ប្រទេសកូរ៉េខាងជើងបានធ្វើការបា.ញ់មីស៊ីលចំនួន២គ្រាប់ចេញពីរថភ្លើង។ នេះបើយោងតាមការចុះផ្សាយរបស់សារព័ត៌មានរដ្ឋនៅថ្ងៃសៅរ៍នេះ ។ នេះជាការបា.ញ់សាកល្បងអាវុ.ធលើកទី៣ហើយរបស់កូរ៉េខាងជើងក្នុងខែមករានេះ ទោះបីមានការដាក់ទណ្ឌកម្មថ្មីពីអាមេរិក ។
យោធាកូរ៉េខាងត្បូងនិយាយថា ខ្លួនបានឃើញការបា.ញ់មីស៊ីលផ្លោងចំនួន២ កាលពីរសៀលថ្ងៃសុក្រម្សិលមិញនេះ។ ការបា.ញ់នោះកើតឡើងតែប៉ុន្មានម៉ោងប៉ុណ្ណោះក្រោយពេលទីក្រុងព្យុងយ៉ាង ចោទប្រកាន់អាមេរិកពីបទបង្ករឿង បន្ទាប់ពីមានការដាក់ទណ្ឌ កម្មថ្មីពីប្រទេសមហាអំណាចនេះ។
ការបា.ញ់សាកល្បងនេះរបស់កូរ៉េខាងជើង ត្រូវបានធ្វើឡើងដើម្បីពិនិត្យ និងវិនិច្ឆ័យលើជំនាញក្នុងដំណើរសកម្មភាពរបស់កងវរ សេនាធំផ្លូវដែក។ នេះបើយោងតាមការចុះផ្សាយរបស់សារព័ត៌មានរដ្ឋកូរ៉េខាងជើង KCNA។
កូរ៉េខាងជើងបានធ្វើការបា.ញ់សាកល្បងមីស៊ីលចេញពីរថភ្លើងជាលើកដំបូងនៅខែកញ្ញា ឆ្នាំ២០២១។ ការបា.ញ់សាកល្បងកាលពីថ្ងៃសុក្រម្សិលមិញនេះបង្ហាញពីភាពបត់បែនខ្ពស់ និងអត្រានៃការវា.យប្រហារគោលដៅ ។
អគ្គសេនាធិការចម្រុះរបស់កូរ៉េខាងត្បូងនិយាយថា ការបា.ញ់មីស៊ីលនោះហោះក្នុងចំណាយ ៤៣០គីឡូម៉ែត្រ ក្នុងរយៈកម្ពស់៣៦គីឡូម៉ែត្រ។
វាគឺជាការបា.ញ់សាកល្បងលើកទី៣ហើយរបស់ព្យុងយ៉ាងក្នុងខែនេះ បន្ទាប់ពីរបបផ្តាច់ការនេះបានប្រកាសពីភាពជោគជ័យក្នុងការបា.ញ់សាកល្បងមីស៊ីលលឿនជាងសំឡេងនៅថ្ងៃទី ៥ និងទី១១ ខែមករា។
អាមេរិកបានធ្វើការឆ្លើយតប ដោយបានដាក់ទណ្ឌកម្មថ្មីលើរបបព្យុងយ៉ាងនៅសប្តាហ៍នេះ ដោយរដ្ឋមន្ត្រីការបរទេសអាមេរិកលោក Antony Blinken និយាយថា កូរ៉េខាងជើងទំនងជាព្យាយាមទាក់ទាញចំណាប់អារម្មណ៍ជាមួយនឹងការបា.ញ់សាកល្បងមីស៊ីលជាច្រើន៕
ចែករំលែកព័តមាននេះ