ប្រឡងបាក់ឌុបព្រឹកថ្ងៃទី២ ៖ បេក្ខជនអវត្តមាន១៣០៧នាក់ បញ្ហាសុខភាព២៤នាក់
រាជធានីភ្នំពេញ ៖ យោងតាមគេហទំព័រក្រសួងអប់រំ យុវជននិងកីឡាបានឲ្យដឹងថា «ដំណើរការសំណេរនាព្រឹកថ្ងៃទី២នេះ មានពីរ
រាជធានីភ្នំពេញ ៖ យោងតាមគេហទំព័រក្រសួងអប់រំ យុវជននិងកីឡាបានឲ្យដឹងថា «ដំណើរការសំណេរនាព្រឹកថ្ងៃទី២នេះ មានពីរមុខវិជ្ជា សម្រាប់ថ្នាក់វិទ្យាសាស្ត្រ (អក្សរសាស្ត្រខ្មែរ និងរូបវិទ្យា) និងសម្រាប់ថ្នាក់វិទ្យាសាស្ត្រសង្គម (គណិតវិទ្យា និងសីលធម៌-ពលរដ្ឋវិជ្ជា) ។ បេក្ខជនអវត្តមានកើនឡើងដល់ ១៣០៧ នាក់ ។ ដោយឡែកបេក្ខជនមានបញ្ហាសុខភាព ចំនួន ២៤នាក់ ។
ដំណើរការសំណេរបានបន្តប្រព្រឹត្តទៅដោយរលូនល្អ ពោលគឺគណៈមេប្រយោគគ្រប់លំដាប់ថ្នាក់មានការទទួលខុសត្រូវខ្ពស់ក្នុងការបំពេញភារកិច្ច ទោះបីនៅខេត្តមួយចំនួនមានភ្លៀងក៏ដោយ ។ បេក្ខជនបន្តគោរពបទប្បញ្ញត្តិនៃការប្រឡងបានល្អ មានភាពជឿជាក់ និងខិតខំធ្វើកិច្ចការបានច្រើន ពុំមានឧបទ្ទវហេតុអ្វីកើតឡើងគួរឲ្យកត់សម្គាល់ឡើយ ដោយមានការចូលរួមយ៉ាងសកម្មពីអាជ្ញាធរដែនដីកងកម្លាំងមានសមត្ថកិច្ច និងមន្ត្រី និងសង្កេតការណ៍ស្ម័គ្រចិត្តមកពីអង្គភាពប្រឆាំងអំពើពុករលួយ និងសហភាពសហព័ន្ធយុវជនកម្ពុជា ដែលពាក់ព័ន្ធ។
ចំពោះដំណើរការសំណេរនារសៀលនេះ មានមួយមុខវិជ្ជាគឺ វិញ្ញាសាគណិតវិទ្យា សម្រាប់ថ្នាក់វិទ្យាសាស្ត្រ និងអក្សរសាស្ត្រខ្មែរ សម្រាប់ថ្នាក់វិទ្យាសាស្ត្រសង្គម »៕
ចែករំលែកព័តមាននេះ