សោកនាដកម្មបាក់ទឹកកក១០០កន្លែង អ្នកលេងស្គី៩នាក់ជួបគ្រោះអកុសល
មនុស្សចំនួន៩នាក់បានត្រូវស្លា.ប់រយៈពេល៣ថ្ងៃចុងក្រោយនេះ នៅអូទ្រីស ជាពិសេសក្នុងតំបន់TYROL ដែលនៅទីនោះមានការបាក់ធ្លាក់ទឹកកក១០០កន្លែង
មនុស្សចំនួន៩នាក់បានត្រូវស្លា.ប់រយៈពេល៣ថ្ងៃចុងក្រោយនេះ នៅអូទ្រីស ជាពិសេសក្នុងតំបន់TYROL ដែលនៅទីនោះមានការបាក់ធ្លាក់ទឹកកក១០០កន្លែង
ប្រទេសអូទ្រីស ៖ មនុស្សចំនួន៩នាក់បានត្រូវស្លា.ប់រយៈពេល៣ថ្ងៃចុងក្រោយនេះ នៅអូទ្រីស ជាពិសេសក្នុងតំបន់TYROL ដែលនៅទីនោះមានការបាក់ធ្លាក់ទឹកកក១០០កន្លែង។ កាលពីថ្ងៃទី៤ ខែកុម្ភៈ ឆ្នាំ២០២២ ពួកអ្នកជួយសង្គ្រោះរាយការណ៍ពីមនុស្ស៥នាក់ស្លា.ប់ ក្នុងផ្ទៃអ្នកលេងស្គីនៃក្រុមតែមួយជាមួយគ្នា តែមិនបានផ្ដល់សេចក្ដីលម្អិតឡើយ។
ចាប់តាំងពីពេលនោះមកប៉ូលិសបញ្ជាក់ថា នោះជាក្រុមអ្នកលេងស្គីជនជាតិស៊ុយអែតដែលមានអាយុខ្ទង់៤០ឆ្នាំ ដែលជិះស្គីចេញពីផ្លូវជាមួយមគ្គុទេសក៍នាំផ្លួវម្នាក់ លើភ្នំ SKIABLE D’ISCHGLនៅព្រំដែនជាមួយស្វ៊ីស។ គ្រូបង្ហាត់លេងស្គី និងមនុស្ស៥នាក់ដែលទៅជាមួយគ្នា ត្រូវទឹកកកបាក់នាំយកទៅក្នុងកម្ពស់៣៥០ម៉ែត្រហើយត្រូវកប់ក្នុងទឹកកក។
មានមនុស្សតែម្នាក់គត់ដែលអាចនៅរស់ ហើយអាចហៅរកជំនួយតាមទូរស័ព្ទ និងត្រូវនាំយកទៅសង្គ្រោះតាមឧទ្ធម្ភាគចក្រ។ នាថ្ងៃដដែលនោះដែរ បុរសអាយុ៦០ឆ្នាំម្នាក់ និងភរិយាអាយុ៦១ឆ្នាំ ដែលជិះស្គី បានត្រូវស្លា.ប់ នៅក្នុងឃុំ AUFFACH ។ បន្ទាប់ពីនេះ គឺជនជាតិអូទ្រីសម្នាក់អាយុ៥៨ឆ្នាំ ដែលត្រូវស្លា.ប់នៅ SCHIRMN។ រូបគេជិះស្គីអមដោយមនុស្ស៤នាក់ទៀតដែលរងរបួសដោយសារការបាក់ទឹកកក។
គ្រោះថ្នាក់មានអ្នកស្លា.ប់មួយកន្លែងទៀត កើតមានកាលពីថ្ងៃទី៤ ខែកុម្ភៈ នៅចុងខាងលិចនៃប្រទេសអូទ្រីស ក្នុងតំបន់ VORARLBERG បណ្ដាលឲ្យអ្នកលេងស្គីម្នាក់អាយុ៤៣ឆ្នាំត្រូវស្លា.ប់។ រយៈពេល៣ថ្ងៃចុងក្រោយនេះមានឧប្បត្តិហេតុបាក់ទឹកកក ប្រមាណជា១០០កន្លែង នាំឲ្យមានអន្តរាគមន៍ជួយសង្គ្រោះ ដល់៧០លើក។ អាជ្ញាធរតំបន់ TYROL អះអាងនាថ្ងៃទី៦ ខែកុម្ភៈថា នោះជាចំនួនអន្តរាគមន៍ដ៏ច្រើនមិនធ្លាប់មានពីមុនមក៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ