យេម៉ែន-អារ៉ាប៊ីសាអូឌីត ៖ ក្រុមចម្រុះយោធានាំមុខដោយអារ៉ាប៊ីសាអូឌីត កាលពីថ្ងៃទី១៦ កញ្ញា បានចោទប្រកាន់ពួកឧទ្ទាម
ហ៊ូធីយេម៉ែនថា វាយប្រហារដោយដ្រូនប្រឆាំងទីក្រុងសក្ការៈឡាម៉ិក តែពួកឧទ្ទាមស្និទ្ធអ៉ីរ៉ង់នោះបានបដិសេធ ។
កាលពីថ្ងៃទី១៥ កញ្ញា កងការពារអាកាសអារ៉ាប៊ីសាអូឌីតនិយាយថា បានកម្ទេចដ្រូនប្រទូស្តរ៉ាយមួយបញ្ជូនមកដោយពួកហ៊ូធី មុនពេលហោះចូលក្នុងដែនអាកាសហាមឃាត់ក្រុងឡាម៉ិក ។ ក្នុងសេចក្ដីប្រកាសមួយក្រុមចម្រុះនោះ គូសបញ្ជាក់ថា ការស្ទាក់កម្ទេចនោះត្រូវបានធ្វើនៅភាគខាងត្បូងទីក្រុងនេះ។ ក្រុមចម្រុះនោះបានព្រមានថា សន្តិសុខសម្រាប់ព្រះវិហារសក្ការៈ២នៃក្រុងឡាម៉ិច និងបណ្ដាអ្នកទេសចរនៅទីក្រុងនោះគឹជាខ្សែបន្ទាត់ក្រហមមួយ ។
អង្គការកិច្ចសហប្រតិបត្តិការអ៊ិស្លាម OCI បានថ្កោលទោសភ្លាមៗ ការវាយប្រហារទាំងនោះ ដែលប៉ះពាល់ដល់សន្តិសុខរបស់បណ្ដាទីតាំងសក្ការៈបូជា និងព្រះវិហារអ៊ិស្លាមទាំងឡាយ ហើយដែលក៏ប៉ះពាល់ដល់អារម្មណ៍របស់សាសនិកអ៊ិស្លាមលើពិភពលោកដែរ ។ ប៉ុន្តែអ្នកទទួលខុសត្រូវជាន់ខ្ព្ស់របស់ហ៊ូធីមួយរូបតាមបណ្ដាញសង្គមXបានបដិសេធថា ហ៊ូធីមិនបានវាយប្រហារទីក្រុងសក្ការៈបូជានេះឡើយ និងបរិហារថានោះជាការភូតកុហកមួយ ។
អាជ្ញាធរអារ៉ាប៊ីសាអូឌីតកាលពីថ្ងៃទី១៥ កញ្ញា បានបញ្ចេញការប្រកាសអាសន្នអាកាស សម្រាប់ទីក្រុងឡាម៉ិក ជាលើកដំបូងទាក់ទិននឹងទីក្រុងសក្ការៈនោះ ដែលក្នុង១ឆ្នាំៗទទួលអ្នកធ្វើធម្មយាត្រាអ៊ិស្លាមច្រើនលាននាក់ ។ ចំណែកស្ថានទូតអាមេរិកប្រចាំអារ៉ាប៊ីសាអូឌីត កាលពីថ្ងៃទី១៦ កញ្ញា បានណែនាំដល់ពលរដ្ឋអាមេរិកឲ្យមានការប្រុងប្រយ័ត្ន ក្នុងការធ្វើដំណើរនៅអារ៉ា
ប៊ីសាអូឌីត និងទោះជាក្រោមលេសអ្វីក៏ដោយ ទៅក្បែរព្រំដែនជាមួយយេម៉ែន ។
កាលពីថ្ងៃទី១៤ កញ្ញា ពួកហ៊ូធីបានវាយប្រហារលើភាគខាងត្បូងអារ៉ាប៊ីសាអូឌីត បណ្ដាលឲ្យជនស៊ីវិល១៣នាក់រងរបួស ហើយពួកហ៊ូធីក៏វាយប្រហារផងដែរ លើបណ្ដាទីតាំងប្រេងអារ៉ាប៊ីសាអូឌីត បណ្ដាលឲ្យភ្លើងឆាបឆេះ៕
ចែករំលែកព័តមាននេះ