រាជធានីភ្នំពេញ ៖ សេចក្តីរាយការណ៍បានឲ្យដឹងថា ខណៈពេលនេះម៉ោង២ និង៣០នាទីរសៀល ថ្ងៃទី១០ ខែកក្កដា ឆ្នាំ២០១៦ សពលោកបណ្ឌិត កែម ឡី ត្រូវបានដឹកដោយរថយន្តឡិចស៊ីស RX300 ពណ៌ស ពាក់ស្លាកលេខ ភ្នំពេញ 2AA-9571
រាជធានីភ្នំពេញ ៖ សេចក្តីរាយការណ៍បានឲ្យដឹងថា ខណៈពេលនេះម៉ោង២ និង៣០នាទីរសៀល ថ្ងៃទី១០ ខែកក្កដា ឆ្នាំ២០១៦ សពលោកបណ្ឌិត កែម ឡី ត្រូវបានដឹកដោយរថយន្តឡិចស៊ីស RX300 ពណ៌ស ពាក់ស្លាកលេខ ភ្នំពេញ 2AA-9571 ដែលជារថយន្តផ្ទាល់ខ្លួនរបស់សពលោក កែម ឡី ដង្ហែទៅកាន់វត្តក្តីចាស់ តាមបណ្ដោយផ្លូវជាតិលេខ៦ សង្កាត់បាក់ខែង ខណ្ឌជ្រោយចង្វារ ។
សូមរំលឹកថា កាលពីវេលាម៉ោងប្រមាណ១ និង៣៥នាទីរសៀលថ្ងៃដដែល ក្រុមអ្នកគាំទ្របាននាំគ្នាធ្វើការតវ៉ាទាមទារសុំធ្វើការដង្ហែសពដោយសែងដោយដៃ ដោយមិនព្រមឲ្យប្រើរថយន្តដឹកសពរបស់រដ្ឋាភិបាលឡើយ ព្រោះអ្នកគាំទ្រទាំងនោះបានចាត់ទុកលោក កែម ឡី គឺជាវីរបុរសស្នេហាជាតិមួយរូប ។
សូមបញ្ជាក់ថា លោកបណ្ឌិត កែម ឡី អ្នកវិភាគសង្គម និងនយោបាយ ត្រូវបាញ់សម្លាប់នៅក្នុងម៉ាតនៃស្ថានីយ៍កាល់តិចបូកគោកាលវេលាម៉ោងជិត៩ព្រឹកថ្ងៃទី១០ ខែកក្កដា ឆ្នាំ២០១៦ ដោយជនដៃដល់ឈ្មោះ ជួប សម្លាប់ បានសារភាពថា ការបាញ់សម្លាប់នេះដោយសារលោកបណ្ឌិត កែម ឡី ជំពាក់ប្រាក់៣,០០០ដុល្លារមិនព្រមសង ។
ចែករំលែកព័តមាននេះ