ADផ្ទាំងផ្សព្វផ្សាយពាណិជ្ជកម្ម

Picture

បន្ទាយមានជ័យ ចាប់ផ្តើមចាក់វ៉ាក់សាំង ដូសជំរុញ ដូសទី៤ ជូនមន្ត្រីរាជការ​ជួរមុខ ជាង ៩០០០នាក់

2 ឆ្នាំ មុន
  • បន្ទាយមានជ័យ

បន្ទាយមានជ័យ៖ យុទ្ធនាការចាក់វ៉ាក់សាំងការពារជំងឺកូវីដ.១៩ ដូសជំរុញ ដូសទី៤ ត្រូវបានចាក់ជូនមន្ត្រីរាជការជួរមុខ ក្នុងខេត្តបន្ទាយមានជ័យ ចំនួនជាង ៩០០០នាក់ ចាប់ផ្តើមនៅថ្ងៃទី២១ ខែមករា…

បន្ទាយមានជ័យ៖ យុទ្ធនាការចាក់វ៉ាក់សាំងការពារជំងឺកូវីដ.១៩ ដូសជំរុញ ដូសទី៤ ត្រូវបានចាក់ជូនមន្ត្រីរាជការជួរមុខ ក្នុងខេត្តបន្ទាយមានជ័យ ចំនួនជាង ៩០០០នាក់ ចាប់ផ្តើមនៅថ្ងៃទី២១ ខែមករា ឆ្នាំ២០២២ នៅសាលាខេត្តបន្ទាយមានជ័យ។ យុទ្ធនាការចាក់ដូសទី៤នេះ នាំ​ឲ្យខេត្តបន្ទាយមានជ័យ ជាខេត្តដំបូងគេ ដែលចាក់វ៉ាក់សាំង ដូសទី៤ ខណៈដែល​ដូសទី៤ ចាប់ផ្តើម​នៅតែភ្នំពេញ កាលពីថ្ងៃទី១៤មករា ដោយប្រើថ្នាំវ៉ាក់សាំង Pfizer។

លោកស្រី ឆាន់ ចាន់សោភ័ណ អនុប្រធានមន្ទីសុខាភិបាល ខេត្តបន្ទាយមានជ័យ បានប្រាប់ថា យុទ្ធនាការចាក់វ៉ាក់សាំង​ការពារជំងឺកូវីដ.១៩ ប្រភេទ MODERNA ដូសជំរុញ ដូសទី៤ ជូនមន្ត្រីរាជការស្ថាប័នពាក់ព័ន្ធ ក្នុងខេត្តបន្ទាយមានជ័យ គឺចាក់រយៈពេល ៤ថ្ងៃ ចាប់ពីថ្ងៃទី២១ ដល់ថ្ងៃទី២៤ ខែមករា ឆ្នាំ២០២២ ដោយមានមន្ត្រីរាជការប្រមាណជាង ៩ពាន់នាក់ ហើយចាក់នៅ ២កន្លែង។ កន្លែងទី១.ចាក់នៅសាលប្រជុំសាលាខេត្តបន្ទាយមានជ័យ និងកន្លែងទី២.នៅមន្ទីសុខាភិបាល ខេត្តបន្ទាយមានជ័យ។

លោកស្រី បានបញ្ជាក់ថា យុទ្ធនាការចាក់វ៉ាក់សាំងដូសទី៤ ប្រភេទ MODERNA នៅថ្ងៃដំបូង នៅសាលប្រជុំសាលាខេត្តបន្ទាយ​មានជ័យ គឺចាក់ជូន​មន្ត្រីរាជការស្ថាប័នពាក់ព័ន្ធ ក្នុង ១ថ្ងៃនេះ ចាក់បានជាង ១ពាន់នាក់ និងមន្ទីរសុខាភិបាលខេត្ត ចាក់មន្ត្រីសុខាភិបាលបានជិត ១ពាន់។

ឯកឧត្តម អ៊ុំ រាត្រី អភិបាលខេត្តបន្ទាយមានជ័យ បានមានប្រសាសន៍ថា យុទ្ធនាការចាក់វ៉ាក់សាំង ដូសទី៤ប្រភេទ MODERNA ដែលជាដូសជំរុញនាពេលនេះ ជាអំណោយថ្លៃថ្លារបស់សម្តេចតេជោ ហ៊ុន សែន ចាក់ជូនមន្ត្រីរាជការជួរមុខ និងក្រុមគ្រូពេទ្យ ក្នុងខេត្តបន្ទាយមានជ័យ។

ខេត្តបន្ទាយមានជ័យ នៅតែបន្តចាក់វ៉ាក់សាំង ជូនប្រជាពលរដ្ឋក្នុងខេត្ត ដូសទី៣ បន្តរាល់ថ្ងៃ ដោយមានក្រុមគ្រូពេទ្យ​មន្ទីរសុខាភិបាលខេត្ត និងក្រុមគ្រូពេទ្យយោធា ​កំពុងដំណើរការចាក់។ ក្នុងនោះ ដូសទី១ សរុបចាកក់បានចំនួន ៥០២.៥៣២នាក់ ដូសទី២ សរុបចំនួន ៤០៥.១៧៦នាក់ ដូសទី៣ ដែលជាដូសជំរុញ សរុបចំនួន ៨៧.៦៧១នាក់ និងកំពុងបន្តចាក់ដូសទី៤ ជូនមន្ត្រីជួរមុខ រយៈពេល ៤ថ្ងៃ មានជាង៩ពាន់នាក់៕ ប៊ុន ធឿន

អត្ថបទសរសេរ ដោយ

កែសម្រួលដោយ