កំពូលឆ្នាំទាំង៥នេះរាសីឡើងខ្ពស់ត្រដែត ង៉ូវហេងរបស់លោកអ្នកនៅតែល្អប្រសើរម្ល៉ោះហើយទោះលោកអ្នកធ្វើកិច្ចការអ្វីក៏ឃើញថាជឿនលឿននិងហុចផលមកវិញជាទីកក់ក្តៅផ្លូវចិត្ត ។ សម្រាប់អ្នកប្រកបរបររកស៊ីជួញដូរវិញទោះលោកអ្នកជួញទីជិតឆ្ងាយមិនថាផ្លូវគោកឬផ្លូវទឹកក្តីតែងហុចផ្លែផ្កាមកវិញគួរជាទីកក់ក្តៅ ។ រីឯសម្ព័ន្ធស្នេហាប្រុសស្រីមានតែស្នាមញញឹមរកគ្នា លេខនាំហេង២៥៩ ពណ៌នាំសំណាង ប្រផេះ និងពណ៌មាស ជោគលាភ ជ័យសំណាង ។
![](https://kohsantepheapdaily.com.kh/wp-content/images/2022/03/a9c888d43f5642c5d0b4819628e46c19-2.jpg)
ឆ្នាំជូត រាសីខ្ពស់ត្រដែត លោកអ្នកធ្វើអ្វីក៏ដោយតែងភ្លឺថ្លានិងជួបតែក្តីសោមនស្ស ។ នៅថ្ងៃ១៥នេះលោកអ្នកសម្រុកការងារបានហើយព្រោះថាផលជាផ្លែផ្កាហុចមកវិញគួរជាទីកក់ក្តៅ ។ បើជាអ្នកប្រកបរបររកស៊ីជួញដូរវិញតែងអាចទាក់ទាញអតិថិជនចាស់ថ្មីឱ្យចូលមកកាន់តែច្រើនគួរជាទីពេញចិត្ត និងពិសេសបើចង់ផ្លាស់ប្តូរមុខរបរថ្មីផងតែងសមប្រកបជានិច្ច ។
![](https://kohsantepheapdaily.com.kh/wp-content/images/2022/03/8afd65e1942045a0bc2de163d96fa516-1.jpg)
ឆ្នាំមមែ លាភខ្លាំងសំណាងល្អរាសីខ្ពស់ត្រដែត ។ នៅថ្ងៃ១៥កណ្តាលខែនេះជាពេលវេលាផ្តល់ផលល្អសម្រាប់ការសម្រេចចិត្តការងារ ឬបណ្តាក់ទុនរកស៊ីអ្វីមួយ ព្រោះថាផលជាផ្លែផ្កាតែងឆ្លើយតបមកវិញគួរជាទីពេញចិត្តជានិច្ច ។ បើជាអ្នកប្រកបរបររកស៊ីជួញដូរមានការទិញចូលលក់ចេញគ្រាន់ចំណេញប្រាក់មហាសាល ។
![](https://kohsantepheapdaily.com.kh/wp-content/images/2022/03/2fa7a1321d6b5fa0e04ad46785f574f3-1.jpg)
ឆ្នាំឆ្លូវ ជោគជតារាសីខ្ពស់ត្រដែត ។ នៅថ្ងៃ១៥ពាក់កណ្តាលខែនេះលោកអ្នកមានអារម្មណ៍ភ្លឺថ្លាពិសេសអាចមានដំណឹងល្អថែមទៀត ។ ក្រៅពីនេះបើមានការប្រកបការងារអ្វីមួយតែងត្រូវចៅហ្វាយនាយឬអ្នកគ្រប់គ្រងពេញចិត្តដែលផ្តល់ផលប្រយោជន៍ណាមួយឱ្យសប្បាយចិត្ត ។ ចំពោះអ្នកប្រកបរបររកស៊ីជួញដូរមានការចម្រើនលូតលាស់និងបើចង់រើទីកន្លែងលក់ដូរឬផ្លាស់ប្តូរកន្លែងលក់ដូរអ្វីមួយតែងផ្តល់ផលល្អផងដែរ ។
![](https://kohsantepheapdaily.com.kh/wp-content/images/2022/03/f1fcad593632f9dc92b40cd75d1e0ce0-2.jpg)
ឆ្នាំរកា ង៉ូវហេងល្អខ្លាំងណាស់ នៅថ្ងៃពាក់កណ្តាលខែនេះបើលោកអ្នកមានការចាត់ចែងកិច្ចការងារចាស់ឬកិច្ចការដែលនៅសេសសល់ពីមុនមកតែងផ្តល់ផលល្អនៅពេលក្រោយវិញជានិច្ច ។ ចំពោះអ្នកប្រកបរបររកស៊ីជួញដូរវិញមានការចម្រើនលូតលាស់ទៅមុខជានិច្ច ដូច្នេះជាឱកាសល្អក្នុងការផ្លាស់ប្តូរមុខរបរ ឬបើកធ្វើជំនួញតូចធំបំផុត ។ ការធ្វើដំណើរទីជិតឆ្ងាយជួបតែសេចក្តីសុខក្សេមក្សាន្តគ្រប់វេលា ។
![](https://kohsantepheapdaily.com.kh/wp-content/images/2022/03/4c68cea7e58591b579fd074bcdaff740-1.jpg)
ឆ្នាំកុរ នៅថ្ងៃ១៥កណ្តាលខែនេះជោគជតារាសីខ្ពស់ត្រដែត ការរស់នៅរបស់លោកអ្នកប្រព្រឹត្តទៅយ៉ាងល្អប្រសើរ ។ ហេតុនេះទោះធ្វើអ្វីបើមានបញ្ហាកើតឡើងលោកអ្នកតោងតែមិនព្រួយបារម្ភ ឬគិតច្រើននោះឡើយ ។ ចំពោះអ្នកប្រកបរបររកស៊ីជួញដូរពេលនេះប្រៀបបាននឹងភ្លៀងធ្លាក់មួយមេមេឃស្រទ្បះព្រោះអាចកម្ចាត់រាល់ឧបសគ្គទាំងពួងឱ្យអហោសិកម្មអស់ហើយ លោកអ្នកអាចប្រកបមុខរបរពេញដៃពេញជើងទទួលផលចំណេញច្រើនគឺកាក់កបមានបានដូចទ្បើងជណ្តើរ ៕ សាន សារិន
ចែករំលែកព័តមាននេះ