ADផ្ទាំងផ្សព្វផ្សាយពាណិជ្ជកម្ម

Picture

កំសត់​អ្វី​ម្ល៉េះ​! លើកដៃ​សំពះ​សុំ​​ជួយ​សង្គ្រោះ​ជីវិត​កូន​តូច ក្រោយ​ប្រពន្ធ​ឆ្លងទន្លេ​២​ថ្ងៃ​ស្លា​.​ប់​ចោល

4 ខែ មុន
  • កំពង់ស្ពឺ

ចាស់​ៗ​ពី​ដើម​តែងតែ​ពោល​ថា «​ស៊ូ​ស្លា​.​ប់​បា កុំអោយ​ស្លា​.​ប់​មេ ស៊ូ​លិច​ទូក​កណ្តាលទន្លេ​កុំអោយ​ភ្លើង​ឆេះ​ផ្ទះ​» ដោយឡែក​រឿង​ដែល​កើតឡើង​ក្នុង​សម័យនេះ​វិញ បែរជា​ស្ត្រី​ជា​ប្រពន្ធ​បាន​ស្លា​.​ប់​ចោល​ប្តី​និង​កូន​តូច​ដែល​ទើបនឹង​បានឃើញ​ពន្លឺ​ថ្ងៃ​ត្រឹមតែ​២​ថ្ងៃ​តែ​ប៉ុណ្ណោះ​

ខេត្តកំពង់ស្ពឺ ៖ ចាស់​ៗ​ពី​ដើម​តែងតែ​ពោល​ថា «​ស៊ូ​ស្លា​.​ប់​បា កុំអោយ​ស្លា​.​ប់​មេ ស៊ូ​លិច​ទូក​កណ្តាលទន្លេ​កុំអោយ​ភ្លើង​ឆេះ​ផ្ទះ​» ដោយឡែក​រឿង​ដែល​កើតឡើង​ក្នុង​សម័យនេះ​វិញ បែរជា​ស្ត្រី​ជា​ប្រពន្ធ​បាន​ស្លា​.​ប់​ចោល​ប្តី​និង​កូន​តូច​ដែល​ទើបនឹង​បានឃើញ​ពន្លឺ​ថ្ងៃ​ត្រឹមតែ​២​ថ្ងៃ​តែ​ប៉ុណ្ណោះ​។

ជួប​ជាមួយ​អ្នក​យក​ព័ត៌មាន​យើង បុរស​ដ៏​អភ័ព្វ​ម្នាក់​បានឱ្យ​ដឹង​ថា លោក​មានឈ្មោះ យិ​ន យ៉ា​ន អាយុ​៣៧​ឆ្នាំ ចំណែក​ប្រពន្ធ​របស់​គាត់​មានឈ្មោះ ប៉ាត់ វ​ណ្ណា អាយុ​២៧​ឆ្នាំ បាន​រៀប​ការ​ជាមួយ​រយៈពេល​១០​ឆ្នាំ​មក​ហើយ គឺ​នៅ​ឆ្នាំ​២០១១​មក​ម្ល៉េះ ដោយ​មានកូន​ស្រី​បង​អាយុ​៩​ឆ្នាំ​មានឈ្មោះ យ​ន យី​អ៊ី​វ៉ា រៀន​ថ្នាក់​ទី​៣ នៅ​សាលា​បឋម​សិក្សា​វត្ត​គិរី​វន្ត កូន​ទី​២​គឺ​កូនប្រុស​មានឈ្មោះ យ​ន មក​រា អាយុ​៧​ឆ្នាំ ចំណែក​កូន​តូច​វិញ​មានឈ្មោះ យ​ន ភក្តី អាយុ​ទើបតែ​៣​ខែ​ប៉ុណ្ណោះ​។

Picture

បុរស​ដ៏​អភ័ព្វ​បន្ត​ថា លោក​រស់នៅ​ភូមិ​ក្រាំង​ច្រេស ឃុំ​គិរី​វ័​ន្ត ស្រុក​ភ្នំស្រួច​ខេត្ត កំពង់ស្ពឺ ដោយ​ប្រកប​មុខរបរ​កា​.​ប់​ត្នោត និង​ពេល​យប់​ដើរ​ចាប់​កង្កែប​ដើម្បី​លក់​។ ហើយ​សព្វ​ថ្ងៃនេះ​រូប​លោក​ត្រូវ​ដើរតួ​ជា​ម្តាយ​ផង ជា​ឪពុក​ផង ព្រោះតែ​មិន​ចង់អោយ​កូន​ៗ​ពិបាក តែ​អ្វី​ដែល​លោក​ពិបាក​នោះ​គឺ​នៅ​ត្រង់​ថា កូន​តូច​មិន​មាន​ទឹកដោះគោ​សម្រាប់​បៅ​ជា​ប្រចាំ​ថ្ងៃ​នោះ​ទេ ព្រោះតែ​ជីវភាព​ក្រីក្រ​រូប​លោក​ត្រូវ​ដាំ​យក​ទឹក​បបរ​អោយ​កូន​តូច​បៅ ដើម្បី​ទ្រទ្រង់​រាង​កាយ​កុំអោយ​អភ័ព្វ​ដូច​ម្តាយ​របស់​គេ​។

បុរស​អភ័ព្វ​ខាងលើ បាន​រៀបរាប់​បន្ត​ថា ពេល​នេះ លោក​សូម​លើកដៃ​សំពះ​សុំ​ក្តី​មេត្តា​ពី​សំណាក់​អស់លោក​ដែល​មានចិត្ត​សប្បុរសធម៌ សូម​មេត្តា​ជួយ​សង្គ្រោះ​កូន​តូច​របស់​លោក​ផង ព្រោះ​ឥឡូវ​សូ​ម្បី​តែ​អង្ករ​ដែល​សម្រាប់​ដាំ​យក​ទឹក​បបរ​នោះ​ក៏​គ្មាន​ផង​។ ក្នុង​នាម​ជា​ឪពុក​ពិតជា​មិន​ចង់​ឃើញ​កូន​លំបាក​វេទនា​នោះ​ទេ​។

នៅ​ពេល​ដែល​សួរ​ថា តើ​ប្រពន្ធ​របស់​លោក​ស្លា​.​ប់​ដោយសារ​អ្វី? បុរស​ដ៏​អភ័ព្វ​រូប​នេះ​បាន​ប្រាប់​បន្ត​ថា នាង​បាន​ស្លា​.​ប់​ដោយសារ​តែ​មិន​មាន​ម្ហូប​សំរាប់​ហូប​គ្រប់គ្រាន់ តែ​អ្នក​ជិតខាង​ហៅ​ថា​ជំងឺ​បុរាណ ដែល​ចាស់​ៗ​ពី​ដើម​តែងតែ​និយម​ហៅ​ថា ព្រាយ​ក្រឡាភ្លើង ។

Picture

បុរស​ជា​ប្តី​បាន​បន្ត​ថា ក្រោយ​ពី​សំរាលកូន​នៅផ្ទះ​បាន​២​ថ្ងៃ នាង​ក៏​មាន​អាការ​:​មិន​ស្រួល ចំណែក​គាត់​ជា​ប្តី​ក៏​បាន​នាំ​នាង​ទៅ​ពេទ្យ តែ​ពេល​ទៅ​ដល់​មន្ទីរពេទ្យ គ្រូពេទ្យ​ធ្វើតេស្ត​រក​ឃើញ​ថា មាន​កើត​ជំងឺ​កូ​វី​ដ ក៏​បញ្ជូន​នាង​ទៅ​មជ្ឈមណ្ឌល​កូរ៉េ​ទៅ​ដល់​ពេល​ព្រឹក តែ​ក្រោយមក​នាង​ក៏​បាន​ស្លា​.​ប់​បាត់​នៅ​ពេល​យប់​តែ​ម្តង ចំណែក​ស​.​ព​ប្រពន្ធ​របស់​លោក​ក៏​ត្រូវ​បាន​យក​ទៅ​បូជា​នៅ​វត្ត​សំបួរ ដោយ​មាន​តែ​លោក និង​អាចារ្យ​ប៉ុណ្ណោះ​។

បុរស​ជា​ប្តី​ដ៏​កំសត់​ខាងលើ​បន្ត​ទៀត​ថា តែ​មានរឿង​មួយ​មិន​គួរ​អោយ​ជឿ​ទេ គឺ​ស​.​ព​នាង​បូជា​មិន​ឆេះ​សោះ ពេល​នោះ​លោក​គិត​ថា​នាង​នៅ​អា​លោះ​អាល័យ ព្រោះថា​គ្រាន់តែ​បង្កើតកូន​ហើយ បានឃើញ​មុខ​កូន​២​ថ្ងៃ​ប៉ុណ្ណោះ នាង​ក៏​បាន​លាចាក​លោក​ចោល​កូន​ទៅ​ហើយ ។

បុរស​ជា​ប្តី​បន្ត​ថា លុះត្រាតែ​បងប្អូន​ខាង​នាង​មក​ដុត​ធូប​បន់ស្រន់ ទើប​ស​.​ព​នាង​រលាយ​ទៅ​តាម​ព្រះ​អគ្គី​ទៅ​។ ក្រោយមក​ខាង​ឃុំ ក៏​បាន​យក​អំណោយ​ខ្លះ​ៗ​មក​អោយ​លោក​និង​កូន​ៗ ដើម្បី​ដោះស្រាយ​ជីវភាព​បាន​មួយ​កំ​រឹត​ដែរ​។ ហើយ​សព្វ​ថ្ងៃនេះ លោក​ពិតជា​លំបាក​ណាស់​មុខរបរ​អ្នកស្រែ​ដូច​លោក​ក្រៅពី​ដើរ​ចាប់​កង្កែប និង​កា​.​ប់​ផ្លែ​ត្នោត​លក់​បាន​កម្រៃ​បន្តិចបន្តួច គឺ​គ្មាន​ប្រាក់​ចំណូល​ក្រៅ​បន្តិច​ណា​ទាល់តែ​សោះ​៕