អ្នកនាំពាក្យម្នាក់របស់កងទ័ពប៉ូឡូញ បានថ្លែងកាលពីថ្ងៃ្ងទី៥ ខែកុម្ភៈ ឆ្នាំ២០២២ថា កងកម្លាំងបន្ថែមអាមេរិកត្រូវបានបញ្ជូនមកដល់ប៉ូឡូញហើយ ដើម្បីធានាដល់
សហរដ្ឋអាមេរិក ៖ អ្នកនាំពាក្យម្នាក់របស់កងទ័ពប៉ូឡូញ បានថ្លែងកាលពីថ្ងៃ្ងទី៥ ខែកុម្ភៈ ឆ្នាំ២០២២ថា កងកម្លាំងបន្ថែមអាមេរិកត្រូវបានបញ្ជូនមកដល់ប៉ូឡូញហើយ ដើម្បីធានាដល់កិច្ចការពារសម្ព័ន្ធមិត្ត ដែលកំពុងជួបការគំរា.មកំហែងខ្លាំងបំផុត ពីភាពតានតឹងរវាងរុស្សុី និងអ៊ុយក្រែន។
អ្នកនាំពាក្យ រូបនេះបន្តថា កងទាហានអាមេរិកបន្ថែមដំបូងៗ ពិតជាបញ្ជូនមកដល់ព្រលានយន្តហោះ JESIONKA ។ សរុបទាហានអាមេរិក១.៧០០នាក់ទៀត ត្រូវបញ្ជូនមកកាន់ប៉ូឡូញ។ ការរៀបចំខាងភស្ដុភារចាប់ផ្ដើម តាំងពីសប្ដាហ៍មុនមក។ នាថ្ងៃទី៥ ខែកុម្ភៈ យន្តហោះ១គ្រឿងជាមួយទាហាននៃកងពលទី៨២អាមេរិក បានចុះចតនៅព្រលានយន្តហោះ JESIONKA។
សហរដ្ឋអាមេរិកប្រកាសកាលពីថ្ងៃទី២ ខែកុម្ភៈ ពីការបញ្ជូនទាហានអាមេរិកបន្ថែម ៣.០០០នាក់ទៀតមកកាន់អឺរ៉ុបខាងកើត ដើម្បីការពារបណ្ដាប្រទេស ជាសមាជិកអូតង់ ប្រឆាំងរាល់ការឈ្លានពាន ខណៈការងារការទូតកំពុងតែធ្វើយ៉ាងសកម្ម សំដៅបញ្ចុះបញ្ចូលរុស្សុី ឲ្យដកកងទ័ពរបស់ខ្លួន ដែលប្រមូលផ្ដុំនៅព្រំដែនជាមួយអ៊ុយក្រែន។
កងកម្លាំងបន្ថែមថ្មីនោះរបស់អាមេរិក បូកបញ្ចូលទាហានអាមេរិកចំនួន៨.៥០០នាក់ទៀត ដែលកំពុងស្ថិតក្នុងសភាព ប្រុងជើងការ តាំងពីដំណាច់ខែមករាមក តាមបទបញ្ជារបស់លោកចូបៃដិន សម្រាប់ត្រៀមដាក់ពង្រាយកងកម្លាំងប្រតិកម្មរហ័ស របស់អូតង់ក្នុងករណីត្រូវការចាំបាច់។
ពួកលោកខាងលិចបានចោទប្រកាន់រុស្ស៊ីចាប់តាំងពីដំណាច់ឆ្នាំ២០២១មកថា ប្រមូលផ្ដុំកងទ័ពច្រើនសិបពាន់នាក់នៅតាមព្រំដែនជាមួយអ៊ុយក្រែន សំដៅធ្វើការលុកលុយចូលអ៊ុយក្រែនជាយថាហេតុ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ