រាជធានីភ្នំពេញ ៖ ដោយមើលឃើញពីសកម្មភាពបុរសម្នាក់ជិះម៉ូតូមួយគ្រឿងបានរេចុះរេឡើងពេញផ្លូវ ក៏ត្រូវអ្នកធ្វើដំណើរពីក្រោយ ក៏តាមថតរូបភាពពីបុរសនោះ តែអ្វីដែលគួរឱ្យភ្ញាក់ផ្អើល និងតក់ស្លុតស្រែកឡើងភ្លាត់សំឡេង គឺបុរសនោះជិះម៉ូតូទៅបុកជាមួយរថយន្តធុនធំមួយគ្រឿងចំពីមុខ ក្នុងទិសដៅបញ្ច្រាសគ្នា បណ្តាលឱ្យដួលខ្លួនឯងបែកក្បាលរបួសយ៉ាងធ្ងន់ធ្ងរ ដែលសង្ឃឹមរស់តិច ។
ហេតុការណ៍នេះ កើតឡើងកាលពីវេលាម៉ោងជាង០៨ព្រឹកថ្ងៃទី២៧ សីហា ២០១៦ នេះ ស្ថិតត្រង់ចំណុចផ្លូវបេតុងព្រៃ.ស ក្នុងភូមិព្រៃ.ស សង្កាត់ព្រៃ.ស ខណ្ឌដង្កោ ។
ជនរងគ្រោះត្រូវគេស្គាល់ឈ្មោះទិត្យ គា អាយុ៣៤ឆ្នាំ មានទីលំនៅក្នុងភូមិចក្រី សង្កាត់រមាសហែក ខេត្តស្វាយរៀង បច្ចុប្បន្នស្នាក់នៅវត្តប្ញស្សីសាញ់ ភូមិប្រការ សង្កាត់ព្រៃ.ស ។
ទោះបីជាយ៉ាងណា ចំពោះករណីជិះរេពេញផ្លូវនេះ គេមិនទាន់ដឹងពីមូលហេតុនោះទេ ខណៈសមត្ថកិច្ចកំពុងចុះស្រាវជ្រាវ ។
ចែករំលែកព័តមាននេះ