ហានិភ័យនៃការវិវត្តទៅជាជំងឺមហារីកក្រពេញប្រូស្តាតកើនឡើងជាលំដាប់ទៅតាមអាយុ  ហើយបុរសជាច្រើនមិនបានរកឃើញវិធីការពារជំងឺនេះទេ។ មហារីកក្រពេញប្រូស្តាត មិនមែនមានន័យថាត្រូវតែស្លាប់នោះទេ តែវាពិតជាសំខាន់ក្នុងការពារខ្លួន ជាមួយនឹងវិធីផ្សេងៗ។ ថ្ងៃនេះ អ្នកនឹងបានស្គាល់ពីវិធីសាស្រ្តទាំងនេះ។

១. បញ្ចេញទឹកកាមឱ្យបានទៀងទាត់

យោងតាមការសិក្សា ការបញ្ចេញទឹកកាមជួយអ្នកកាត់បន្ថយហានិភ័យនៃជំងឺមហារីកក្រពេញប្រូស្តាត។ ការសិក្សាបានបង្ហាញថាបុរសដែលសម្រេចកាមដោយខ្លួនឯង ៥ដងឬច្រើនដងក្នុងមួយសប្តាហ៍គឺ ៣៤% តិចជាងការវិវត្តទៅជាជំងឺមហារីកក្រពេញប្រូស្តាតនៅអាយុ ៧០ឆ្នាំ ជាងអ្នកដែលចូលចិត្តជួយខ្លួនឯងតិចជាងញឹកញាប់។

២. សម្រកទម្ងន់

ការស្រាវជ្រាវបានបង្ហាញថាទម្ងន់ខ្លួនបន្ថែមត្រូវបានផ្សារភ្ជាប់ជាមួយនឹងការកើនឡើងហានិភ័យនៃជំងឺមហារីក រួមទាំងទម្រង់ធ្ងន់ធ្ងរនៃជំងឺមហារីកក្រពេញប្រូស្តាត។ តើអ្នកឃើញទេថាហេតុអ្វីបានជាអ្នកត្រូវការសម្រកទម្ងន់ខ្លះ? ការសម្រកទម្ងន់តាមរយៈការធ្វើលំហាត់ប្រាណ ឬរបបអាហាររបស់អ្នកនឹងកាត់បន្ថយហានិភ័យនៃការកើតជំងឺមហារីកក្រពេញប្រូស្តាត។

៣. ជៀសវាងការទទួលទានវីតាមីន E បន្ថែម

មនុស្សភាគច្រើនជាទូទៅគិតថាការទទួលទានវីតាមីនគឺល្អសម្រាប់សុខភាព ប៉ុន្តែវាមិនពិតទាំងស្រុងនោះទេ។ ការសិក្សាបានបង្ហាញថា ការប្រើប្រាស់វីតាមីន E ច្រើនពេកអាចបង្កើនហានិភ័យនៃជំងឺមហារីកក្រពេញប្រូស្តាត។ ដរាបណាអ្នកទទួលបាន ១៥មីលីក្រាម នៃវីតាមីន E ក្នុងមួយថ្ងៃពីរបបអាហាររបស់អ្នក នោះអ្នកពិតជាល្អគ្រប់គ្រាន់ហើយ៕