លោក កឹម សុខា ក្នុងសវនាការស្នើតុលាការពន្លឿន រឿងក្តីរបស់លោកឱ្យបានលឿន នឹងឆាប់ចប់
- ភ្នំពេញ
រាជធានីភ្នំពេញ ៖ ទីបំផុត សាលាដំបូងរាជធានីភ្នំពេញ កាលពីព្រឹកថ្ងៃទី១៩ ខែមករា ឆ្នាំ២០២២ បានលើកយកសំណុំរឿងលោក កឹ
រាជធានីភ្នំពេញ ៖ ទីបំផុត សាលាដំបូងរាជធានីភ្នំពេញ កាលពីព្រឹកថ្ងៃទី១៩ ខែមករា ឆ្នាំ២០២២ បានលើកយកសំណុំរឿងលោក កឹ
រាជធានីភ្នំពេញ ៖ ទីបំផុត សាលាដំបូងរាជធានីភ្នំពេញ កាលពីព្រឹកថ្ងៃទី១៩ ខែមករា ឆ្នាំ២០២២ បានលើកយកសំណុំរឿងលោក កឹម សុខា អតីតប្រធាននៃអតីតគណសង្គ្រោះជាតិ មកបើកសវនាការជំនុំជម្រះទោស តាមការគ្រោងទុក បន្ទាប់ពីត្រូវបានពន្យាពេលជិត ២ ឆ្នាំដោយសារតែបញ្ហាផ្ទុះឡើងនៃជំងឺកូវីដ-១៩ ។ ប៉ុន្តែសវនាការនោះបន្ទាប់ពីសាកសួរដេញដោលអស់រយៈពេលពេញមួយព្រឹក ប្រធានក្រុមប្រឹក្សាជំនុំជម្រះ បានប្រកាសលើកពេលសវនាការបន្តទៅថ្ងៃទី២៥ ខែមករា ខាងមុខទៀត ។
អ្វីដែលគួរឱ្យកត់សម្គាល់ គឺនៅក្នុងសវនាការ លោក កឹម សុខា បានស្នើតុលាការ ពន្លឿនរឿងក្តីរបស់លោកឱ្យបានលឿន នឹងឆាប់ចប់ ។ នេះបើតាមការបញ្ជាក់ពីមេធាវីដើមបណ្តឹង និងមេធាវីរបស់លោកកឹម សុខា ផ្ទាល់ ។ ប៉ុន្តែអ្វីដែលលើកឡើងដោយ លោក កឹម សុខា នោះគឺមិនមានជំទាស់ធ្ងន់ធ្ងរទេ គ្រាន់តែខាងតំណាងអយ្យការ និងមេធាវីដើមបណ្តឹង បានលើកឡើងថា ទី១-ការចង់ឱ្យដំណើរការលឿននេះ គឺត្រូវតែលឿនតាមនីតិវិធីច្បាប់ ហើយតាមការកំណត់នៃច្បាប់មួយទៀត គឺលុះត្រាតែចុងចោទទទួលមរណៈភាពនោះបានឆាប់ចប់ គឺចប់លឿនណាស់ ។
សវនាការនៅក្នុងសំណុំរឿងនេះមានលោក កូយ សៅ អនុប្រធានសាលាដំបូងរាជធានីភ្នំពេញ ជាប្រធានក្រុមប្រឹក្សាជំនុំជម្រះ លោក សេង លាង នឹងលោក ធាម ច័ន្ទពិសិដ្ឋ ជាចៅក្រមប្រឹក្សា រីឯលោក ប្លង់ សុផល ព្រះរាជអាជ្ញារង តំណាងអយ្យការអមសា លាដំបូងរាជធានីភ្នំពេញ ។
លោក កឹម សុខា មានអាយុ៦៦ ឆ្នាំ អតីតប្រធានគណបក្សសង្គ្រោះជាតិ ជាជនជាប់ចោទពីបទ.សន្និដ្ឋិភាពជាមួយបរទេស (ក្បត់ជាតិ) បានបង្ហាញមុខក្នុងរង្វង់ក្រចកសេះ នាពេលសវនាការផងនោះដែរ ដោយមានមេធាវីការពារក្តីចំនួន៤រូប ក្រុមលោកមេធាវី ចាន់ ចេង លោក អាំង ឧត្តម លោក ផេង ហេង នឹងលោកស្រី ម៉េង សុភារី ។ ចំណែកមេធាវីការពារបណ្តឹងរដ្ឋប្បវេណីក៏មាន៤រូបដែរ គឺមាន លោក គី តិច ប្រធានក្រុមមេធាវីស្ម័គ្រចិត្តសម្តេចតេជោសែន លោក លី ច័ន្ទតុលា ជាមេធាវីរាជរដ្ឋាភិបាល (បច្ចុប្បន្នប្រធានគណៈមេធាវី នៃព្រះរាជាណាចក្រកម្ពុជា) លោក សាន់ ជួយ មេធាវីរាជរដ្ឋភិបាល នឹងលោក ចេង ប៉េងហាប់ ក៏ជាមេធាវីរាជរដ្ឋាភិបាលដែរ ។ សវនាការនោះក៏មានការឃ្លាំមើលពីតំណាងទូត អង្គការជាតិ និងអន្តរជាតិ សកម្មជន និងអ្នកសារព័ត៌មានមកពីស្ថាប័ននានាផងដែរ ។
ចំណែកនៅក្រៅបរិវេណសាលាដំបូងរាជធានីភ្នំពេញ ចំណុចមុខផ្សារស៊ីធីម៉ល ស្ថិតក្នុងសង្កាត់វាលវង់ខណ្ឌ៧មករា គឺមានអតីតសកម្មជនគណបក្សសង្គ្រោះជាតិ ខ្លះនៅរាជធានីភ្នំពេញខ្លះមកពីតាមបណ្តាខេត្ត បានទៅប្រមូលផ្តុំគ្នាឃ្លាំមើលសវនាការនោះ មានទាំងអ្នកការសែតប្រមាណជាង២០ នាក់ មន្ត្រីសមាគមន៏អាដហុក (លោក យី សុខសាន្ត) និងមានអតីតសកម្មជនសហគមន៍ SOS (ច្រាយ នីម) ដែលមិនសូវខកខាន មកចូលរួមដែរ ។
បើទោះបីការប្រមូលផ្តុំនោះមានមនុស្សរាប់សិបនាក់ តែពុំមានសកម្មភាពអ្វីគួឲ្យកត់សម្គាល់ទេ ហើយក៏បានពិនិត្យឃើញមានវត្តអភិបាលរងរាជធានីភ្នំពេញមួយរូប ដឹកនាំមន្ត្រីអាជ្ញាធរមូលដ្ឋាន កងកម្លាំងនគរបាលខណ្ឌ៧មករា ចុះទៅការពារ នឹងរៀបចំសណ្តាប់ធ្នាប់ ជុំវិញបរិវេណសាលាដំបូងរាជធានីភ្នំពេញ ។
សវនាការបានផ្អាកនាព្រឹកនោះដែរ នឹងក្រោយបញ្ចប់សវនាការមេធាវីការពារបណ្តឹងរដ្ឋប្បវេណី នឹងមេធាវីការពារឲ្យជនជាប់ចោទ បានធ្វើសន្និសិទ្ធសារព័ត៌មាន ដាច់ដោយឡែកពីគ្នាក្នុងពេលតែមួយ ។ លោក គី តិច ប្រធានក្រុមមេធាវីរាជរដ្ឋាភិបាល បានថ្លែងប្រាប់អ្នកសារព័ត៌មានថា ថ្ងៃនេះជាថ្ងៃចាប់ផ្តើមសវនាការឡើងវិញ នៅក្នុងសវនាការនេះ ប្រធានក្រុមជំនុំជម្រះ បានបង្ហាញអំពីមូលហេតុ ដែលនាំឱ្យ មានការពន្យារពេលសវនាការលើ លោក កឹម សុខា រយៈពេលជាង១ឆ្នាំមក គឺដោយសារតែការរាតត្បាតនៃជំងឺកូវីដ១៩ ។ លោក កឹម សុខា មិនបានជំទាស់ចំពោះការពន្យា ពេលនេះទេ គឺលោកបានទទួលស្គាល់ នឹងគាំទ្រចំណាត់ការរបស់ រាជរដ្ឋាភិបាល ក្នុងការប្រយុទ្ធប្រឆាំងនឹងជំងឺកូវីដ១៩ ទទួលបានជោគជ័យរហូតដល់ពេលនេះ ។
លោក គី តិច បន្តថា អ្វីដែលជាការលើកឡើងរបស់ លោក កឹម សុខា នៅក្នុងសវនាការបន្តទៀត គឺលោកមានការស្នើឱ្យតុលាការ ពន្លឿនរឿងក្តីរបស់លោកឱ្យបានលឿន នឹងឆាប់ចប់ ។ ប៉ុន្តែអ្វីដែលលើកឡើងដោយ លោក កឹម សុខា នោះគឺមិនមានជំទាស់ធ្ងន់ធ្ងរទេ គ្រាន់តែខាងតំណាងអយ្យការ និងមេធាវីដើមបណ្តឹង បានលើកឡើងថា ទី១-ការចង់ឱ្យដំណើរការលឿននេះ គឺត្រូវតែលឿនតាមនីតិវិធីច្បាប់ ហើយតាមការកំណត់នៃច្បាប់មួយទៀត គឺលុះត្រាតែចុងចោទទទួលមរណៈភាពនោះបានឆាប់ចប់ គឺចប់លឿនណាស់ ។ ទី២-គឺការចប់ដោយមានសាលក្រមឬសាលដីកាសាលាឧទ្ធរណ៍ ដោយអំណាចសាលក្រមឬដីកាស្ថាពរ ទី៣-ចប់ដែរចប់លឿនដែរ ប្រសិនជាជនជាប់ចោទគាត់ទទួលស្គាល់ការពិត ទទួលស្គាល់កំហុស នឹងទទួលស្គាល់នូវទង្វើដែលគាត់បានធ្វើចំពោះមុខច្បាប់ ហើយគាត់បានសារភាពទទួលយក នូវទោសកំហុសទាំងអស់នោះអានឹងក៏ឆាប់ចាប់ដែរ នេះជាចំណុចសំខាន់ថ្ងៃនេះក្នុងសវនាការ ។
ដោយឡែកលោក ចាន់ ចេង មេធា វីការពារឲ្យជនជាប់ចោទក៏បានលើកឡើងប្រហាក់ប្រហែលគ្នាដែរគឺចង់ឲ្យតុលាការដំណើររឿងក្តីនេះឲ្យឆាប់ចប់ ដោយសារមួយរយៈនេះកូនក្តីមានការប៉ះពាល់ដល់ផលប្រយោជន៍ ពិសេសពាក់ពន្ធការធ្វើនយោបាយ អញ្ចឹងបានចង់ឲ្យរឿងក្តីនេះដើរលឿន នឹង ដោយយុត្តិធម៍ដែលអាចទទួលយកបាន ។
សូមជម្រាបថា លោក កឹម សុខា ធ្លាប់ត្រូវបានកម្លាំងសមត្ថកិច្ចចាប់ខ្លួនកាលថ្ងៃទី៣ ខែកញ្ញា ឆ្នាំ២០១៧ ពាក់ព័ន្ធនឹងការប្រព្រឹត្តអំពើ.ក្បត់ជាតិ.ឃុបឃិតជាមួយបរទេស ផ្តួលរំលំ រាជរដ្ឋាភិបាលស្របច្បាប់ ហើយត្រូវបានឃុំខ្លួន នៅក្នុងពន្ធនាគារ ត្រពាំងផ្លុង ខេត្តត្បូងឃ្មុំ រយៈពេលជាង១ឆ្នាំ ទើបត្រូវបានដោះលែងឲ្យនៅក្រៅឃុំវិញ តែតម្រូវដាក់ឱ្យស្ថិតក្រោមការត្រួតពិនិត្យតាមផ្លូវតុលាការ បន្ទាប់ពីបែកធ្លាយវីដេអូមួយដែលលោកនិយាយថា លោកអនុវត្តតាមការណែនាំពីបរទេស ដើម្បីធ្វើការផ្លាស់ប្តូរប្រទេសកម្ពុជា ដោយយកលំនាំតាមប្រទេសយូហ្គោស្លាវី និងប្រទេសស៊ែប៊ី តំណាងអយ្យការបានចោទប្រកាន់ លោក កឹម សុខា ពីបទ.សន្ទិដ្ឋិភាពជាមួយបរទេស ៕
ចែករំលែកព័តមាននេះ