ខេត្តតាកែវ ៖ ព័ត៌មានបឋមនៅវេលាម៉ោង១២ថ្ងៃត្រង់ថ្ងៃទី២១ ខែមករានេះ មានករណីអគ្គីភ័យមួយកំពុងតែឆាបឆេះរោងចក្រកាត់ដេរសំលៀកបំពាក់ខោអាវហែលទឹកមួយកន្លែង ដែលស្ថិតនៅភូមិស្រង៉ែ ឃុំរំពាក់ពេន ស្រុកត្រាំកក់ ខេត្តតាកែវ រោងចក្រនៅទល់មុខវត្តចោមពលស្ពានស្លាគូ…
ខេត្តតាកែវ ៖ ព័ត៌មានបឋមនៅវេលាម៉ោង១២ថ្ងៃត្រង់ថ្ងៃទី២១ ខែមករានេះ មានករណីអគ្គីភ័យមួយកំពុងតែឆាបឆេះរោងចក្រកាត់ដេរសំលៀកបំពាក់ខោអាវហែលទឹកមួយកន្លែង ដែលស្ថិតនៅភូមិស្រង៉ែ ឃុំរំពាក់ពេន ស្រុកត្រាំកក់ ខេត្តតាកែវ រោងចក្រនៅទល់មុខវត្តចោមពលស្ពានស្លាគូ ។
ករណីអគ្គីភ័យឆាបឆេះយ៉ាងសន្ធោសន្ធៅក្នុងរោងចក្រមួយនេះអស់រយៈពេលច្រើនម៉ោងមកហើយ និងនៅមិនទាន់ដឹងពីទំហំនៃការខូចខាតនៅឡើយទេ ។
បើតាមប្រភពពីសមត្ថកិច្ចបានបញ្ជាក់ប្រាប់ថា ការឆេះនេះ គឺនៅពេលដែលកម្មករបានចេញទៅហូបបាយថ្ងៃត្រង់ តែមិនទាន់ដឹងថា មកពីមូលហេតុអ្វីនៅឡើយទេ ។
ក្នុងកិច្ចអន្តរាគមន៍ពន្លត់អគ្គីភ័យនេះដែរ សមត្ថកិច្ចបានប្រើប្រាស់រថយន្តជាច្រើនគ្រឿងដូចជា រថយន្តពន្លត់អគ្គីភ័យស្រុកត្រាំកក់ស្រុកគងពិសី និងស្រុកបរសេដ្ឋជាពិសេសនាយកដ្ឋានបង្ការ និងពន្លត់អគ្គីភ័យក៏ចេញអន្តរាគមន៍ជួយបាញ់ពន្លត់ដែរ ។ រហូតមកដល់ពេលនេះភ្លើងនៅមិនទាន់ថមថយនៅឡើយទេ ៕
ចែករំលែកព័តមាននេះ