រាជធានីភ្នំពេញ ៖ ក្រសួងសុខា ភិបាលបានបញ្ជាក់ នៅថ្ងៃទី២២ ខែមករានេះថា រកឃើញអ្នកឆ្លងថ្មី ៤៤នាក់ទៀត (អូមីក្រុងទាំងអស់)និងជាសះស្បើយ១៥នាក់ ខណៈស្លា.ប់«គ្មាន» ។
ក្រសួងថា ក្នុងចំណោមអ្នកឆ្លងមានករណីឆ្លងសហគមន៍ ១៦នាក់ (អូមីក្រុង) និងអ្នកដំណើរពីបរទេស ២៨នាក់ (អូមីក្រុង) ។
គិតត្រឹមព្រឹក ថ្ងៃទី២២ ខែមករា ឆ្នាំ២០២២ កម្ពុជាមាន អ្នកឆ្លងសរុប ១២១,០០០នាក់ អ្នកជាសះស្បើយ ១១៧,១៩៥នាក់ ខណៈអ្នកស្លា.ប់ ៣,០១៥នាក់ ។
ក្រសួងបានលើកឡើងថា កំណើនអត្រាចាក់វ៉ាក់សាំងកូវីដ-១៩ នៅកម្ពុជា គិតត្រឹមថ្ងៃទី២១ ខែមករា ឆ្នាំ២០២២ចាក់លើប្រជាជនអាយុពី ១៨ឆ្នាំឡើង មាន ១០១,៨៩% ធៀបជាមួយចំនួនប្រជាជនគោលដៅ ១០លាននាក់។លើកុមារ-យុវវ័យអាយុពី ១២ឆ្នាំ ទៅក្រោម ១៨ឆ្នាំ មាន ៩៩,៣៩% ធៀបជាមួយចំនួនប្រជាជនគោលដៅ ១,៨២៧,៣៤៨ នាក់។លើកុមារអាយុពី ០៦ឆ្នាំ ដល់ក្រោម ១២ឆ្នាំ មាន ១០៥,៧៦% ធៀបជាមួយនឹងប្រជាជនគោលដៅ ១,៨៩៧, ៣៨២ នាក់។លើកុមារអាយុ ០៥ឆ្នាំ មាន ១០៤,៧៦% ធៀបជាមួយនឹងប្រជាជនគោលដៅ ៣០៤,៣១៧ នាក់ ។
ក្រសួងថា ជាលទ្ធផលចាក់វ៉ាក់សាំងធៀបនឹងចំនួនប្រជាជនសរុប ១៦លាននាក់ មាន ៨៩,៥៦% ៕
ចែករំលែកព័តមាននេះ