ជនសង្ស័យម្នាក់ដែលជាមុខសញ្ញាប្រើប្រាស់គ្រឿងញៀ.ន បានយកកាំបិតបុ័ងតោដេញកា.ប់ជនរងគ្រោះដោយមិនដឹងមូលហេតុ រួចក៏បា.ញ់ចំពាមកៅស៊ូ បន្ទាប់មកក៏យកដុំថ្មគប់លើសមត្ថកិច្ចទៀត ចុងក្រោយជនសង្ស័យរូបនេះក៏ត្រូវ
ខេត្តកណ្តាល ៖ ជនសង្ស័យម្នាក់ដែលជាមុខសញ្ញាប្រើប្រាស់គ្រឿងញៀ.ន បានយកកាំបិតបុ័ងតោដេញកា.ប់ជនរងគ្រោះដោយមិនដឹងមូលហេតុ រួចក៏បាញ់ចំពាមកៅស៊ូ បន្ទាប់មកក៏យកដុំថ្មគប់លើសមត្ថកិច្ចទៀត ចុងក្រោយជនសង្ស័យរូបនេះក៏ត្រូវជាប់ខ្នោះបានសម្រេច។ ហេតុការណ៌នេះ បានកើតឡើងនៅថ្ងៃទី១០ ខែមីនា ឆ្នាំ២០២២ វេលាម៉ោង០០និង០៥នាទីយប់ នៅចំណុចមុខផ្ទះជនសង្ស័យ ស្ថិតក្នុងភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្ដាល។
សេចក្តីរាយការណ៍បន្តថា ជនរងគ្រោះខាងលើមានឈ្មោះ ឡូវ ប៊ុនហៃ ហៅពៅ ភេទប្រុស អាយុ៣២ឆ្នាំ ជនជាតិខ្មែរ ស្នាក់នៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល មុខរបរដឹកអីវ៉ាន់ ត្រូវរងរបួសរយះថ្ពាល់ខាងឆ្វេង។ ចំណែកជនសង្ស័យវិញមានឈ្មោះ សុខ វឿន ភេទប្រុស អាយុ៣៧ឆ្នាំ ជនជាតិខ្មែរ មានទីលំនៅភូមិដើមមៀន សង្កាត់ដើមមៀន ក្រុងតាខ្មៅ ខេត្តកណ្តាល មុខរបរកម្មករសំណង់ ។
បើតាមនគរបាលក្រុងតាខ្មៅ បានអោយដឹងថា កាលពីពេលវេលាកើតហេតុខាងលើ ខណៈពេលដែលជនរងគ្រោះកំពុងតែដើរយកបាយទៅអោយបងបង្កើតដែលមានផ្ទះជាប់គ្នានោះជាមួយនឹងផ្ទះជនសង្ស័យនោះ ភ្លាមៗនោះមិនដឹងជាមានមូលហេតុអ្វីនោះទេ? ស្រាប់តែជនសង្ស័យបានដកកាំបិតបុ័ងតោពីចង្កេះមកកា.ប់ទៅលើជនរងគ្រោះ ត្រូវចំថ្ពាល់ខាងឆ្វេង បណ្តាលអោយរយះហូរឈា.មតែម្តង។
នគរបាលក្រុងបន្តថា ក្រោយមកជនរងគ្រោះក៏បានមកប្តឹងសមត្ថកិច្ចប៉ុស្តិ៍ដើមមៀន អោយចុះជួយអន្តរាគម៍ភ្លាមៗ លុះសមត្ថកិច្ចក៏ទៅដល់ ស្រាប់តែជនសង្ស័យរូបនេះបានយកថ្ម និងជំពាមកៅស៊ូ គុប ព្រមទាំងបាញ់ទៅលើសមត្ថកិច្ចតែម្តង ធ្វើអោយសមត្ថកិច្ចពិបាកធ្វើការចាប់ឃាត់ខ្លួនជនសង្ស័យ។
ប្រភពដដែលបន្តទៀតថា លុះរហូតដល់ម៉ោង០៩និង៣០នាទី ទើកម្លាំងសមត្ថកិច្ចប៉ុស្តិ៍សហការជាមួយកម្លាំងផ្នែកព្រហ្មទណ្ឌក្រុងតាខ្មៅ ចុះទៅឃាត់ខ្លួនជនសង្ស័យ រួមទាំងវត្ថុតាងយកមកសួរនាំនៅប៉ុស្តិ៍តែម្តង។
នៅចំពោះមុខសមត្ថកិច្ច ជនសង្ស័យក៏បានសារភាពថា ខ្លួនពិតជាបានយកកាំបិតកា.ប់ទៅលើជនរងគ្រោះត្រូវចំថ្ពាល់ខាងឆ្វេងពិតប្រាកដមែន ។ ក្រោយពេលសាកសួររួច ប៉ុស្តិ៍នគរបាលរដ្ឋបាល ក៏បានបញ្ជូនជនសង្ស័យ រួមទាំងវត្ថុតាងមកកាន់អធិការដ្ឋាននគរបាលក្រុងតាខ្មៅ ដើម្បីចាត់ការតាមនីតិវិធីច្បាប់៕
ចែករំលែកព័តមាននេះ