ដូចរឿងហុងកុង ចិន១ក្រុមសម្រុកចូលហាងកាត់សក់ចាប់វា.យ.ប្តីចិននិងប្រពន្ធខ្មែរយ៉ាង.សា.ហា.វ
- បន្ទាយមានជ័យ
ប៉ោយប៉ែត ៖ លោកអ្នកធ្លាប់បានមើលរឿងចិនហុងកុងវា.យ.ប្រតប់គ្នា រវាងបងតូចបងធំហើយមែនទេ? នេះជាក់ស្តែង បានកើតឡើងនៅលើដីក្រុងប៉ោយប៉ែត ដោយជនជាតិចិន១ក្រុមមានគ្នាជិត១០នាក់ បានចុះពីលើរថយន្តនាំគ្នាសម្រុកចូលទៅក្នុងហាងកាត់សក់មួយកន្លែង ចាប់បុរសជនជាតិចិនដូចគ្នាម្នាក់ដែលមានប្រពន្ធខ្មែរវា.យបង្កការភ្ញាក់ផ្អើលយ៉ាងខ្លាំង កាលពីវេលាម៉ោង៦ល្ងាចថ្ងៃទី០២ ខែមីនា ឆ្នាំ២០២២ ស្ថិតភូមិក្បាលស្ពានមួយ សង្កាត់.ក្រុងប៉ោយប៉ែត។
លោកវរៈសេនីយ៍ឯក សៅ សារឿន អធិការនគរបាលក្រុងប៉ោយប៉ែតបានប្រាប់ឱ្យដឹងថា ករណីនេះ វា.យ.តប់គ្នា គេមិនទាន់ដឹងពីមូលហេតុទំនាស់ជាក់លាក់នៅឡើយ ដោយគិតមកទល់ថ្ងៃទី០៤ មីនា គឺនៅមិនចាប់មុខសញ្ញាបានម្នាក់នៅឡើយទេ ។ ប៉ុន្តែភាគីខាងជនរងគ្រោះបានដាក់ពាក្យបណ្តឹងប្តឹងរួចហើយ ។
ប្រភពបន្តទៀតថា ជនជាតិចិន១ក្រុមនេះ គឺជិះរថយន្ត៣គ្រឿងមានគ្នាជិត១០នាក់ បានសម្រុកចូលហាងកាត់មួយកន្លែង ដែលមានជនជាតិចិនម្នាក់បានប្រពន្ធខ្មែរ ដោយធ្វើសកម្មភាពចាប់អូសបុរសចិននោះវា.យ. ហើយនាំគ្នារត់គេចខ្លួនបាត់អស់ ហាក់ដូចរឿងចិនហុងកុងយ៉ាងដូច្នោះ ។ លោកបានបញ្ជាក់ថា បច្ចុប្បន្ន កម្លាំងជំនាញកំពុងធ្វើការស្រាវជ្រាវនិងកំណត់មុខសញ្ញាទាំងនោះ ព្រោះកាមេរ៉ាក្នុងហាងកាត់សក់បានថតជាប់ពីសកម្មភាពពួកគេទាំងអស់ ។
សូមបញ្ជាក់ដែរថា ភាគីគ្រួសារជនរងគ្រោះ ក៏បានសំណូមពរដល់ស្ថាប័នមានសមត្ថកិច្ច ឱ្យជួយមានចំណាត់ការចំពោះក្រុមជនជាតិចិនជិត១០នាក់ដែលជិះរថយន្ត៣គ្រឿងសម្រុកចូលក្នុងហាងរបស់ខ្លួនមកផ្តន្ទាទោសតាមច្បាប់ផង ។
ចែករំលែកព័តមាននេះ