ព្រោះតែរឿងរៀនមិនពូកែ ធ្វើឱ្យយុវសិស្សម្នាក់ឡើងលើស្ពាន បន្សល់ទុកត្រឹមតែម៉ូតូ
- កំពង់ចាម
ខេត្តកំពង់ចាម ៖ យុវតីជាសិស្សសាលាម្នាក់ត្រូវបានគេប្រទះឃើញលោតពីលើស្ពានគីហ្ស៊ុណា ដោយបន្សល់ទុកម៉ូតូ
ខេត្តកំពង់ចាម ៖ យុវតីជាសិស្សសាលាម្នាក់ត្រូវបានគេប្រទះឃើញលោតពីលើស្ពានគីហ្ស៊ុណា ដោយបន្សល់ទុកម៉ូតូ
ខេត្តកំពង់ចាម ៖ យុវតីជាសិស្សសាលាម្នាក់ត្រូវបានគេប្រទះឃើញលោតពីលើស្ពានគីហ្ស៊ុណា ដោយបន្សល់ទុកម៉ូតូមួយគ្រឿងនៅក្បែរបង្កាន់ដៃស្ពាន បានបង្កការភ្ញាក់ផ្អើលដល់ប្រជាពលរដ្ឋដែលធ្វើដំណើរតាមម៉ូតូនិងរថយន្ត នាំគ្នាចោមរោមមើលកាលពីវេលាម៉ោង១១និង៤៩នាទីព្រឹកថ្ងៃទី១៤ខែមិនាឆ្នាំ ២០២២ នៅលើស្ពានគីហ្ស៊ុយណា ត្រង់ចន្លោះសសរប៉េ៩និងប៉េ១០ ស្ថិតក្នុងសង្កាត់វាលវង់ ក្រុងកំពង់ចាម ខេត្តកំពង់ចាម ។
តាមប្រភពពីនគរបាលប្រចាំការនៅចំណុចស្ពានខាងលើបានឱ្យដឹងថា បន្ទាប់ពីមានហេតុការណ៍ភ្ញាក់ផ្អើលខាងលើរួចមក កម្លាំងនគរបាលបានចុះទៅដល់ត្រង់ចំណុចកើតហេតុ រកឃើញមានរបស់របររបស់ជនរងគ្រោះបន្សល់ទុករួមមានម៉ូតូមួយគ្រឿងម៉ាកហ្ស៊ូមម័រ, ស្បែកជើងមួយគូ និងកាតាបមួយ ហើយនៅក្នុងកាតាបនោះរកឃើញអត្តសញ្ញាណជនរងគ្រោះគឺជាសិស្សឈ្មោះជា វិជ្ជរ៉ា ភេទស្រី អាយុ១៥ឆ្នាំ រៀនថ្នាក់ទី១០«B» នៅវិទ្យាល័យសម្ដេចម៉ែក្នុងឃុំជប់ និងមានទីលំនៅក្នុងភូមិជប់ ឃុំជប់ ស្រុកត្បូង ឃ្មុំខេត្តត្បូងឃ្មុំ ។
នគរបាលការពារស្ពានប្រាប់បន្តឲ្យដឹងទៀតថា នៅពេលកម្លាំងសមត្ថកិច្ចបានមើលទៅក្នុងផ្ទៃទឹកទន្លេមេគង្គ ពុំឃើញជនរងគ្រោះផុសឡើងនោះទេ ទើបបញ្ជាក់ថា ពិតជាបានស្លា.ប់ដោយលិចក្នុងទឹកបាត់ទៅហើយ ។ បន្ទាប់មកសមត្ថកិច្ចក៏បានផ្ដល់ដំណឹងទៅដល់សាច់ញាតិរស់នៅក្នុងស្រុកត្បូងឃ្មុំឲ្យបានដឹង ។ ដោយឡែកវត្ថុតាងដែលបន្សល់ទុកនៅកន្លែងកើតហេតុ ត្រូវបានសមត្ថកិច្ចយកមករក្សាទុកនៅប៉ុស្តិ៍ជាបណ្ដោះអាសន្ន ។
តាមប្រភពដដែលបានបន្តថា ក្រោយមកគេបានឃើញឪពុកម្ដាយរបស់យុវតីរងគ្រោះបានធ្វើដំណើរមកកាន់ប៉ុស្តិ៍រដ្ឋបាលសង្កាត់វាលវង់ ស្ថិតនៅក្រុងកំពង់ចាម ។ នៅពេលមកដល់ ឪពុកម្ដាយយុវតីរងគ្រោះរន្ធ.ត់ចិត្តយ៉ាងខ្លាំង ធ្វើឱ្យស្ត្រីជាម្ដាយទ្រហោយំ អាណិតដល់កូនស្រីពៅរបស់គាត់ដែលបានលោ.តទឹកទន្លេបញ្ចប់ជីវិត ។
តាមប្រភពពីឪពុកម្តាយយុវតីរងគ្រោះបានរៀបរាប់ឱ្យដឹងថា មូលហេតុដែលកូនរបស់ពួកគាត់តូចចិត្តសម្រេចិត្តបញ្ចប់ជីវិតបែបនេះ គឺមកពីរៀនធ្លាក់លេខពីតិចមកច្រើន ។
ក្រោយពេលកើតហេតុ កម្លាំងសមត្ថកិច្ចសហការជាមួយគ្រួសារជនរងគ្រោះដោយរកជួលទូកម៉ាស៊ីនរបស់បងប្អូនខ្មែរអ៊ិស្លាម ដើម្បីតាមរកមើលស.ពជនរងគ្រោះនៅត្រង់ក្បែរក្រោមស្ពានគីហ្ស៊ុណា ៕
ចែករំលែកព័តមាននេះ