ្នំពេញ 1CQ-1251 ជិះឌុបគ្នា៣នាក់ ក្នុងទិសដៅពីត្បូងទៅជើងយ៉ាងលឿនមកដល់ចំណុចកើតហេតុ ក៏បុកពេញទំហឹងជាមួយម៉ូតូម៉ាក Icon ពណ៌ស ពាក់ស្លាកលេខ ភ្នំពេញ 1Y-4313 ជិះច្រាស់ទិសគ្នា បណ្តាលឱ្យបុរសម្ចាស់ម៉ូតូ Icon ស្លាប់ភ្លាមៗ ចំណែកបុរស៣នាក់ទៀត ជិះម៉ូតូ Duk របួសដេកដួលពេញផ្លូវធ្ងន់ ។
ក្រោយកើតហេតុបន្តិចគេឃើញរថយន្តសង្គ្រោះបន្ទាន់អង្គភាព៧១១ ដឹកបុរសម្នាក់ទៀតនៅពេទ្យព្រះកុសុមៈ និង២នាក់ទៀត រថយន្តសង្គ្រោះមន្ទីរពេទ្យឯកជនជាអ្នកដឹកទៅសង្គ្រោះចំណែកម៉ូតូទាំង២គ្រឿង ត្រូវបានសមត្ថកិច្ចជំនាញធ្វើការវាស់វែង និងដឹកទៅរក្សាទុកនៅការិយាល័យចរាចរណ៍រាជធានីភ្នំពេញ ចំណែកសពកំពុងរង់ចាំសាច់ញាតិមកទទួលទៅធ្វើបុណ្យតាមប្រពៃណី ៕
ចែករំលែកព័តមាននេះ