ភ័យពេក ! ឡើងលេចនោមលេចលាមក
រាជធានីភ្នំពេញ ៖ បុរសម្នាក់ ដោយសារតែភ័យពេកបានជិះម៉ូតូទៅបុកបង្គោលព្រំដីផ្លោងទាំងមនុស្សទាំងម៉ូតូធ្លាក់ចូលទៅក្នុងប្រឡាយទឹកស្អុយ ពេលពលរដ្ឋទៅជួយសង្គ្រោះចេញពីប្រឡាយទឹកស្អុយ
រាជធានីភ្នំពេញ ៖ បុរសម្នាក់ ដោយសារតែភ័យពេកបានជិះម៉ូតូទៅបុកបង្គោលព្រំដីផ្លោងទាំងមនុស្សទាំងម៉ូតូធ្លាក់ចូលទៅក្នុងប្រឡាយទឹកស្អុយ ពេលពលរដ្ឋទៅជួយសង្គ្រោះចេញពីប្រឡាយទឹកស្អុយក៏ក្អួតចេញសុទ្ធតែភក់ ព្រមទាំងលេចនោមលេចអាចម៍ទៀតផង ។ ហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង៩យប់ ថ្ងៃទី១៤ ខែកក្កដា ឆ្នាំ២០១៦ នៅតាមផ្លូវបេតុងភូមិចាក់ជ្រូក សង្កាត់សំរោងក្រោម ខណ្ឌពោធិ៍សែនជ័យ ។
តាមសម្តីប្រជាពលរដ្ឋនៅកន្លែងកើតហេតុ បានឲ្យដឹងថា នៅមុនពេលកើតហេតុ គេឃើញជនរងគ្រោះជិះម៉ូតូម៉ាក អាយខន ពណ៌លឿងលាយខ្មៅ ពាក់ស្លាកលេខ ភ្នំពេញ 1AH-8533 ទិសដៅពីត្បូងទៅជើង ហើយមានបុរស២នាក់ទៀតប្រដាប់ដោយដំបងជិះម៉ូតូ១គ្រឿងមិនចាំម៉ាកបានជិះដេញតាមវ៉ៃពីក្រោយ ធ្វើឲ្យជនរងគ្រោះមានតែម្នាក់ឯងភ័យខ្លាច ដោយរវល់ជិះបណ្តើរងាកមើលបណ្តើរក្នុងល្បឿនលឿនក៏ជ្រុលទៅបុកបង្គោលព្រំដីបាក់រាបដី ធ្វើឲ្យម៉ូតូនិងអ្នកបើកម៉ូតូផ្លោងចូលក្នុងទឹកស្អុយដែលមានទឹកតិចផឹកទាំងទឹក និងភក់ពេញពោះ ។ ភ្លាមៗនោះប្រជាពលរដ្ឋឃើញតែម៉ូតូមិនទាន់ឃើញមនុស្សទេ ទាល់តែរកទាញម៉ូតូចេញទើបឃើញមនុស្សនាំគ្នាជួយស្រង់ចេញពីក្នុងទឹកមកដល់លើគោក ។ ដោយសារផឹកទឹក និងភក់ពេញពោះ ជនរងគ្រោះក៏ក្អួតចេញមកសុទ្ធតែភក់ ព្រមទាំងលេចនោមនិងលេចអាចម៍មកជាមួយផងដែរ ។
ក្រោយពេលកើតហេតុ ជនរងគ្រោះត្រូវបានប្រជាពលរដ្ឋទូរស័ព្ទហៅរថយន្តសង្គ្រោះ៧១១ មកដឹកទៅព្យាបាលនៅមន្ទីរពេទ្យព្រះកុសុមៈ ចំណែកម៉ូតូដែលធ្លាក់ក្នុងប្រឡាយទឹកស្អុយ ប្រជាពលរដ្ឋមិនហ៊ានចុះទៅទាញទេមាន តែលោកនាយប៉ុស្តិ៍សំរោងក្រោមដោះអាវចុះទៅទាញយកចេញមកយកទៅរក្សាទុកប្រគល់ឲ្យសាច់ញាតិ ៕
ចែករំលែកព័តមាននេះ