ADផ្ទាំងផ្សព្វផ្សាយពាណិជ្ជកម្ម

Picture

​​ជីកដី​និង​គ្រឹះ​សសរផ្ទះ​ចាស់១៣ល្វែង​ បណ្តាល​ឱ្យ​ផ្លូ​វ​ក្រាល​​កៅស៊ូ​​​ប្រេះ​​រក​​​​​ស្រុ​ត​

2 ឆ្នាំ មុន
  • កំពង់ឆ្នាំង

ខេត្ត​កំពង់ឆ្នាំ​ង ៖ កំណាត់ផ្លូវ​ក្រាល​កៅស៊ូ​មួយ​ខ្សែ​ដ៏​ស្រស់​ស្អាត​ មាន​ប្រវែង​ប្រមាណ​ជាង៥០​ម៉ែត្រ ​នៅ​ចំណុច​មុខ​ផ្ទះ​ថ្ម១៣ល្វែង ក្នុង​ភូមិ​ផ្សារឆ្នាំង សង្កាត់​ផ្សារឆ្នាំង ក្រុង​កំពង់ឆ្នាំង រង​ការ​ប្រេះស្រាំរក​កល​នឹង​បាក់ស្រុត​​ចុះ ដោយ​សារតែ​ក្រុមហ៊ុន​វាយ​ផ្ទះ​​ថ្ម​ខ្វះ​បច្ចេកទេស…

ខេត្ត​កំពង់ឆ្នាំ​ង ៖ កំណាត់ផ្លូវ​ក្រាល​កៅស៊ូ​មួយ​ខ្សែ​ដ៏​ស្រស់​ស្អាត​ មាន​ប្រវែង​ប្រមាណ​ជាង៥០​ម៉ែត្រ ​នៅ​ចំណុច​មុខ​ផ្ទះ​ថ្ម១៣ល្វែង ក្នុង​ភូមិ​ផ្សារឆ្នាំង សង្កាត់​ផ្សារឆ្នាំង ក្រុង​កំពង់ឆ្នាំង រង​ការ​ប្រេះស្រាំរក​កល​នឹង​បាក់ស្រុត​​ចុះ ដោយ​សារតែ​ក្រុមហ៊ុន​វាយ​ផ្ទះ​​ថ្ម​ខ្វះ​បច្ចេកទេស ។ យ៉ាងនេះ​ក្តី​ អាជ្ញាធរ​ខេត្ត​កំពង់ឆ្នាំង​ នៅ​ព្រឹក​ថ្ងៃទី១៤ ខែមីនា បាន​ចុះ​ទៅ​ពិនិត្យមើល​សភាព​ថ្នល់​ប្រេះស្រាំ​នោះ​ហើយ​ព្រមទាំង​បញ្ជាក់​ថា គឺ​ក្រុមហ៊ុន​ដែល​ទទួល​វាយ​កម្ទេច​​ផ្ទះ​ថ្ម ជា​អ្នក​ទទួល​ខុសត្រូវ ។

ឯកឧត្តម សាន់ យូ អភិបាលរងខេត្ត​កំពង់ឆ្នាំង ដែល​បាន​ដឹកនាំ​ក្រុមការងារ​ចម្រុះ​ចុះទៅ​ពិនិត្យមើល​ផ្លូវថ្នល់​កៅ​ស៊ូ​ដែល​រង​ការ​ប្រេះស្រាំ​ ដោយសារ​ក្រុមហ៊ុន​វាយកម្ទេច​ផ្ទះថ្ម​ខ្វះ​បច្ចេកទេស​នោះបាន​ឲ្យដឹង​ថា ក្រុមហ៊ុន​បាន​ជីក​រណ្តៅ​ និងគ្រឹះ​ផ្ទះថ្ម ធ្វើឲ្យ​ប៉ះពាល់​ដល់​ថ្នល់ បណ្ដាលឲ្យ​ប្រេះស្រាំ​យ៉ាងដំណំ​។ ហេតុនេះ​ហើយ​ លោក​បាន​ណែ​នាំ​ដល់​ក្រុមហ៊ុន​ដែល​ជីករណ្ដៅ​ដី​នោះ ត្រូវ​ចាក់​ដី​លុប​ប្រដៅ​នោះ​ជាបន្ទាន់ ​ដើ​ម្បីកុំឲ្យ​ដី​នោះ​បាក់​ស្រុត​បន្ត​
ទៀត ។

ដោយឡែក​ មន្ទីរ​សាធារណការ​និង​ដឹកជញ្ជូន​ត្រូវ​ធ្វើការ​សិក្សា​បន្ទាន់​អំពី​បច្ចេកទេស​ និង​ការ​ជួស​ជុល​នោះ​ឡើង​វិញ ដើម្បី​ឱ្យ​ផ្លូវ​បាន​ល្អ​ដូ​ច​ដើម ។ ចំណែក​ការ​ជួសជុល​ផ្លូវត្រូវ​ក្រុមហ៊ុន​ដែល​ជីក​គ្រឹះ​សសរ​ត្រូវ​សង​សំណង​ក្នុង​ការ​ជួសជុល​ផ្លូវ​នោះ​ឡើងវិញ ។

សូម​បញ្ជាក់​ដែរ​ថា ​ផ្ទះថ្ម១៣ល្វែង​ស្ថិតនៅ​ក្នុង​ភូមិ​ផ្សារឆ្នាំង សង្កាត់​ផ្សារឆ្នាំង ក្រុង​កំពង់ឆ្នាំង ត្រូវ​បាន​កសាង​ឡើង​កាលពី​ជិត ១០០ឆ្នាំមុន ហើយ​បាន​រង​ការ​ទ្រុឌទ្រោមជា​ខ្លាំង ធ្វើ​ឱ្យ​មាន​ហានិភ័យ​ខ្ពស់​ដល់​អ្នក​រស់នៅ ទើប​រដ្ឋ​បាល​ខេត្ត​កំពង់ឆ្នាំង​​បាន​សម្របសម្រួល​ឲ្យ​ម្ចាស់ផ្ទះ​ថ្ម​ទាំង១៣ល្វែង ដែល​កំពុង​រស់នៅ​ត្រូវ​ចាក​ចេញ និង​វ៉ៃ​កំទេច​ចោល​ហើយ​សាងសង់​ថ្មី ។ ប៉ុន្តែ​ដោយសារ​ក្រុមហ៊ុន​ខ្វះ​បច្ចេកទេស​ជីកដី និង គ្រឹះ​សសរផ្ទះ​ចាស់ ទើប​បណ្តាល ប៉ះពាល់​ដល់​ថ្នល់​កៅស៊ូ​ដែល​ជា​ទ្រព្យសម្បត្តិ​សា​ធា​រណៈ​៕ ​

អត្ថបទសរសេរ ដោយ