ថ្ងៃទី១ ចាក់ដូសទី៤ បាន ២០២០០នាក់ ប្រើវ៉ាក់សាំង ៤ប្រភេទ
- ភ្នំពេញ
ភ្នំពេញ៖ នៅថ្ងៃទី១៤ ខែមករានេះ ជាថ្ងៃទី១ នៃដំណើរការចាក់វ៉ាក់សាំងបង្ការជំងឺកូវីដ១៩ ដូសទី៤។ គឺមានអ្នកចាក់វ៉ាក់សាំង ដូសទី៤ បានចំនួន ២០២០០នាក់…
ភ្នំពេញ៖ នៅថ្ងៃទី១៤ ខែមករានេះ ជាថ្ងៃទី១ នៃដំណើរការចាក់វ៉ាក់សាំងបង្ការជំងឺកូវីដ១៩ ដូសទី៤។ គឺមានអ្នកចាក់វ៉ាក់សាំង ដូសទី៤ បានចំនួន ២០២០០នាក់…
ភ្នំពេញ៖ នៅថ្ងៃទី១៤ ខែមករានេះ ជាថ្ងៃទី១ នៃដំណើរការចាក់វ៉ាក់សាំងបង្ការជំងឺកូវីដ១៩ ដូសទី៤។ គឺមានអ្នកចាក់វ៉ាក់សាំង ដូសទី៤ បានចំនួន ២០២០០នាក់ ដោយប្រើប្រាស់ថ្នាំវ៉ាក់សាំង ៤ប្រភេទ រួមមាន៖ Pfizer ចាក់បាន ១៩៩៧០នាក់ វ៉ាក់សាំង AstraZeneca (KR) ៩០នាក់ Moderna ១៣៤នាក់ និង AstraZeneca (Netherlands) ចំនួន ៦នាក់។ នេះបើតាមរបាយការណ៍ប្រចាំថ្ងៃរបស់ក្រសួងសុខាភិបាល។
សូមរម្លឹកថា នៅថ្ងៃទី១៤ ខែមករានេះ ជាថ្ងៃចាប់ផ្តើមយុទ្ធនាការចាក់វ៉ាក់សាំង បង្ការជំងឺកូវីដ១៩ ដូសទី៤ ដោយចាប់ផ្តើមចាក់មុនគេលើថ្នាក់ដឹកនាំកំពូលៗ ក្រសួងស្ថាប័នជាតិ និងមន្ត្រីជួរមុខ នៅរាជធានីភ្នំពេញ។ រីឯប្រជាពលរដ្ឋ អាយុចាប់ពី ៦០ឆ្នាំឡើង នឹងចាប់ផ្តើមចាក់ដូសទី៤ នៅថ្ងៃទី២១ ខែមករា ហើយប្រជាពលរដ្ឋអាយុចាប់ពី ១៨ឆ្នាំឡើង នឹងចាក់ដូសទី៤ នៅថ្ងៃទី១កុម្ភៈ។
ដូសទី៤ ចាប់ផ្តើមតែនៅរាជធានីភ្នំពេញប៉ុណ្ណោះ។ មូលហេតុ ដោយសារតែលោកស្រី ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល ព្រមទាំងជាប្រធានគណៈកម្មការចំពោះកិច្ចចាក់វ៉ាក់សាំងកូវីដ១៩ ក្នុងក្របខណ្ឌទូទាំងប្រទេស លើកឡើងថា មិនមានប្រព័ន្ធត្រជាក់ ដើម្បីរក្សាទុកវ៉ាក់សាំង Pfizer ដែលត្រូវការត្រជាក់ ដក ៨០អង្សា។ ដូច្នេះ មិនអាចចែកចាយថ្នាំវ៉ាក់សាំង Pfizer ដែលជាជំនួយរបស់ប្រទេសអូស្ត្រាលី ជាង ២លានដូសនោះ ទៅតាមបណ្តាខេត្ត ដើម្បីចាក់ដូសទី៤ នោះទេ។
តែយ៉ាងណាក៏ដោយ សម្តេចតេជោ នាយករដ្ឋមន្ត្រី ហ៊ុន សែន បានប្រកាសអនុញ្ញាតឲ្យប្រជាពលរដ្ឋ អាចមកចាក់វ៉ាក់សាំង ដូសទី៤ នៅរាជធានីភ្នំពេញ នាពេលនេះបាន។
ក៏ប៉ុន្តែចូរកុំភ្លេចថា អ្នកអាចចាក់ដូសទី៤ បាន លុះត្រាតែមានរយៈពេលគម្លាតពីចាក់វ៉ាក់សាំង ដូសទី៣ ចន្លោះពី ៤ខែ ទៅ ៦ខែ។
របាយការណ៍របស់ក្រសួងសុខាភិបាល បង្ហាញថា គិតត្រឹមថ្ងៃទី១៤ ខែមករា ឆ្នាំ២០២២ នៅទូទាំងប្រទេស អ្នកមានអាយុចាប់ពី ៥ឆ្នាំឡើង ចាក់វ៉ាក់សាំងបានសរុបចំនួន ១៤ ៣០៥ ២៦៦នាក់។ ក្នុងនោះ អ្នកចាក់ដូសទី២ បានចំនួន ១៣ ៧០៧ ១៤៣នាក់។ អ្នកចាក់ដូសទី៣ បានចំនួន ៤ ៥០៨ ៤៨៩នាក់។
រហូតដល់ពេលនេះ កម្ពុជាបានប្រើប្រាស់ថ្នាំវ៉ាក់សាំងបង្ការជំងឺកូវីដ១៩ ចំនួន ១០ប្រភេទ រួមមាន៖ ១-Sinopharm ២-AstraZeneca ( Covishield ) ៣-AstraZeneca ( Japan ) ៤-AstraZeneca ( UK ) ៥-Sinovac ៦-Janssen ( Johnson & Johnson ) ៧-AstraZeneca ( KR ) ៨-Moderna ៩-AstraZeneca ( Netherlands ) និង១០-Pfizer៕
ចែករំលែកព័តមាននេះ