អាមេរិក-វេណេស៊ុយអេឡា ៖ ប្រធានាធិបតីអាមេរិកលោកដូណាល់ត្រាំ ក្នុងសន្និសីទសារព័ត៌មានមួយកាលពីថ្ងៃទី២៩ ធ្នូ រួមជាមួយនាយករដ្ឋមន្ត្រីអ៊ីស្រាអែល លោកបេនចាមីននេតាន់យ៉ាហ៊ូ នៅនិវេសនដ្ឋានលោកក្នុងរដ្ឋផ្លរីដាថ្លែងថា អាមេរិកបានវាយប្រហារទីតាំងធំ់របស់វេណេស៊ុយអេឡាដែលលោកថា ប្រើសម្រាប់ផលិតបណ្ដានាវាដែលប្រើសម្រាប់រត់ពន្ធគ្រឿងញៀន។…
អាមេរិក-វេណេស៊ុយអេឡា ៖ ប្រធានាធិបតីអាមេរិកលោកដូណាល់ត្រាំ ក្នុងសន្និសីទសារព័ត៌មានមួយកាលពីថ្ងៃទី២៩ ធ្នូ រួមជាមួយនាយករដ្ឋមន្ត្រីអ៊ីស្រាអែល លោកបេនចាមីននេតាន់យ៉ាហ៊ូ នៅនិវេសនដ្ឋានលោកក្នុងរដ្ឋផ្លរីដាថ្លែងថា អាមេរិកបានវាយប្រហារទីតាំងធំ់របស់វេណេស៊ុយអេឡាដែលលោកថា ប្រើសម្រាប់ផលិតបណ្ដានាវាដែលប្រើសម្រាប់រត់ពន្ធគ្រឿងញៀន។
លោកត្រាំមិនលាតត្រដាងឡើយកន្លែងវាយប្រហារ ហើយក៏មិននិយាយដែរថា តើការវាយប្រហារនោះធ្វើដោយភ្នាក់ងារCIA ឬដោយកងទ័ពអាមេរិកឡើយ តែបញ្ជាក់ថាគោលដៅវាយប្រហារគឺជាទីតាំងកំពង់ផែមួយដែលប្រើសម្រាប់រត់ពន្ធគ្រឿងញៀន។ លោកបន្តថាមានស្នូរផ្ទុះខ្លាំងនៅក្នុងតំបន់គំពង់ផែកន្លែងសំចតបណ្ដានាវាដឹកគ្រឿងញៀន។
ដូច្នេះ យើងវាយប្រហាររាល់នាវាទាំងអស់រួចពេលនេះយើងវាយប្រហារតំបន់នោះ ជាកន្លែងចេញចូលនៃបណ្ដានាវាដឹកគ្រឿងញៀន។ សម្រាប់ពេលន្រេះធានាធិបតីអាមេរិក ជាមនុស្សតែម្នាក់គត់លើកពីប្រតិបត្តិការនេះ ដែលជាលើកដំបូងតាំងពីចាប់ផ្ដើមអន្តរាគមន៍របស់អាមេរិកក្នុងតំបន់សមុទ្រការ៉ាអីុបមក ដែលថាមានទិសដៅប្រឆាំងការរត់ពន្ធគ្រឿងញៀន។
ចំណែករដ្ឋាភិបាលវេណេស៊ុយអេឡាវិញ ពុំទាន់ធ្វើអត្ថាធិប្បាយផ្លូវការណាមួយលើការវាយប្រហារនោះឡើយ៕
ចែករំលែកព័តមាននេះ