អនិច្ចា! ដើរអញ្ជើញភ្ញៀវមកជប់លៀងការកូនស្រី បែរជាជួបគ្រោះអកុសលើផ្លូវជាតិលេខ៣
- កំពត
បុរសម្នាក់បានស្លា.ប់ និងម្នាក់ទៀតរងរបួសធ្ងន់ នៅក្នុងគ្រោះថ្នាក់រថយន្តបុកគ្នា កាលពីវេលាម៉ោង
បុរសម្នាក់បានស្លា.ប់ និងម្នាក់ទៀតរងរបួសធ្ងន់ នៅក្នុងគ្រោះថ្នាក់រថយន្តបុកគ្នា កាលពីវេលាម៉ោង
ខេត្តកំពត ៖ បុរសម្នាក់បានស្លា.ប់ និងម្នាក់ទៀតរងរបួសធ្ងន់ នៅក្នុងគ្រោះថ្នាក់រថយន្តបុកគ្នា កាលពីវេលាម៉ោងប្រមាណ១១និង៤៥នាទីយប់ ថ្ងៃទី១៣ ខែមីនា ធ្នាំ២០២២ នៅលើកំណាត់ផ្លូវជាតិលេខ៣ ចន្លោះបង្គោលគីឡូម៉ែត្រលេខ១១៦-១១៧ ស្ថិតក្នុងភូមិត្រពាំងរាំង ឃុំអង្គរមាស ស្រុកដងទង់ ។
ប្រភពព័ត៌មានពីនគរបាលឲ្យដឹងថា រថយន្តប៉ាហ្សេរ៉ូ ពណ៌ស្លែ ចង្កូតស្តាំ ពាក់ផ្លាកលេខ ភ្នំពេញ ២D-៩៧៣៧ បើកបរដោយលោក ប៊ុន ហាវ អាយុ៥៧ឆ្នាំ ជាមន្ត្រីនៅមន្ទីរសេដ្ឋកិច្ច និងហិរញ្ញវត្ថុខេត្ត មានទីលំនៅក្នុងភូមិកំពង់បាយខាងជើង សង្កាត់កំពង់បាយ ក្រុងកំពត ក្នុងដំណើរដើរប្រាប់ភ្ញៀវការកូនស្រីទី២ នៅថ្ងៃទី២៦ ខែមីនា ឆ្នាំ២០២២ ។ រថយន្តរបស់លោកធ្វើដំណើរពីខាងកើតទៅខាងលិច លុះទៅដល់ចំណុចខាងលើ ក៏បានបុកជាមួយនឹងរថយន្តមួយគ្រឿងទៀតដែលធ្វើដំណើរស្របទិសគ្នាម៉ាកនីស្សាន់ ពណ៌លឿង ចង្កូតស្តាំដូចគ្នា ពាក់ផ្លាកលេខ ចង្កូតស្តាំ PP-១៦៦៧ ពីក្រោយ ។
គ្រោះថ្នាក់ខាងលើនេះ បានបណ្តាលឱ្យលោក បុ៊ន ហាវ កៀបស្លា.ប់នៅក្នុងរថយន្ត និងអ្នករួមដំណើរម្នាក់ទៀតមានឈ្មោះ យ៉ង់ សុផល ក៏រងរបួសធ្ងន់ ហើយត្រូវបានដឹកបញ្ជូនទៅមន្ទីរពេទ្យបង្អែកខេត្ត ។
ទោះជាយ៉ាងណា អ្នកបើកបររថយន្តនីស្សាន់ មិនត្រូវបានស្គាល់អត្តសញ្ញាណទេ ព្រោះក្រោយពេលកើតហេតុបានរត់គេចខ្លួនបាត់ បន្សល់ទុកនៅតែរថយន្តនៅកន្លែងកើតហេតុតែប៉ុណ្ណោះ។
ក្រោយពេលកើតហេតុ ស.ពអ្នកបើកបររថយន្តប៉ាហ្សេរ៉ូ ត្រូវបានសមត្ថកិច្ចប្រគល់ជូនសាច់ញាតិ ដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ