នាយកប្រតិបត្តិក្រុមហ៊ុនផលិតវ៉ាក់សាំងកូវីដ Moderna លោក  Stéphane Bancel បាននិយាយថា ក្រុមហ៊ុន Moderna មានបំណងដាក់ឱ្យដំណើរការនូវវ៉ាក់សាំងដូសជម្រុញ ដែលមានវ៉ាក់សាំងការពារផ្តាសាយនៅក្នុងនោះមកស្រាប់ ក្នុងរយៈពេល២ឆ្នាំខាងមុខ។

លោក Stéphane Bancel បាននិយាយថា វ៉ាក់សាំងរួមបញ្ចូលគ្នា ដែលនឹងការពារប្រឆាំងនឹង កូវីដ១៩ គ្រុនផ្តាសាយ និង វីរុស RSV ដែលជាមេរោគផ្លូវដង្ហើមធម្មតា អាចអាចប្រើបានមុនរដូវកាលឆ្លងរដូវរងាក្នុងឆ្នាំ ២០២៣។

លោកបាននិយាយនៅក្នុងសម័យប្រជុំមួយនៅឯវេទិកាសេដ្ឋកិច្ចពិភពលោកក្នុងទីក្រុងថា៖  “គោលដៅរបស់យើងគឺដើម្បីអាចមានការចាក់ជម្រុញប្រចាំឆ្នាំតែមួយដូស ដើម្បីកុំឱ្យមានការចាក់ច្រើនដងទាំងវ៉ាក់សាំងកូវីដផង ផ្តាសាយផង។ គេអាចនឹងធ្វើបែបនេះបាននៅចុងឆ្នាំ២០២៣។”

លោក Bancel បាននិយាយពីមុនថា មនុស្សប្រហែលជាត្រូវការការចាក់វ៉ាក់សាំងលើកទីបួននៅរដូវស្លឹកឈើជ្រុះនេះ ដោយសារការការពាររាងកាយពីជំងឺកូវីដ ស្របពេលដែលប្រព័ន្ធការពារថយចុះពីការចាក់ដូសទី៣។

លោក Bancel ក៏បាននិយាយផងដែរថា បេក្ខភាពវ៉ាក់សាំងរបស់ Moderna ដែលផ្តោតជាពិសេសទៅលើកូវីដអូមីក្រុង ស្ទើរតែត្រូវបានបង្កើតរួចរាល់ហើយ ហើយនឹងឈានចូលដល់ការអភិវឌ្ឍន៍ផ្នែកព្យាបាលក្នុងពេលឆាប់ៗនេះ។ លោកបានបន្ថែមថា ក្រុមហ៊ុនរបស់លោកនឹងអាចចែករំលែកទិន្នន័យជាមួយអាជ្ញាធរបទប្បញ្ញត្តិក្នុងអំឡុងខែមីនា៕