ខេត្តក្រចេះ ៖ ឧប្បទ្ទវហេតុថ្មម៉ាបកៀបសង្កត់ពីលើបុរសជាកម្មករលាងថ្មម្នាក់រហូតបាត់បង់ជីវិតយ៉ាងអាណោចអាធ័ម កើតឡើងនៅក្នុងក្រុមហ៊ុន មឿង សុខ ស្ថិតនៅភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ…
ខេត្តក្រចេះ ៖ ឧប្បទ្ទវហេតុថ្មម៉ាបកៀបសង្កត់ពីលើបុរសជាកម្មករលាងថ្មម្នាក់រហូតបាត់បង់ជីវិតយ៉ាងអាណោចអាធ័ម កើតឡើងនៅក្នុងក្រុមហ៊ុន មឿង សុខ ស្ថិតនៅភូមិថ្នល់ ឃុំស្វាយជ្រះ ស្រុកស្នួល ខេត្តក្រចេះ កាលពីព្រឹកថ្ងៃទី០៧ ខែកុម្ភៈ ឆ្នាំ២០២២ ។
ជនរងគ្រោះខាងលើ ឈ្មោះចិន្តា ចាន់តារ៉ា ភេទប្រុស អាយុ៣៧ឆ្នាំ ជាកម្មករលាងថ្ម រស់នៅភូមិកាត់ដៃ ឃុំស្នួល ស្រុកស្នួល ខេត្តក្រចេះ។
តាមការបំភ្លឺរបស់ឈ្មោះ យ៉េន ភេត បានឲ្យដឹងថា នៅថ្ងៃទី០៧ ខែកុម្ភៈ ឆ្នាំ២០២២ វេលាម៉ោង០៧.៤០នាទី ខ្លួនបានឃើញឈ្មោះ ចិន្តា ចាន់តារ៉ា (ជនរងគ្រោះ) កំពុងតែលាងសម្អាតថ្មម៉ាបដែលដាក់តំរៀបជាជួរៗ ។ ពេលកំពុងលាងស្រាប់តែស្រុតដីធ្វើឱ្យថ្មដួលគៀបសង្កត់ជនរងគ្រោះ ដែលឈរចំកណ្តាលថ្ម បណ្តាលឱ្យរងរបួសហូរឈាមចេញតាមមាត់ ។
ភ្លាមៗនោះ ខ្លួនក៏បើកគ្រឿងចក្រសាស័រកាយយកថ្មចេញ ពេលនោះឈ្មោះ ចិន្តា ចាន់តារ៉ា សន្លប់ទៅនឹងដី ហើយត្រូវបានខាងក្រុមហ៊ុនដឹកយកទៅសង្រ្គោះ រួចបានដាច់ខ្យល់ស្លា.ប់នៅតាមផ្លូវ។ ក្រោយពីទទួលបាន ព័ត៌មានខាងលើ សមត្ថកិច្ចជំនាញសហការជាមួយកម្លាំងប៉ុស្តិ៍បានចុះទៅដល់កន្លែងកើតហេតុ និងបាន ធ្វើការពិនិត្យលើដងខ្លួនសា.ក.ស.ព ឃើញមានស្នាមជាំ នៅលើទ្រូងខាងស្តាំ និង ស្នាមទ្រុឌលលាក្បាលសងខាង (ស្ទាបដោយដៃ)។ ក្រៅពីនេះពុំមានអ្វីគួរឱ្យកត់សំគាល់នោះទេ។
បច្ចុប្បន្ន ស.ពត្រូវបានសមត្ថកិច្ចជំនាញនិងកម្លាំងប៉ុស្តិ៍ប្រគល់ឲ្យក្រុមគ្រួសារ យកទៅធ្វើបុណ្យតាមប្រពៃ
ណី។
ចែករំលែកព័តមាននេះ