ខេត្តស្វាយរៀង ៖ នាយរងការិយាល័យរដ្ឋបាលសរុបប្រឆាំងផលិតផលក្លែងក្លាយ ក្រសួងមហាផ្ទៃ ម្នាក់ បានដកកាំភ្លើងខ្លីបា.ញ់សម្លា.ប់ខ្លួន ធ្វើឲ្យមានការភ្ញាក់ផ្អើលជាខ្លាំង ដល់ប្រជាពលរដ្ឋដែលរស់នៅជិតខាង គ្រាន់តែឈ្លោះប្រកែកជាមួយប្រពន្ធបន្តិចបន្តួចដកកាំភ្លើងធ្វើអត្តឃា.ត ។…
ខេត្តស្វាយរៀង ៖ នាយរងការិយាល័យរដ្ឋបាលសរុបប្រឆាំងផលិតផលក្លែងក្លាយ ក្រសួងមហាផ្ទៃ ម្នាក់ បានដកកាំភ្លើងខ្លីបា.ញ់សម្លា.ប់ខ្លួន ធ្វើឲ្យមានការភ្ញាក់ផ្អើលជាខ្លាំង ដល់ប្រជាពលរដ្ឋដែលរស់នៅជិតខាង គ្រាន់តែឈ្លោះប្រកែកជាមួយប្រពន្ធបន្តិចបន្តួចដកកាំភ្លើងធ្វើអត្តឃា.ត ។
បើតាមសមត្ថកិច្ចបានឲ្យដឹងថា នាយនគរបាលថ្នាក់វរៈសេនីយ៌ទោម្នាក់ បានបា.ញ់សម្លា.ប់ខ្លួនឯង ក្រោយពីផឹកស្រាស្រវឹង ហើយឈ្លោះប្រកែកជាមួយប្រពន្ធបន្តិចបន្តួចខឹងនឹងប្រពន្ធក៏យកកាំភ្លើងបា.ញ់សម្លា.ប់ខ្លួនតែម្តង ។
ករណីនេះបានកើតឡើង កាលពីវេលាម៉ោង៧និង០០នាទីយប់ថ្ងៃទី១១ ខែមីនា ឆ្នាំ២០២២នៅចំណុចផ្ទះរបស់យាយខាងប្រពន្ធ ស្ថិតក្នុងភូមិត្រពាំងកំពឹស ឃុំខ្សែត្រ ស្រុកកំពង់រោទិ៍ ។
សមត្ថកិច្ចបានឲ្យដឹងទៀតថា ករណីនេះកើតឡើងនៅផ្ទះរបស់ឈ្មោះ នង សុង ភេទស្រី អាយុ៧៦ឆ្នាំ ស្ថិតនៅក្នុងភូមិត្រពាំងកំពឹស ឃុំខ្សែត្រស្រុកកំពង់រោទ៌ ។
ដោយអ្នកធ្វើអត្តឃាតនេះមានឈ្មោះនួន តេជះ ភេទប្រុស អាយុ៣៣ឆ្នាំ មុខរបរជាមន្ត្រីនគរបាល មានតួនាទីនាយរងការិយាល័យរដ្ឋបាលសរុបប្រឆាំងផលិតផលក្លែងក្លាយ ក្រសួងមហាផ្ទៃ ឋាន្តរស័ក្កិវរៈសេនីយ៍ទោ ដែលមានប្រពន្ធឈ្មោះ ដិប សុខសេរីវតី អាយុ២៧ឆ្នាំ ។ អ្នកទាំងពីរមានទីលំនៅភូមិចុងថ្នល់ខាងកើត សង្កាត់ទឹកថ្លា ខណ្ឌ័សែនសុខ រាជធានីភ្នំពេញ ។
មុនពេលកើតហេតុ ពីរនាក់ប្តីប្រពន្ធបាននាំគ្នាមកលេងផ្ទះយាយ នៅស្រុកកំណើតខាងម្តាយបង្កើតប្រពន្ធ នៅភូមិត្រពាំងកំពឹស ឃុំខ្សែត្រស្រុកកំពង់រោទិ៍ ខេត្តស្វាយរៀង ។ ពេលមកដល់ផ្ទះយាយក្មេក ក៏បានជួបជុំសាច់ញាតិបងប្អូនខាងប្រពន្ធ ផឹកស៊ី រហូតស្រវឹងក៏ការឈ្លោះប្រកែកជាមួយប្រពន្ធបន្តិចបន្តួច ស្ត្រីប្រពន្ធក៏បានដេញប្តីឲ្យត្រឡប់ទៅផ្ទះនៅភ្នំពេញមុន ក៏ប៉ុន្តែបុរសជាប្តីមិនព្រមទៅ ដោយនិយាយថា បើទៅផ្ទះត្រូវទៅទាំងអស់គ្នា ក៏ប៉ុន្តែប្រពន្ធចេះតែដេញប្តីឲ្យត្រឡប់ទៅភ្នំពេញមុន ខណៈប្តីកំពុងស្រវឹងស្រាជោគជាំ ធ្វើឲ្យបុរសខឹងប្រពន្ធខ្លាំង រួចក៏យកកាំភ្លើងខ្លីពីចង្កេះបា.ញ់សម្លា.ប់ខ្លួនឯង បណ្តាលឲ្យត្រូវចំខាងលើដងកំបិតផ្នែកខាងស្តាំឆ្មាមកខាងក្រោយក្រោមចុងឆ្អឹងជំនីផ្នែកខាងស្តាំ ស្លា.ប់ភ្លាមៗតែម្តង។
សមត្ថកិច្ចបានបញ្ជាក់ថា មូលហេតុ ផឹកស្រាស្រវឹងខឹងប្រពន្វរបស់ខ្លួន ដោយប្រពន្ធដេញខ្លួនឱ្យទៅភ្នំពេញមុន តែខ្លួនមិនព្រមទៅ ។ បុរសនេះខឹងក៏យកកាំភ្លើងបា.ញ់សម្លា.ប់ខ្លួនទៅ។
ក្រោយពីពិនិត្យធ្វើកោសល្យវិច្ច័យរួច សមត្ថកិច្ចបានប្រគល់សពឲ្យក្រុមគ្រួសារយកទៅធ្វើបុណ្យតាមប្រពៃណី៕
ចែករំលែកព័តមាននេះ