ខេត្តសៀមរាប ៖ នៅវេលាម៉ោង០២និង៥៦នាទីយប់ ឆ្លងចូលថ្ងៃទី១៤ ខែមករា ឆ្នាំ២០២២ មានករណីអំពើលួចយកអស់ម៉ូតូចំនួន ០២គ្រឿង នៅចំណុចផ្ទះជនរងគ្រោះ ស្ថិតក្នុងក្រុមទី៧ ភូមិខ្នារ សង្កាត់ជ្រាវក្រុង ខេត្តសៀមរាប ។
តាមរបាយការណ៍របស់សមត្ថកិច្ចមូលដ្ឋានបានឱ្យដឹងថា នៅល្ងាចថ្ងៃទី១៣ ខែមករា ឆ្នាំ២០ ២២ កូនប្រុសរបស់លោក ឈួយ រស្មី ឈ្មោះ រស្មី វិច្ឆិកា ភេទប្រុស អាយុ១៧ និង ឈ្មោះ សារ៉ាន់ ចំរ៉ុង (អ្នកស្នាក់នៅជាមួយគ្នា) ភេទប្រុស អាយុ១៩ឆ្នាំ បានទុកម៉ូតូចំនួន ០២គ្រឿង នៅមុខផ្ទះ ដោយពុំបានដកសោរចេញពីម៉ូតូ ឬចាក់សោកទេ ។
លុះដល់ម៉ោងជិត៣និង០០នាទីទៀបភ្លឺ ថ្ងៃទី១៤ ខែមករា ឆ្នាំ២០២២ ម្ចាស់ម៉ូតូឈ្មោះ រស្មី វិច្ឆិកា បានឮសំឡេងទ្វាររបងបើក គាត់បានស្ទុះចេញទៅក្រៅមើលក៏ឃើញជនសង្ស័យម្នាក់ពាក់អាវពណ៌ស កំពុងតែបើកម៉ូតូចេញ ។
ប្រភពបន្តថា ម៉ូតូដែលត្រូវចោរលួចយកទៅបាត់ចំនួន០២គ្រឿងខាងលើ ១. ម៉ាកឌ្រីមសង់ ពណ៌ខ្មៅ ស៊េរី 2019 លេខតួ និងលេខម៉ាស៊ីន 5362086 ផ្លាកលេខ សៀមរាប 1AE -3905 ម្ចាស់ឈ្មោះ សារ៉ាន់ ចំរ៉ុង ភេទប្រុស អាយុ១៩ឆ្នាំ ជនជាតិខ្មែរ មានមុខរបរជានិស្សិតបរិញ្ញាបត្រឆ្នាំទី២ ។ ២. ម៉ាកឌ្រីមសង់ ពណ៌ខ្មៅស៊េរី 2022 លេខតួ និងលេខម៉ាស៊ីន 6116188 ផ្លាកលេខ សៀមរាប 1AL -8427 ម្ចាស់ឈ្មោះ ឈុយ រស្មី ភេទប្រុស អាយុ៣៥ឆ្នាំ ជនជាតិខ្មែ មុខរបរលក់ដូរ ។
បច្ចុប្បន្ន សមត្ថកិច្ចកំពុងដុតដៃ ដុតជើងស្វែងរកតាមចាប់ជន សង្ស័យខាងលើផងដែរ ៕
ចែករំលែកព័តមាននេះ