ប្រធានាធិបតីរុស្សុីលោកវ្ល៉ាឌីមៀរ ពូទីន និងសមភាគីចិនលោកស៊ីជីនពីង បានផ្គើនដោយចំហ ចំពោះប្រធានាធិបតីអាមេរិកលោកចូបៃដិន ដោយសម្ដែងពីការព្រមព្រៀងគ្នាខាងយុទ្ធសាស្ត្រអំឡុងពេល
ប្រទេសរុស្សុី ៖ ប្រធានាធិបតីរុស្សុីលោកវ្ល៉ាឌីមៀរ ពូទីន និងសមភាគីចិនលោកស៊ីជីនពីង បានផ្គើនដោយចំហ ចំពោះប្រធានាធិបតីអាមេរិកលោកចូបៃដិន ដោយសម្ដែងពីការព្រមព្រៀងគ្នាខាងយុទ្ធសាស្ត្រអំឡុងពេលយូរអង្វែង រវាងប្រទេសទាំង២។
ប្រមុខរដ្ឋរុស្សុី និងប្រមុខរដ្ឋចិន បានឆ្លៀតពេលពិធីបើកការប្រកួតកីឡាអូឡាំពិករដូវរងាក្រុងប៉េកាំង កាលពីថ្ងៃទី៤ ខែកុម្ភៈ ដើម្បីសម្ដែងការប្រឈមមុខនឹងគូប្រជែងរួម ដោយបង្ហាញចំពោះក្រុងវ៉ាស៊ិនតោន ពីកាយវិការនៃរណសិរ្ស២មួយ។ បណ្ដាសារព័ត៌មានផ្លូវការចិន បានលើកពីទំនាក់ទំនងជិតដិនផ្ទាល់ខ្លួនរបស់មេដឹកនាំទាំង២។
កាសែតចិន GLOBAL TIMES បានសរសេរថា ចាប់តាំងពីឆ្នាំ២០១៣មក មេដឹកនាំំទាំង២បានជួបគ្នាដល់ទៅប្រមាណជា៣០លើក ក្នុងឱកាសផ្សេងៗដែលបែបនោះជារឿងដ៏កម្រ ក្នុងផ្នែកការទូតពិភពលោក។ មេដឹកនាំទាំង២សម្ដែងពីការរាប់អានគ្នាដ៏ជិតស្និទ្ធ ដោយក្នុងពេលខ្លះបានគោះកែវស្រាវ៉ូតកា និងពិសារជាមួយគ្នាការ៉ែមរុស្សុី ជាពិសេសក្នុងឱកាសថ្ងៃខួបកំណើតរបស់អ្នកទាំង២ផង។
ចំណែកប្រធានាធិបតីតួកគីលោករីស៊ីបតៃយ៉ីបអ័រដូហ្គានវិញ បានចោទប្រកាន់ពួកលោកខាងលិចថា ជាអ្នកបំពុលក្នុងរឿងជម្លោះរវាងរុស្សុី និងអ៊ុយក្រែន។ លោកថា ពុំមានមេដឹកនាំអឺរ៉ុបណាមួយ រួមទាំងប្រធានាធិបតីអាមេរិកលោកចូបៃដិនផង មកទល់ពេលនេះអាចជួយក្នុងការស្វែងរកដំណោះស្រាយនៃជម្លោះ រវាងរុស្សុី និងអ៊ុយក្រែនឡើយ។ លោកបានចោទប្រកាន់ពួកលោកខាងថា មានតែបំពុលបរិយាកាសថែមចំពោះជម្លោះរវាងប្រទេសទាំង២នោះ៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ