គ្រួសារស្ត្រីមេម៉ាយចំណាស់ចិញ្ចឹមចៅក្បាលធំ ដូចមនុស្សក្រៅភព ថែមទាំងដៃជើងស្វិតផងនោះ នៅព្រឹកថ្ងៃទី១២ ខែមីនា ឆ្នាំ២០២២ បានទទួលអំណោយជាបន្តបន្ទាប់ពីថ្នាក់ដឹកនាំនៅ
ខេត្តបន្ទាយមានជ័យ ៖ គ្រួសារស្ត្រីមេម៉ាយចំណាស់ចិញ្ចឹមចៅក្បាលធំ ដូចមនុស្សក្រៅភព ថែមទាំងដៃជើងស្វិតផងនោះ នៅព្រឹកថ្ងៃទី១២ ខែមីនា ឆ្នាំ២០២២ បានទទួលអំណោយជាបន្តបន្ទាប់ពីថ្នាក់ដឹកនាំនៅក្រុងប៉ោយប៉ែត តាមរយៈភ្នាក់ងារកោះសន្តិភាពប្រចាំខេត្តបន្ទាយមានជ័យ ។
អំណោយខាងលើនេះរួមមាន ៖ អង្ករ៥០គីឡូក្រាម, ថវិការចំនួន១០ម៉ឺនរៀល ដែលជារបស់លោក គាត ហ៊ុល អភិបាលនៃគណៈអភិបាលក្រុងប៉ោយប៉ែត និងថវិការចំនួន២០ម៉ឺនរៀលទៀត ដែលជារបស់លោកវរសេនីយ៍ឯក សៅ សារឿន អធិការនគរបាលក្រុងប៉ោយប៉ែត និងភរិយាផងដែរ។
គ្រួសាដែលទទួលបានអំណោយជាស្ត្រីមេម៉ាយអាយុ៦២ឆ្នាំ ដែលមានឈ្មោះ អ៊ុក គុជ បច្ចុប្បន្នរស់នៅភូមិក្បាលកោះ សង្កាត់និងក្រុងប៉ោយប៉ែត។ ស្ត្រីចំណាស់រូបនេះ ត្រូវចិញ្ចឹមចៅស្រីកំព្រាចំនួន២នាក់ ដោយចៅស្រីបងមានអាយុ១០ឆ្នាំ ខណៈចៅស្រីម្នាក់ទៀតមានត្រឹមតែអាយុ៨ឆ្នាំប៉ុណ្ណោះ ហើយមានអវៈយវៈមិនគ្រប់លក្ខណៈ ពោលគឺក្បាលធំដូចមនុស្សក្រៅភព ហើយដៃជើងក្មេងរូបនេះស្វិតតាំងពីកំណើត ឯម្តាយរបស់គេវិញក៏បានស្លា.ប់ដោយសារតែជំងឺកាលពីជាង៣ឆ្នាំមុនមកម្ល៉េះ។
គ្រួសារខាងលើទទួលបានអំណោយ ហើយក៏បានសម្តែងការត្រេកអរយ៉ាងខ្លាំង និងបានជូនពរដល់ម្ចាស់អំណោយ សូមឲ្យមានសុខភាពល្អ និងជោគជ័យរាល់ភារៈកិច្ច។
គួរបញ្ជាក់ផងដែរថា ដោយសារកត្តាជីវភាព និងការលំបាកដែលត្រូវមើលថែចៅក្បាលធំខាងលើ ស្ត្រីចំណាស់រូបនេះកាលពីប៉ុន្មានថ្ងៃមុន បានស្កាត់ជួបភ្នាក់ងារកោះសន្តិភាព ដើម្បីឲ្យសរសេរអំពាវនាវ រកអំណោយសង្គ្រោះ និងរទេះតូចមួយ ដើម្បីជួយសម្រួលដល់ការលំបាករបស់គាត់ផងដែរ៕
ចែករំលែកព័តមាននេះ