រាជធានីភ្នំពេញ ៖ ស្នូរអាវុ.ធចំនួន៧គ្រាប់ បានបន្លឺឡើងទៅលើវេហា ដោយខ្មាញ់កាំ.ភ្លើងមួយក្រុមមានគ្នាជាច្រើននាក់បានធ្វើសកម្មភាពបា.ញ់ចំនួន ០៧គ្រាប់ បង្កអោយមានការភ្ញាក់ផ្អើលជាខ្លាំង នៅវេលាម៉ោង២៣និង១៥នាទីយប់ ថ្ងៃទី១៤ ខែមករា ឆ្នាំ២០២២ នៅចំណុចច្រកចុះវត្តសន្សំកុសល ស្ថិតក្នុងសង្កាត់បឹងទំពន់ទី១ ខណ្ឌមានជ័យ រាជធានីភ្នំពេញ ។
យោងតាមប្រភពព័ត៌មានអោយដឹងថា នៅមុនកើតហេតុ ជនសង្ស័យមួយក្រុមមានគ្នាជាច្រើននាក់ បានជិះរថយន្តមួយគ្រឿងម៉ាកព្រូស មិនចាំផ្លាកលេខ និងម៉ូតូជាច្រើនគ្រឿងធ្វើដំណើរដល់ចំណុចកើតហេតុ រួចមិនដឹងមានមូលហេតុខឹងសម្បារនឹងរឿងអ្វីអោយប្រាកដ ក៏ជនសង្ស័យភាគីខាងជិះម៉ូតូ បានដកកាំភ្លើងខ្លី ពីចង្កេះបា.ញ់ឡើងលើវេហា ចំនួន៧គ្រាប់ រួចមកពួកគេបានបើករថយន្ត និងម៉ូតូចាកចេញពីកន្លែងកើតហេតុបាត់ស្រមោលសូន្យតែម្តង ។
ភ្លាមៗ បន្ទាប់ពីកើតហេតុ កម្លាំងសមត្ថកិច្ចចម្រុះបានល្បាតពួនស្ទាក់ឃើញរថយន្ត ក្រុមជនសង្ស័យក៏បានដេញប្រថាប់ចាប់ប្រថីង រហូតដល់ចំណុចវត្តដំបូកខ្ពស់ ក៏បាត់ដានសូន្យតែម្តងទៅ បណ្តាលអោយក្រុមជនសង្ស័យទាំងអស់ អាចរត់គេចខ្លួនបានទៅដោយសម្រួល ។
យ៉ាងណាមិញ ក្រោយកើតហេតុ សមត្ថកិច្ចមូលដ្ឋាន រួមទាំងកម្លាំងនគរបាល នៃអធិការដ្ឋាននគរបាលខណ្ឌមានជ័យ បានចុះអន្តគមន៍ដល់ទីតាំងកើតហេតុ ( ចំណុចផ្ទុះអា.វុធ ) និងបានរើសសម្បកកាំទុះគ្រាប់កាំ.ភ្លើងបានចំនួន០៤គ្រាប់ ក្នុងចំនួន០៧គ្រាប់ ដែលបានបន្លើរឡើងវេហា ។
សូមបញ្ជាក់ថា ជុំវិញករណីនេះសំណាងណាស់ហើយ ដែលខ្មាន់កាំ.ភ្លើងបា.ញ់ឡើងតែទៅលើមេឃ ប្រសិនបើជនល្មើសមានការគុំគួន ឬស្អប់នណារម្នាក់នោះ មិនដឹងថាមានមនុស្សប៉ុន្មាននាក់ ត្រូវរងរបួសនោះទេ ? ហើយនេះ ក៏ជាការស្វាគមន៍អធិការថ្មី នៃអធិការដ្ឋាននគរបាលខណ្ឌមានជ័យផងដែរ ហើយមហាជននៅរងចាំមើលថាតើ អធិការទើបតែឡើងកាន់តំណែងថ្មីថ្មោង មិនទាន់ដល់១ខែស្រួលបួលផងនោះ អាចមានសមត្ថភាពក្នុងការស្រាវជ្រាវតាមចាប់ខ្លួនក្រុមជនសង្ស័យ ដែលព្រហើនបា.ញ់ទាំងកណ្តាលរាជធានីភ្នំពេញ បានដែរ ឬទេ ? ៕
ចែករំលែកព័តមាននេះ