រាជធានីភ្នំពេញ ៖ ធនាគារឯកទេសវីង កាលពីថ្ងៃអង្គារ ទី១២ កក្កដា កន្លងមកនេះ បានរៀបចំធ្វើសន្និសីទកាសែតស្ដីពីការទូទាត់តាមកាតវីងនៅគ្រប់សាខាKFC ដែលជាម៉ាក អន្តរជាតិដ៏ល្បីឈ្មោះមួយក្នុងប្រទេសកម្ពុជា
រាជធានីភ្នំពេញ ៖ ធនាគារឯកទេសវីង កាលពីថ្ងៃអង្គារ ទី១២ កក្កដា កន្លងមកនេះ បានរៀបចំធ្វើសន្និសីទកាសែតស្ដីពីការទូទាត់តាមកាតវីងនៅគ្រប់សាខាKFC ដែលជាម៉ាក អន្តរជាតិដ៏ល្បីឈ្មោះមួយក្នុងប្រទេសកម្ពុជា ដោយមានការចូលរួមពីលោក ចូចូ ម៉ាឡូឡូស អគ្គនាយកធនាគារឯកទេសវីង និងលោកប៊េន ចាម៉ីន ចេរុមមីន អគ្គនាយកចាត់ការទូទៅរបស់KFC ។
លោក ចូចូ ម៉ាឡូឡូស បានមានប្រសាសន៍ថា កិច្ចសហការនេះ វីងមានបំណងផ្ដល់ជូននូវបទពិសោធដ៏ល្អសម្រាប់អតិថិជនដែលទៅពិសាអាហារនៅKFCដើម្បីធ្វើការទូទាត់ប្រាក់កាន់តែលឿនកាន់តែងាយស្រួលដោយប្រើកាតវីង ដែលលោកអ្នកពេញចិត្តនៅគ្រប់សាខារបស់KFC គ្រប់ទីកន្លែង ក្នុងព្រះរាជាណាចក្រកម្ពុជា ។
លើសពីនេះទៅទៀត លោកអ្នកនឹងទទួលបានការបញ្ចុះតម្លៃ១០%លើរាល់ការជាវមុខម្ហូបណាមួយនៅKFC ។ កាន់តែពិសេសជាមួយនឹងការផ្ដល់ជូនរៀងរាល់ថ្ងៃពុធ អតិថិជនវីងអាចទទួលបានការបញ្ចុះតម្លៃរហូតដល់ទៅ៥០%សម្រាប់ការទូទាត់តាមវីង ។ ការផ្ដល់ជូននេះ មានចាប់ពីថ្ងៃផ្សាយដំណឹងនេះតទៅរហូតដល់ថ្ងៃទី១៣ តុលា ឆ្នាំ២០១៦ ។
សម្រាប់អ្នកដែលចាប់អារម្មណ៍ចង់បើកគណនីវីង លោកអ្នកអាចបើកបានយ៉ាងងាយស្រួល គ្រាន់តែភ្ជាប់មកជាមួយឯកសារណាមួយដូចជា អត្តសញ្ញាណប័ណ្ណ ប័ណ្ណបើកបរ លិខិតឆ្លងដែន ឬកាតមន្ត្រីរាជការទៅកាន់ភោជនីយដ្ឋានសាខាKFC ណាមួយដែលនៅជិតលោកអ្នកដើម្បីបើកគណនីវីងដោយឥតគិតថ្លៃ ។
លោកបានបន្តថា៖«ពួកយើងពិតជារីករាយក្នុងការផ្ដល់ជូនសេវាកម្មបន្ថែមដែលមានតម្លៃ បំផុតសម្រាប់អតិថិជន និងដៃគូរបស់យើងជាមួយKFC ដែលជាម្ចាស់ម៉ាកអន្តរជាតិដ៏ល្បីឈ្មោះក្នុងប្រទេសកម្ពុជា ។ នេះគឺជាការបោះជំហានទៅមុខដ៏ធំមួយក្នុងការបង្កើតនូវដំណោះស្រាយលើការទូទាត់សាច់ប្រាក់កាន់តែងាយស្រួលជាមួយនឹងវិស័យម្ហូបអាហារ ៕
ចែករំលែកព័តមាននេះ