រាជធានីភ្នំពេញ ៖ បុរសម្នាក់ជិះម៉ូតូពាក់កាតជាប់នឹង.ក មានតួនាទីជាអនុសេនីយ៍ឯកនាយរងផ្នែកសភ្តុភា និងហិរញ្ញវត្ថុ ស្រវឹងស្រាជោកជាំ ដោយជិះម៉ូតូកៀររថយន្ត បណ្តាលឲ្យដួលក្អួតចង្អោរពេញម៉ូតូសន្លប់ស្តូកស្តឹង កាលពីវេលាម៉ោង៨យប់ ថ្ងៃទី៣០ កក្កដា នៅចំណុចមុខមន្ទីរពេទ្យមិត្តភាពខ្មែរសូវៀត តាមផ្លូវ២៧១ សង្កាត់ទំនប់ទឹក ខណ្ឌចំការមន ។
ម៉ូតូបង្កម៉ាកហុងដាឌ្រីម ពណ៌ខ្មៅ ស៊េរី២០១១ ពាក់ស្លាកលេខភ្នំពេញ១AW ០០៣១ បើកបរដោយឈ្មោះ ម៉ា ស៊ើរ៉ា អាយុ៤៦ឆ្នាំ ស្នាក់នៅសង្កាត់ទួលទំពូងទី១ ខណ្ឌចំការមន ចំណែកឯអ្នកបើកបររថយន្តមិនស្គាល់អត្តសញ្ញាណ ជិះរថយន្តម៉ាក RAV4 ពណ៌ទឹកប្រាក់ ពាក់ស្លាកលេខភ្នំពេញ២AH ៥០៧៣ ។
ក្រោយពេលកើតហេតុសមត្ថកិច្ចបានមកដល់កន្លែងកើតហេតុ ដោយសារតែម៉ូតូជិះបុករថ យន្ត ទើបសមត្ថកិច្ចគ្រាន់តែកក់ស្លាកលេខរថយន្ត និងយកលេខទូរស័ព្ទអ្នកបើករថយន្ត ហើយឲ្យបើករថយន្តត្រឡប់ទៅផ្ទះវិញ ចំណែកអ្នកបើកម៉ូតូត្រូវរថយន្តសង្គ្រោះដឹកយក ទៅព្យាបាលនៅមន្ទីរពេទ្យមិត្តភាពខ្មែរសូវៀត រីឯម៉ូតូសមត្ថកិច្ចយកទៅរក្សាទុកនៅប៉ុស្តិ៍ នគរបាលទំនប់ទឹក ៕
ចែករំលែកព័តមាននេះ