រាជធានីភ្នំពេញ ៖ បើកគណនីកុមារ ជាមួយធនាគារ ស៊ីអាយអិមប៊ី ភីអិលស៊ី (ធនាគារ CIMB) ចាប់ពីថ្ងៃនេះអតិថិជននឹងទទួលបានអត្រាការប្រាក់ខ្ពស់រហូតដល់៣%ក្នុងមួយឆ្នាំ និងជាពិសេសការធានារ៉ាប់រងអាយុជីវិតស្មើនឹង៥.០០០ដុល្លារអាមេរិក រួមទាំងកាដូអនុស្សាវរីយ៍ដ៏ស្រស់ស្អាតជាច្រើនទៀតផង ។ សូមរីករាយទទួលយកឱកាសដ៏ល្អនេះ ដើម្បីអនាគតដ៏ប្រសើរបស់កូនលោកអ្នក ។
លោកស្រី ហេង ធីតា នាយកហិរញ្ញវត្ថុបុគ្គលរបស់ធនាគារCIMB បានមានប្រសាសន៍ថា ធនាគារ CIMB តែងតែយល់ពីតម្រូវការរបស់អតិថិជន ដែលគិតពីអនាគតកូនៗរបស់ខ្លួន ។ ដូច្នេះគណនីកុមារមិនត្រឹមតែផ្តល់នូវអត្រាការប្រាក់ខ្ពស់ និងការធានារ៉ាប់រងអាយុជីវិតប៉ុណ្ណោះទេ តែថែមទាំងជួយបង្រៀនកុមារឲ្យមានទម្លាប់សន្សំប្រាក់តាំងពីនៅតូច ដើម្បីសម្រេចបំណងប្រាថ្នារបស់ខ្លួននាពេលអនាគត ទាំងលើការសិក្សា និងអាជីព ។
គណនីកុមាររបស់ធនាគារ CIMB បង្កើតឡើងសម្រាប់កុមារទូទៅ ដែលមានអាយុក្រោម ១៨ឆ្នាំ ។ ហើយដើម្បីទទួលបានអត្ថប្រយោជន៍ដ៏ពិសេសនេះ មាតាបិតា ឬអាណាព្យាបាល អាចបើកគណនីកុមារ ឲ្យបុត្រធីតារបស់ខ្លួន ហើយដាក់ប្រាក់សន្សំជារៀងរាល់ខែ នៅក្នុងគណនីនេះ ។
ជាការពិតណាស់ អ្នកគ្រប់រូបមិនអាចដឹងមុនពីអនាគតរបស់ខ្លួននោះទេ ហើយចំណូលក៏មិនប្រាកដថានឹងទៀងទាត់នោះដែរ ។ ដូច្នេះក្នុងនាមជាឪពុកម្តាយ យើងត្រូវមានគម្រោងច្បាស់លាស់ក្នុងការសន្សំប្រាក់ ដើម្បីធានានូវអនាគតបុត្រធីតារបស់ខ្លួន ។
ជាមួយគ្នានេះ លោកស្រីធីតា បានលើកឧទាហរណ៍ផងដែរថា បើគិតពីអតិផរណាកម្រិត៣%ក្នុងមួយឆ្នាំ នោះ ១០ដុល្លារអាមេរិកថ្ងៃនេះ នឹងមានតម្លៃស្មើតែ៧ដុល្លារអាមេរិកប៉ុណ្ណោះ នាពេល១០ឆ្នាំខាងមុខ ។ ហេតុនេះហើយការរៀបចំផែនការហិរញ្ញវត្ថុទុកជាមុន និងការយល់ដឹងពីគន្លឹះនៃការសន្សំវៃឆ្លាតទាន់ពេលវេលា គឺចាំបាច់បំផុតសម្រាប់ការសិក្សា និងអនាគតរបស់កូនអ្នក ។ ហើយគណនីកុមារ របស់ធនាគារស៊ីអាយអិមប៊ី គឺជាមធ្យោបាយដ៏ល្អមួយក្នុងការជួយសម្រេចគោលដៅរបស់លោកអ្នក ៕
ចែករំលែកព័តមាននេះ