រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានហេតុការណ៍រន្ធត់មួយ កាលពីវេលាម៉ោង១២ និង៣០នាទីរំលងអធ្រាត្រឈានចូលថ្ងៃទី០២ កក្កដា ២០១៦ នេះ ស្ថិតត្រង់ចំណុចផ្លូវទន្លេសាប ក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ បន្ទាប់ពីស្ត្រីម្នាក់ បានបើកទ្វាររត់ចេញពីក្នុងផ្ទះស្រែកឱ្យគេជួយបានតែប៉ុន្មានម៉ាត់ ក៏ដាច់ខ្យល់ស្លា.ប់នៅមុខផ្ទះតែម្តង ។
រាជធានីភ្នំពេញ ៖ សេចក្តីរាយការណ៍បឋមឱ្យដឹងថា មានហេតុការណ៍រន្ធត់មួយ កាលពីវេលាម៉ោង១២ និង៣០នាទីរំលងអធ្រាត្រឈានចូលថ្ងៃទី០២ កក្កដា ២០១៦ នេះ ស្ថិតត្រង់ចំណុចផ្លូវទន្លេសាប ក្នុងភូមិដើមគរ សង្កាត់ជ្រោយចង្វារ ខណ្ឌជ្រោយចង្វារ បន្ទាប់ពីស្ត្រីម្នាក់ បានបើកទ្វាររត់ចេញពីក្នុងផ្ទះស្រែកឱ្យគេជួយបានតែប៉ុន្មានម៉ាត់ ក៏ដាច់ខ្យល់ស្លាប់នៅមុខផ្ទះតែម្តង ។
ដោយគេឃើញលើខ្លួនសាកសពស្ត្រីរងគ្រោះ សុទ្ធតែមានស្នាមកាប់និងពូថៅជាច្រើនកន្លែង ។ ហើយករណីនេះ ត្រូវសមត្ថកិច្ចចាប់ខ្លួនបុរសជាប្តី បន្ទាប់ពីមានការអះអាងពីកូនប្រុសរបស់ពួកគេ ។
ប្រភពឱ្យដឹងថា ស្ត្រីរងគ្រោះដែលស្លាប់ឈ្មោះទូ លោះម៉ាយ៉ាន អាយុ២៨ឆ្នាំ ជនជាតិអ៊ិស្លាម មានទីលំនៅក្នុងផ្ទះជួល ក្នុងភូមិខាងលើ មានស្រុកកំណើតនៅកោះសូទិន ។ រីឯប្តីឈ្មោះប៉េ វ៉ាន់ស័ក្តិ អាយុ៣៤ឆ្នាំ ជាអ្នកកាប់គោ (ធ្លាប់ជាមនុស្សញៀនថ្នាំផង) ពួកគេទាំង២នាក់ មានកូន២នាក់ (ប្រុស១ ស្រី១) ។
ប្រភពបន្តថា នៅវេលាកើតហេតុ អ្នកភូមិមិនដឹងថា ពួកគេឈ្លោះគ្នា ឬក៏បែបណានោះទេ ស្រាប់តែស្ត្រីរងគ្រោះរត់ចេញពីក្នុងផ្ទះមក ហើយស្រែកហៅឱ្យគេជួយផងៗ បន្តិចក៏ដាច់ស្លាប់ទៅ ។ ពេលនោះ ឃើញបុរសជាប្តីរត់ចេញមកដែរ ដោយមកយំអោបសពប្រពន្ធរបស់ខ្លួន ។ តែបើតាមការអះអាងពីកូនប្រុសថា ការពិតគេឃើញឪពុក ជាអ្នកកាប់ម្តាយគេ ពេលនោះត្រូវសមត្ថកិច្ចសង្ស័យក៏ឃាត់ខ្លួនប្តីរូបនោះភ្លាមៗដែរ ។
បើតាមការបញ្ជាក់ពីក្រុមគ្រួសារថា ទាំង២នាក់ប្តីប្រពន្ធតែងតែមានជម្លោះជាញឹកញាប់ ហើយពេលឈ្លោះគ្នាម្តងៗ ប្តីចាប់ប្រពន្ធវាយធ្វើបាប ព្រោះប្តីនោះជាមនុស្សញៀនថ្នាំ ។ បច្ចុប្បន្ន សមត្ថកិច្ចកំពុងធ្វើការស្រាវជ្រាវយ៉ាងយកចិត្តទុកដាក់បំផុត។
តែគិតមកដល់វេលាម៉ោង១០ព្រឹកថ្ងៃទី០២ មិថុនា ២០១៦ នេះ បុរសជាប្តីនៅទាន់ឆ្លើយសារភាពនៅឡើយ ទោះបីជាមានការអះអាងពីកូនប្រុសខាងលើក៏ដោយ ហើយពេលនេះ សមត្ថកិច្ចកំពុងសាកសួរតាមជំនាញលើកូនប្រុសនោះបន្តទៀត ។
ចែករំលែកព័តមាននេះ